Matthieu 17:21 - NYANMIƐN NDƐ'N 1998

²¹ Sanngɛ like kɛ nga sa'n, sɛ be kpɛ-man srɛ nun be se-man Nyanmiɛn kɛ ɔ fuɛn i'n, be kwla fuɛn-mɛn i.]»

Nyanmien nde Ufle

²¹ [Sannge liké ke nga sa'n, se bé kpe'a sre nun bé sé'a Nyanmien ke o fuen'n, bé kwla fuenmen.]

Matthieu 17:21 Iomraidhean Croise

1 Famiɛn Mun 17:20

Yɛ ɔ srɛli Anannganman seli kɛ: «?Bla bɔ n wa sikeli i yɛ'n sɔli min nun klanman. ?A ´kun i wa'n nan ɔ wun nyrɛnnɛn sakpa?»

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Matthieu 12:45

Ɔ kɔ ko fɛ i wiengu asiɛ usu nso bɔ be tɛ liɛ'n trɛ i liɛ'n, be wa wlu sua sɔ'n nun, be tran nun, yɛ sran sɔ'n i sacilɛ b'ɔ saci siɛn'n, ɔ yo tɛ dan tra laa liɛ'n. Kɛ ajulisufuɛ tɛtɛ nga'm be liɛ'n ɔ wa yo sɔ-ɔ.»

Matthieu 17:22

Kɛ Jésus nin i sɔnnzɔnfuɛ mun be ´wlan Galile mɛn nun'n, ɔ seli be kɛ: «Be wa fa m bɔ n kacili Sran'n man sran mun.»

Marc 9:29

Ɔ seli be kɛ: «Like kɛ nga sa'n, sɛ be srɛ-man Nyanmiɛn kɛ ɔ tu i'n, be kwla tu-mɛn i.»

Sa nga bé yôli'n 13:2

Le kun kɛ be ´kpɛ srɛ nun bɔ be ´yo asɔnun'n, Nyanmiɛn Wawɛ'n seli be kɛ: «An `fa Barnabas nin Sɔl man min man be di junman nga ti yɛ n flɛli be'n.»

Sa nga bé yôli'n 14:23

Be siesieli kpɛnngbɛn mun be asɔnun'm be nun. Kɛ be kpɛli srɛ nun bɔ be seli Nyanmiɛn kɛ ɔ jran bé sin'n, be fa be wlali e Min'n bɔ be lafi i su'n, i sa nun.

1 Korɛntfuɛ Mun 7:5

Sɛ ɔ ti-man kɛ amun nnyɔn'n amún bo a yo kun kɛ amun ´fa blɛ kaan kɛ amun nin Nyanmiɛn amun ´koko yalɛ'n, nán an kpɛ amun wun ainngba. Sɛ blɛ sɔ'n ko sin'n, an `kan bo nun, sɛ ɔ'a yo-man sɔ-ɔ, ɔ cɛ-man nan amun anwlɛn bɔ an kwla tra-man'n ti, Satan a nyan amun .

2 Korɛntfuɛ Mun 11:27

N dili junman kekleekle mun, n fɛli, n ta-man lafi, awe nin nzue we'n kunnin min, n ta-man like di, ayrɛ'n kunnin min, m miannin tralɛ wun.

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.