Matthieu 17:13 - NYANMIƐN NDƐ'N 1998

¹³ Kɛ ɔ kannin sɔ'n, i sɔnnzɔnfuɛ'm be wunnin i wlɛ kɛ Zan batɛm yofuɛ'n i ndɛ yɛ ɔ su kan kle be-ɔ.

Nyanmien nde Ufle

¹³ Ke o kaan so'n, i sonnzonfue'm bé wuun i wle ke Jean baptême yôfue'n i nde ye o su kan klé béo.

Matthieu 17:13 Iomraidhean Croise

Matthieu 11:14

Zan sɔ'n yɛ ɔ ti Eli bɔ be kɛnnin i ndɛ kɛ ɔ ´ba nin-ɔn . An lafi i sɔ bɔ be kannin'n su.

Matthieu 17:12

Sanngɛ n ´kan kle amun kɛ, Eli dun mmua bali, b'a si-mɛn i, i ti be yoli i kɛ be klun klo kɛ be ´yo i'n sa. I kunngba nin-ɔn, m bɔ n kacili Sran'n n kusu kɛ m ma wun nyrɛnnɛn bé sa nun sɔ-ɔ.»

Matthieu 17:14

Kɛ be juli sran'm be wun lɛ'n, bian kun wa kotoli Jésus bo nan ɔ'a se i kɛ:

Matthieu 3:1

Blɛ sɔ'n nun'n, Zan b'ɔ ti batɛm yofuɛ'n bali, ɔ kan Nyanmiɛn ndɛ Zide aawlɛ flɛnnɛn nun lɔ.