Matthieu 16:12 - NYANMIƐN NDƐ'N 1998

¹² Yɛ be wunnin i wlɛ kɛ nán kpaun ayre'n i lika yɛ i waan be nian bé wun nin-ɔn, sanngɛ like nga Farizifuɛ mun nin Sadisefuɛ'm be kle'n i lika yɛ i waan be nian bé wun nin-ɔn.

Nyanmien nde Ufle

¹² Ye bé wuun i wle ke, nanh kpaun ayré'n i lika ye i waan bé nian bé wun nion, sannge liké nga Pharisifue nin Sadducéfue'm bé klé'n i lika ye i waan bé nian bé wun nion.

Matthieu 16:12 Iomraidhean Croise

Matthieu 16:11

?Kɛ n kan kleli amun kɛ an nian amún wun Farizifuɛ mun nin Sadisefuɛ'm be kpaun ayre'n i lika'n, ɔ yo sɛ ti yɛ amu'an wun-mɛn i wlɛ kɛ nán kpaun ndɛ yɛ n kan kleli amun-ɔn?»

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

Matthieu 5:20

Afin n ´kan kle amun kɛ, sɛ amun nzuɛn'n ɔ'a yo-man kpa a tra-man mmla klefuɛ nin Farizifuɛ'm be liɛ'n, Nyanmiɛn su sie-man amun mlɔnmlɔn!

Sa nga bé yôli'n 23:8

Afin Sadisefuɛ'm be waan sɛ sran wu-ɔ ɔ su cɛn-man, be waan anz'm be nun-man lɛ yɛ sran lɛ-man wawɛ, sanngɛ Farizifuɛ'm be waan sɛ sran wu-ɔ ɔ ´cɛn, be waan anz'm be o lɛ yɛ sran lɛ wawɛ.

1 Korɛntfuɛ Mun 5:6

Amún nuan dilɛ sɔ'n ti-mɛn i su! ?An si-man kɛ kpaun ayre kaan'n bɔ be fa guɛ i kpaun nzuɛn'n nun'n yɛ man i wunmuan'n wla-a?