Matthieu 16:16 - NYANMIƐN NDƐ'N 1998

¹⁶ Simɔn Piɛr tɛli su kɛ: «A ti Krist, Nyanmiɛn'n b'ɔ lafi-man i Wa'n yɛlɛ wɔ.»

Nyanmien nde Ufle

¹⁶ Simon Pierre sé ke: A ti Christ, Anannganman Nyanmien'n i Wa.

Matthieu 16:16 Iomraidhean Croise

Jue Mun 2:7

Nyanmiɛn i sran ng'ɔ sieli i famiɛn'n waan: «Amun `jran man m bo Anannganman i ndɛ b'ɔ fin i nuan fiteli'n i jɔ ke! Ɔ seli min kɛ yo: ‹A ti n wa! Ndɛkɛn yɛ n wuli wɔ-ɔ .

Jue Mun 42:2

Kɛ flete'n ɔ fɛfɛ kunndɛ nzue ba mun'n, min Nyanmiɛn, i kunngba nin-ɔn, n fɛfɛ n kunndɛ kɛ n ´fa min wun m mantan wɔ.

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Matthieu 1:16

Zakɔb wuli Zozɛf b'ɔ ti Mari wun'n. Mari sɔ'n yɛ ɔ wuli Jésus bɔ be flɛ i Krist nin-ɔn.

Matthieu 14:33

Be nga be o alie'n nun'n be ko kotoli Jésus bo yɛ be seli i kɛ: «A ti Nyanmiɛn Wa sakpa.»

Matthieu 16:15

Yɛ ɔ usali be kɛ: «?Yɛ amun kusu amun waan wan yɛlɛ min?»

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»

Matthieu 27:54

Sonja ya su kpɛn'n nin be nga be o lɛ be nian Jésus su'n, kɛ be wunnin asiɛ'n b'ɔ kejeli'n nin sa ng'ɔ yoli'n, srɛ kunnin be dan kpa nan b'a se kɛ: «Nanwlɛ, bian sɔ'n ti Nyanmiɛn Wa sakpa.»

Matthieu 4:3

Lakafuɛ'n bɛli i wun lɛ, ɔ seli i kɛ: «Sɛ ɔ waan a ti Nyanmiɛn Wa sakpa'n, se yɛbuɛ nga mun man be kaci aliɛ.»

Marc 14:61

Jésus trannin bliin, ɔ'a uke-mɛn i nuan. Nyanmiɛn nyrun jranfuɛ'm be su kpɛn'n usɛli i ekun kɛ: «?Krist, Nyanmiɛn bɔ be yi i ayɛ'n i Wa'n yɛlɛ wɔ?»

JÉSUS-CHRIST I DYASIN FE'N BO LUC KLELI'N 2:11

Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 11:27

Yɛ ɔ seli i kɛ: «Ɛɛn. Nannan, n si kɛ wɔ yɛ a ti Krist nin-ɔn. A ti Nyanmiɛn Wa bɔ be waan ɔ ´ba mɛn'n nun'n.»

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 6:57

Kɛ n Si b'ɔ lafi-man'n ɔ sunmannin min'n, bɔ i ti yɛ n wo lɛ'n, sran nga kusu b'ɔ di min nnɛn'n, n ti ɔ ´tran lɛ.

Jean 6:68

Yɛ Simɔn Piɛr seli i kɛ: «Wan sin yɛ e ´kɔ-ɔ? Ɔ ndɛ'n yɛ man e nyan anannganman nguan-an.

Jean 6:69

E lafi su yɛ e si kɛ a ti Nyanmiɛn i Sran.»

Sa nga bé yôli'n 14:15

«?Nja mun, nguɛ ti yɛ an yo sɔ-ɔ? Nán an sɔ ye, e ti sran kɛ amun sa wie, yɛ e su bo jasin fɛ'n kle amun nan an yaci like ngbɛn-ngbɛn nga'm be yolɛ, an kpɛ amún nyin Nyanmiɛn b'ɔ lafi-man wun, i yɛ ɔ yili nglo nin asiɛ'n, nin jenvie'n, ɔ nin like b'ɔ o mɛn'n nun'n i kwlaa-a .

Sa nga bé yôli'n 8:36

Kɛ be ´kɔ be nyrun'n, be toli nzue, yɛ bian'n waan: «?Nian, nzue yɛ o yɛ, nguɛ yɛ man n kwla yo-man batɛm-ɔn?» [

Sa nga bé yôli'n 8:37

Filip seli i kɛ: «Sɛ a lafi ndɛ nga n kan kleli wɔ'n su kpa'n, a kwla yo.» Bian'n seli kɛ: «N lafi su kɛ Jésus-Krist ti Nyanmiɛn Wa.»]

Sa nga bé yôli'n 9:20

kpɛkuun ɔ su kan ndɛ Nyanmiɛn ndɛ suanlɛ nin i srɛlɛ sua'm be nun, ɔ kan kɛ Jésus ti Nyanmiɛn Wa.

Rɔmfuɛ Mun 1:4

yɛ i cɛnlɛ bɔ Nyanmiɛn Wawɛ'n cɛnnin i'n ɔ ti sa kekle b'ɔ yoli, ɔ man be si kɛ ɔ ti i Wa sakpa. Ɔ ti e Min Jésus-Krist.

2 Korɛntfuɛ Mun 1:19

Afin Nyanmiɛn Wa Krist-Jésus bɔ min nin Silvɛn, ɔ nin Timote e kɛn i ndɛ kleli amun'n, ɔ ti-man nuan nun nnyɔn-nnyɔn difuɛ, ɔ ti nanwlɛfuɛ.

2 Korɛntfuɛ Mun 3:3

Be wun kɛ an ti fluwa bɔ Krist klɛ fa sunmannin ye. W'a fa-man kleyɔn a klɛ-mɛn i yɛbuɛ paplapa wie su, sanngɛ ɔ fa Nyanmiɛn b'ɔ lafi-man'n i Wawɛ'n yɛ ɔ fa klɛli i sran'm be anwlɛn'n nun-ɔn .

2 Korɛntfuɛ Mun 6:16

?Be kwla fa sua kun yo Nyanmiɛn nin amuɛn'm bé sua? Afin e ti Nyanmiɛn b'ɔ lafi-man'n i sua, afin Nyanmiɛn bɔbɔ waan: «Min nin be e ´tran, e ´san nun, n ´yo be Nyanmiɛn, yɛ be kusu be ´yo n sran .»

Mmla'n 5:26

?Sran onin bɔ cɛ yɛ ɔ'a ti Nyanmiɛn b'ɔ lafi-man'n i nɛn'n sin nun kɛ e sa bɔ ɔ'a wu-man-an?

1 Tɛsalonikfuɛ Mun 1:9

Kɛ e ɔli amun wun lɔ'n, nun sɔlɛ nga an fa sɔli ye'n, sran'm be kwlaa be kɛn i ndɛ. Be se kɛ an yacili amuɛn mun, yɛ an fa amun wun mannin Nyanmiɛn b'ɔ lafi-man'n b'ɔ ti nanwlɛfuɛ'n

1 Timote 3:15

Sanngɛ sɛ m'an kwla ɔ-man icra'n, fluwa nga nun ndɛ'n ɔ ´yo man a ´si sa nga a ´yo i Nyanmiɛn i awlo'n nun'n. Awlo sɔ'n yɛlɛ Nyanmiɛn b'ɔ lafi-man'n i Asɔnun'n. Sɛ nanwlɛ'n ti sua'n, wuun Asɔnun'n ti i kuatrɛn nin i kofiaja.

1 Timote 4:10

I ti yɛ man e di junman lele e fɛ nin-ɔn, afin e fa e wla'n guali Nyanmiɛn b'ɔ lafi-man, b'ɔ ti sran'm be kwlaa be Defuɛ'n i su, sanngɛ be nga be lafi i su'n, be liɛ yɛlɛ delɛ sɔ'n i bo'n.

Hébreu 10:31

Sɛ Nyanmiɛn b'ɔ lafi-man'n ɔ nyan sran kun'n, i sɔfuɛ'n i yako!

Hébreu 12:22

Sanngɛ an bali Siɔn Oka'n i bo, an bali nyanmiɛn su Zerizalɛm liɛ'n b'ɔ ti Nyanmiɛn i klɔ'n bɔ anz akpi-akpi be o su'n su.

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!

1 Jean 4:15

Sran ng'ɔ se kɛ Jésus ti Nyanmiɛn Wa'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

1 Jean 5:5

?Wan yɛ ɔ kwla mɛn'n nun ninnge'm be kwlaa bɔ be ti kɛ e kpɔfuɛ sa nin-ɔn? ?Nán sran ng'ɔ lafi su kɛ Jésus ti Nyanmiɛn Wa nin-ɔn?

Sa nglô yile 7:2

Yɛ n wunnin anz kun ekun, ɔ fiteli wia afiliɛ lɔ, Anannganman Nyanmiɛn i like b'ɔ fa sie like'm be nzɔliɛ'n wo i sa nun. Ɔ kpan seli anz nga be sie be kɛ be saci asiɛ'n nin jenvie'n be kɛ: