Matthieu 16:27 - NYANMIƐN NDƐ'N 1998

²⁷ M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Nyanmien nde Ufle

²⁷ M bo n katyii Swran'n min nin n Si ange mun éh bah i dunman nun béh wunh ke i nyrun ti nyannyan o yô srô, ye ke swran kun i nyôlie'n ti dyu'n mh menh i nuan liké.

Matthieu 16:27 Iomraidhean Croise

Zɔb I Nyrɛnnɛn Wunlɛ 34:11

Sa nga sran yo'n i nuan akatua yɛ ɔ fa mɛn i-ɔ. I nantilɛ'n su yɛ ɔ nian fa mɛn i ninnge mun-ɔn.

Jue Mun 62:12

Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

Nyanndra Mun 24:12

Sɛ a se kɛ: «M'an wun-man nun o!» Nyanmiɛn bɔbɔ si nun. Ɔ si ɔ sa nga a yo be'n. I nyin ta wɔ. Ɔ si sa ngba. Sran kun i sa ng'ɔ yo be'n, i su yɛ ɔ nian fa bu i fɔ-ɔ.

Akunndanfuɛ'n 3:17

N seli min klun lɔ kɛ: «Nyanmiɛn wa di sran kpa nin sran tɛ'm be jɔlɛ. Afin like kwlaa lɛ blɛ. E nyoliɛ'm be ti Nyanmiɛn wa di e jɔlɛ.»

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 32:19

Ninnge nga a bu be akunndan kɛ a ´yo be'n be ti dandan, kusu a kwla be yo klanman. Ninnge nga sran'm be yo'n, ɔ́ nyin tɛ i kwlaa'n. Ninnge sɔ'm be su yɛ a nian a yo be sa ng'ɔ nin be fata nin-ɔn. Be nyoliɛ'n su yɛ a nian a yo be sa ng'ɔ nin be fata nin-ɔn.

Ezekiɛl 18:20

Sran ng'ɔ yo sa tɛ'n, i yɛ ɔ ´wu-ɔ. Ba'm be su tannin-man bé si'm be sa tɛ'n i ti kalɛ. Yɛ siɛ'm be su tua-man be mma'm bé sa tɛ'n i ti kalɛ. Sran ng'ɔ yo sa kpa'n, be ´tuɛ i sa kpa sɔ'n i ti kalɛ be mɛn i. Sran ng'ɔ yo sa tɛ'n, be ´tuɛ i sa tɛ'n i ti kalɛ be mɛn i.»

Ezekiɛl 7:27

Famiɛn'n ´tran sɛ nun. Diewa'n i wla'n ´bo i wun. Nvlefuɛ'm be ´usu sa tututu srɛ b'ɔ ´kun be'n ti. Kɛ be nzuɛn'n fa ti'n i su sa yɛ n ´fa yo be-ɔ. Sa nga be yoli'n yɛ n ´nian su n ´fa di be jɔlɛ nin-ɔn, kpɛkuun be wa si jrɛiin kɛ min yɛ n ti Anannganman nin-ɔn.› »

Daniɛl 7:10

Sin kun fin sran oke'n i nyrun lɛ, ɔ nyrɛn kɛ nzue ba dan wie sa, kpɛkuun ɔ sonji. Sran akpi sɔ lele akpi be su i. Yɛ sran akpingbin be jinjin i nyrun lɛ. Yɛ jɔlɛ difuɛ'm be trannin ase nan b'a tike fluwa'm be su .

Zakari 14:5

Kpɛkuun amun ´wanndi be ´sin oka bue nnyɔn sɔ'm be afiɛn kongo'n nun. Kongo sɔ'n fɛ i lele kpɛn Atzɛl. Amun ´wanndi kɛ Zida famiɛn Ozias blɛ su asiɛ b'ɔ kejeli bɔ amun nannan'm be fa wanndili'n sa. Kpɛkuun Anannganman min Nyanmiɛn'n ɔ ´ba, ɔ nin i anz'm be kwlaa yɛ be ´ba-a .

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 13:49

Kɛ mɛn'n i awieliɛ'n ɔ wa yo sɔ-ɔ: anz'm be ´ba, be wa yi sran klunwifuɛ mun nanwlɛfuɛ'm be nun,

Matthieu 24:30

Yɛ nzɔliɛ ng'ɔ kle kɛ m bɔ n kacili Sran'n n su ba'n, ɔ ´fite nyanmiɛn su lɔ, nvle-nvle'n kwlaa be ´bo awuyomo, be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, kɛ ɔ ´yo sɔ'n, min nyrun o ´yo nyannyan yɛ ɔ ´yo sro .

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Matthieu 26:64

Yɛ Jésus seli i kɛ: «Yɛ ɔ́ nuan o su lɛ-ɔ. N ´kan kle amun ekun kɛ, kɛ ɔ fin ndɛ'n, amun wa wun m bɔ n kacili Sran'n kɛ n ti Nyanmiɛn i fama su yɛ n wo nyanmiɛn ble'n su n su ba .»

Matthieu 8:20

Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

Marc 14:62

Yɛ Jésus seli i kɛ: «Ɛɛn, yɛlɛ min. Amun wa wun m bɔ n kacili Sran'n kɛ n ti Nyanmiɛn i fama su, yɛ amun ´wun min n wo nyanmiɛn ble'n su n su ba .»

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

JÉSUS-CHRIST I DYASIN FE'N BO LUC KLELI'N 21:27

Yɛ be ´wun M Bɔ N Kacili Sran'n kɛ n wo nyanmiɛn ble'n su n su ba , m ´ba yasua su, min nyrun nyannyan kɛ sɛnzɛ'n sa, ɔ yo sro.

JÉSUS-CHRIST I DYASIN FE'N BO LUC KLELI'N 22:69

Sanngɛ kɛ ɔ fin ndɛ'n, «M bɔ n kacili Sran'n n wa tran Nyanmiɛn i fama su .»

JÉSUS-CHRIST I DYASIN FE'N BO LUC KLELI'N 9:26

M bɔ n kacili Sran'n m ´ba, sran'm be ´wun kɛ min nin min Si nin min Si i anz mun e nyrun'n ti nyannyan ɔ yo sro. Sran nga bɔ min nin min ndɛ'n ti nyannzuɛn kun i'n, kɛ m ´ba sɔ'n, nyannzuɛn ɔ'a kun min sran sɔ'n ti.

Jean 21:22

Yɛ Jésus tɛli i su kɛ: «?Sɛ n klo kɛ ɔ tran lɛ lele man ɔ fa ju m balɛ'n, ɔ ndɛ o nun? Ɔ li, su n su.»

Jean 21:23

Ɔ man ndɛ sɔ'n truli e niaan'm be afiɛn kɛ i waan i sɔnnzɔnfuɛ sɔ'n su wu-man. Sanngɛ Jésus a se-man Piɛr kɛ ɔ su wu-man, i waan, sɛ ɔ klo kɛ ɔ tran lɛ man ɔ fa ju i balɛ'n, i ndɛ nun-man nun.

Sa nga bé yôli'n 1:11

«Galilefuɛ mun, nguɛ ti yɛ an jin wa nian nyanmiɛn su lɔ sɔ-ɔ? Jésus bɔ Nyanmiɛn mɛn i su ɔli nyanmiɛn su lɔ amun nyrun wa'n, ɔ wa ba ekun kɛ an wunnin i kɛ ɔ fa ɔli'n sa.»

Rɔmfuɛ Mun 14:12

Ɔ man e kwlaa e wa kan sa nga e yoli be'n kle Nyanmiɛn.

Rɔmfuɛ Mun 2:6

yɛ like nga sran kun yoli'n, ɔ ´mɛn i nuan like .

1 Korɛntfuɛ Mun 15:23

sanngɛ ɔ to be ɔ to be. Krist yɛ ɔ ti be klikli-ɔ, i sin be nga be ti Krist liɛ'n, kɛ ɔ ´ba'n, be yɛ ɔ ´to be-ɔ.

1 Korɛntfuɛ Mun 3:13

like nga sran kun yoli'n be wa wun i. Afin jɔlɛ dilɛ cɛn'n nun'n, sin'n man ɔ ´fite nglo, yɛ like nga sran kun yoli'n be ´fa sin gua su nian.

1 Korɛntfuɛ Mun 8:8

Nán aliɛ ti yɛ Nyanmiɛn klun jɔ e wun-ɔn. Sɛ e di like o, sɛ e di-man like o, Nyanmiɛn klun b'ɔ jɔ e wun'n, ɔ kaci-man.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Efɛzfuɛ Mun 6:8

Afin an si kɛ like kpa kwlaa nga sran kun yo'n, sɛ kanga o, sɛ diewa o, like ng'ɔ yo'n, ɔ ´nyɛn i nuan like e Min'n sa nun.

Kolɔsfuɛ Mun 3:25

Afin sran ng'ɔ yo sa ng'ɔ ti-man kpa'n, ɔ ´nyɛn i nuan like yɛlɛ kɛ Nyanmiɛn kpa-man sran nun .

1 Tɛsalonikfuɛ Mun 1:10

kɛ amun ´minndɛ i Wa b'ɔ cɛnnin i'n, b'ɔ ´fin nyanmiɛn su lɔ ba'n, yɛlɛ Jésus b'ɔ de e Nyanmiɛn i ya b'ɔ wa jao'n nun'n.

1 Tɛsalonikfuɛ Mun 4:16

Kɛ be ti kɛ sran kun kpan'n, bɔ be ti anz kpɛnngbɛn'n i nɛn'n, bɔ be ti Nyanmiɛn i awɛ'n i tɛlɛ'n cɛ'n, kpɛkuun e Min'n bɔbɔ fin nyanmiɛn su lɔ su jra. Kristfuɛ nga be wuli'n, be ´cɛn dun mmua e nyrun,

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.

1 Jean 2:28

M mma mun, amun nin i `tran titi nan cɛn nga ɔ ´ba'n, bɔ ɔ ´yi i wun nglo'n é wla'n ɔ'a gua ase nan b'a kan-man e bo, yɛ y'a wun-man nyannzuɛn.

Jude 1:14

Yɛ Enɔk b'ɔ ti Adam i osu-osu'n nso su'n i nun sran kpɛnngbɛn'n ɔ kannin sa ng'ɔ wa tɔ be su'n i ndɛ. Ɔ seli kɛ: «N wunnin e Min'n nin i anz akpi-akpi kpanngban kpa be bali ,»

Sa nglô yile 1:7

An `nian, ɔ o nyanmiɛn ble'n nun su ba! Sran'm be kwlaa be ´wun i, yɛ be nga be wɔli i cua'n, be ´wun i wie. I ti, asiɛ'n su nvle-nvle'm be kwlaa be ´bo awuyomo . Ɔ ´yo sɔ sakpa! Man ɔ yo sɔ!

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Sa nglô yile 20:12

Yɛ n wunnin be nga be wuli'n, sɛ be lɛ nyrun o, sɛ be lɛ-man nyrun o, be jinjin bia'n nyrun lɛ. Be trɛli fluwa wie'm be nun. Yɛ be trɛli kun ekun nun, i yɛ ɔ ti nguan fluwa nin-ɔn. Be niannin fluwa'm be nun, be wunnin sa nga be bɔ be wuli'm be yoli'n, i su yɛ be jran be dili be jɔlɛ nin-ɔn.