Matthieu 15:36 - NYANMIƐN NDƐ'N 1998

³⁶ Ɔ fali kpaun nso'n nin jue mun, kɛ ɔ lali Nyanmiɛn ase'n, ɔ bubuli nun fa mɛnnin i sɔnnzɔnfuɛ mun nan b'a fa cɛ sran mun.

Nyanmien nde Ufle

³⁶ O faa kpaun nsô'n nin dyué mun, ke o laa Nyanmien asé'n, o bubuu nun fa men i sonnzonfue mun, nan ba fa tye swran mun.

Matthieu 15:36 Iomraidhean Croise

Matthieu 14:19

Jésus yoli man sran'm be trannin ase ijre'n su lɛ, ɔ fali kpaun nnun'n nin kpatra nnyɔn'n, ɔ mɛnnin i nyin su niannin nyanmiɛn su lɔ nan ɔ'a la Nyanmiɛn ase. I sin ɔ bubuli kpaun'n nun, ɔ fa mɛnnin i sɔnnzɔnfuɛ'm be kɛ be `fa cɛ sran mun, nan b'a fa cɛ be.

Matthieu 15:35

Yɛ ɔ flɛli sran sɔ mun kɛ be wa tran ase.

JÉSUS-CHRIST I DYASIN FE'N BO LUC KLELI'N 22:17

Ɔ fali klowa kun, ɔ lali Nyanmiɛn ase nan ɔ'a se kɛ: «An `de, amun kwlaa amun `nɔn like ng'ɔ o nun'n.

JÉSUS-CHRIST I DYASIN FE'N BO LUC KLELI'N 22:19

I sin ɔ fali kpaun, kɛ ɔ lali Nyanmiɛn ase'n, ɔ bubuli nun fa mannin be, ɔ seli kɛ: «Kpaun ng'ɔ o yɛ'n ti min wunnɛn i nzɔliɛ, [amun ti yɛ n su fa man-an. An `yo i kɛ nga n ´yo i yɛ'n sa, man amún wla kpɛn n su.»

JÉSUS-CHRIST I DYASIN FE'N BO LUC KLELI'N 24:30

Kɛ be trannin aliɛ'n sin'n, ɔ fali kpaun, ɔ lali Nyanmiɛn ase, yɛ ɔ bubuli nun fa mannin be.

Jean 6:11

Jésus fali kpaun'n, kɛ ɔ lali Nyanmiɛn ase'n, ɔ fa cɛcɛli be. Ɔ fali kpatra ng'ɔ ju be'n cɛcɛli be sɔ ekun.

Jean 6:23

Sanngɛ alie wie'm be fin Tiberiad be juli kan e Min'n lali Nyanmiɛn ase bɔ be dili kpaun lɛ'n.

Sa nga bé yôli'n 27:35

Kɛ i nuan tɔli'n ɔ fali kpaun, ɔ lali Nyanmiɛn ase be kwlaa be nyrun lɛ nan ɔ'a bubu nun, yɛ ɔ kali su-ɔ.

Rɔmfuɛ Mun 14:6

Sran ng'ɔ sie cɛn kun man e Min'n, e Min'n i akunndan b'ɔ bu'n ti yɛ ɔ sie i sɔ-ɔ. Yɛ sran ng'ɔ di like'n kwlaa'n, e Min'n i akunndan b'ɔ bu'n ti yɛ ɔ di-ɔ, afin ɔ la Nyanmiɛn ase. Sran ng'ɔ di-man like ngba'n, e Min'n i akunndan b'ɔ bu'n ti yɛ ɔ yo i sɔ-ɔ, i kusu la Nyanmiɛn ase .

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

1 Korɛntfuɛ Mun 14:16

?Sɛ ɔ'a yo-man sɔ'n, sɛ Nyanmiɛn Wawɛ'n man a yi i ayɛ aniɛn wie nun sɔ'n, ɔ ´yo sɛ yɛ sran b'ɔ wun-man sa sɔ'n i wlɛ'n ɔ ´sɔ ɔ Nyanmiɛn i asenna'n su kɛ: «Man ɔ yo sɔ-ɔ?» Afin ɔ ti-man ndɛ nga a kan'n.

1 Samiɛl 9:13

Kɛ amun wlu klɔ'n nun, amun ´to i lɛ. Sɛ amun kan amún wun'n, amun ´to i lɛ ka nan ɔ'a ɔ like dilɛ sraka yiwlɛ lika sɔ nun lɔ. Sɛ ɔ nian ju-man lɔ'n, klɔ nunfuɛ'm be nian di-man like. Afin i yɛ ɔ srɛ su Nyanmiɛn nan be kwlaa bɔ be yia lɛ'n b'a di-ɔ. Ɔ man amun `wɔ icra'n. Amun ´to i lɔ.»