Matthieu 15:31 - NYANMIƐN NDƐ'N 1998

³¹ Kɛ sran'm be wunnin kɛ bobofuɛ'm be ijɔ'n, kɛ be wunnin kɛ bubuwafuɛ'm be yo juejue'n nan cɛcɛwafuɛ'm be nanti seiin'n yɛ anyansifuɛ'm be wun ase'n, ɔ boli bé nuan nan b'a manman Izraɛl Nyanmiɛn'n.

Nyanmien nde Ufle

³¹ Ke swran'm bé wuun ke bôbôfue'm bé idyo, bo bubuwafue'm bé yô dyuédyué, tyetyewafue'm bé nanti séiin, bo anyansifue'm bé wun asé'n, o bôô bé nuan nan ba manman Israël Nyanmien'n.

Matthieu 15:31 Iomraidhean Croise

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

Bo Bolɛ 33:20

Ɔ kplannin Nyanmiɛn sɔwlɛ kun lɛ. Ɔ tɔnnin i dunman kɛ Ɛl-Elɔe-Izraɛl .

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 50:23

Sran ng'ɔ manman min'n yɛlɛ sran ng'ɔ si min wun ye'n, yɛ i yɛ ɔ ti min ayɛ yifuɛ-ɔ. Sran ng'ɔ nian i nantilɛ'n su'n, n wa yi min wun nglo n kle i kɛ min yɛ n de sran mun-ɔn.»

Ezipt Lɔ Tulɛ'n 24:10

Be wunnin Izraɛl Nyanmiɛn'n, i ja'm bé siesie like su. Like sɔ'n ti kɛ like wie yɛ be fali yɛbuɛ kpakpa nga be flɛ i Safir b'ɔ ti nglannglan'n be yoli sa. Ɔ ti ble klanman kɛ nyanmiɛn ble'n sa.

Matthieu 15:30

Yɛ sran kpanngban kpa be fa cɛcɛwafuɛ mun, nin bubuwafuɛ mun, nin anyansifuɛ mun, nin bobofuɛ mun, ɔ nin tukpacɛfuɛ kpanngban wie mun ekun bali Jésus wun lɛ, be sieli be i nyrun lɛ, nan ɔ'a yo be juejue.

Matthieu 18:8

Sɛ ɔ́ sa annzɛ ɔ́ ja'n yɛ man a yo sa tɛ'n, kpɛ yi blo mmua, ɔ flunman kɛ a yo jasinfuɛ annzɛ sasinfuɛ nan a nyan nguan'n tra kɛ ɔ́ sa nnyɔn'n annzɛ ɔ́ ja nnyɔn'n be o lɛ nan b'a fa wɔ a yi anannganman sin nun'n.

Matthieu 21:14

Anyansifuɛ nin cɛcɛwafuɛ'm be bɛli i wun Nyanmiɛn i sua'n nun lɛ, nan ɔ'a yo be juejue.

Matthieu 8:10

Kɛ Jésus tili ndɛ sɔ'n, ɔ boli i nuan dan kpa, yɛ ɔ seli be nga be su i su sɔ'm be kɛ: «Nanwlɛ, Izraɛl nvle'n nun bɔbɔ'n, m'an wun-man sran fi b'ɔ lafi Nyanmiɛn su dan kɛ nga sa-a.

Matthieu 9:32

Kɛ be ´kɔ'n, sran wie'm be fa bobofuɛ kun bɔ asiɛ usu sacili i'n blɛli i.

Matthieu 9:33

Ɔ fuannin asiɛ usu sɔ'n, nan bobofuɛ'n ɔ'a ijɔ. Sran'm bé nuan b'ɔ bo bé wun n ti be seli kɛ: «E nian wun-man abonuan sa kɛ nga sa Izraɛl mɛn'n nun le.»

Matthieu 9:8

Kɛ sran'm be wunnin i sɔ'n, srɛ kunnin be, be manmannin Nyanmiɛn b'ɔ tin sran mun kɛ nga sa'n.

Marc 2:12

I osu kunngba'n nun'n, ɔ jao fɛli i bɛ'n ɔ fiteli be kwlaa be nyrun lɛ. I sɔ'n ti be kwlaa bé nuan boli bé wun kpa, be manmannin Nyanmiɛn, yɛ be seli kɛ: «E nian wun-man sa nga i wunsu le mlɔnmlɔn.»

Marc 7:37

Bé nuan'n boli be wun dan kpa nan b'a se kɛ: «Like kwlaa ng'ɔ yo'n ɔ yo ye, ɔ man sutrefuɛ'm be ti sa yɛ bobofuɛ'm be ijɔ!»

Marc 9:43

Sɛ ɔ́ sa'n man a yo sa tɛ'n, kpɛ. Ɔ flunman kɛ ɔ́ sa'n ti sin nan a nyan nguan'n tra kɛ a lɛ sa nnyɔn nan a wɔ nyrɛnnɛn lika'n nun sin b'ɔ nuan-man nun'n, [

JÉSUS-CHRIST I DYASIN FE'N BO LUC KLELI'N 14:13

Sanngɛ sɛ a ´di cɛn'n, flɛ yalɛfuɛ mun flɛ be bɔ bé sa nin bé ja ti wuwa'n, nin cɛcɛwafuɛ mun, nin anyansifuɛ mun.

JÉSUS-CHRIST I DYASIN FE'N BO LUC KLELI'N 14:21

Kɛ sran sɔ'n sɛli i sin awlo lɔ'n, ɔ kannin be ngbata sɔ'n kleli i min'n. Yɛ awlo bo kpɛn sɔ'n fali ya ɔ seli i sran'n kɛ: ‹Kɔ guasu lɔ nin klɔ'n nun atin-atin'm be su ndɛndɛ, ko flɛ yalɛfuɛ mun nin be bɔ bé sa nin bé ja ti wuwa'n, nin anyansifuɛ mun, ɔ nin cɛcɛwafuɛ mun man be bla.›

JÉSUS-CHRIST I DYASIN FE'N BO LUC KLELI'N 18:43

Bé ja osu kunngba nun'n, kpɛkuun ɔ'a wun ase, ɔ lali Nyanmiɛn ase, ɔ suli Jésus su. Kɛ sran'm be kwlaa be wunnin i sɔ'n, be manmannin Nyanmiɛn.

JÉSUS-CHRIST I DYASIN FE'N BO LUC KLELI'N 7:16

Srɛ kunnin be kwlaa, be manmannin Nyanmiɛn be seli kɛ: «Nyanmiɛn nuan ijɔfuɛ dan kpa kun a fite ye afiɛn wa, yɛ Nyanmiɛn a niɛn i sran'm be lika.»

Jean 9:24

Farizifuɛ'm be flɛli anyansifuɛ'n ekun yɛ be seli i kɛ: «La Nyanmiɛn ase, e si kɛ bian sɔ'n ti sa tɛ yofuɛ.»