Matthieu 17:2 - NYANMIƐN NDƐ'N 1998

² I wunnɛn'n kacili be nyrun, i nyrun'n yoli kɛ wia'n bɔ bo'n sa, yɛ i tralɛ'n yoli ufue nyɛnnyɛnnyɛn.

Nyanmien nde Ufle

² I wunnen'n katyii bé nyrun, i nyrun'n ti ke wia'n bo bô'n sa, ye i trale'n ti ufué nyennyennyen.

Matthieu 17:2 Iomraidhean Croise

Jue Mun 104:2

Ɔ wun ti kpajawa yɛiin. Sɛ n ´kwla se'n, a trɛ nyanmiɛn'n b'ɔ la nglo lɔ plaii nun'n kɛ tannin sua sa.

Ngɔjue Fɛfɛ Kpa'n 6:10

«?Wan yɛlɛ bla ng'ɔ ti i liɛ kɛ wia b'ɔ su tu i bo sa'n? Ɔ ti klanman kɛ anglo ba'n sa. Ɔ ti kɛ wia b'ɔ su kpaja'n sa. Sanngɛ ɔ yo sro kɛ sonja akpasua wie bɔ be titi be flanga'n i bo lɛ'n sa.»

Matthieu 17:1

Kɛ ɔ dili le nsiɛn'n, Jésus fali Piɛr nin Zak ɔ nin i niaan bian Zan, nan b'a ɔ be ngunmin oka nglo-nglo kun su.

Matthieu 17:3

Moiz nin Eli be fiteli be nyrun yɛ be nin Jésus be kokoli yalɛ.

Matthieu 28:3

I wun'n kpaja kɛ nyanmiɛn i sin b'ɔ kpa'n sa, yɛ i tralɛ'n fɛn fitafita kɛ nyanmiɛn ufue sa.

Marc 9:3

I tralɛ'n kacili ufue nyɛnnyɛnnyɛn bɔ ninnge kpufuɛ fi nun-man asiɛ'n su wa b'ɔ kwla kpu ninnge ɔ fɛn ju sɔ-ɔ.

JÉSUS-CHRIST I DYASIN FE'N BO LUC KLELI'N 9:29

Kɛ be ´koko yalɛ sɔ'n, i nyrun'n kacili, yɛ i tralɛ'n kacili ufue nyɛnnyɛnnyɛn.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Sa nglô yile 10:1

Yɛ n wunnin anz wunmiɛnfuɛ kun, ɔ fin nyanmiɛn su lɔ ɔ su jra. Nyanmiɛn ble kun wo i wun, nyanngondin sin yiɛ i ti'n, i nyrun'n ti kɛ wia'n sa, yɛ i ja waka'n ti kɛ sin b'ɔ jue tiaan'n sa.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.