Matthieu 15:2 - NYANMIƐN NDƐ'N 1998

² «?Nguɛ ti yɛ ɔ sɔnnzɔnfuɛ'm be fa-man e nannan'm be nzuɛn'n su-ɔ? ?Nguɛ ti yɛ be wunnzin-man bé sa nan b'a di like-ɔ?»

Nyanmien nde Ufle

² ?Nzu ti ye o sonnzonfue'm bé fa'a é nannan'm bé nzuen'n su, bo bé wunnzi'an bé sa nan ba di likéo?

Matthieu 15:2 Iomraidhean Croise

Bo Bolɛ 1:14

Yɛ Nyanmiɛn'n seli kɛ: «Man like wie'm be tran nglo lɔ be kpaja nan ngbaciɛ tran wia nun'n nin kɔnguɛ'n be afiɛn. Man like sɔ'm be yo cɛn ɔ nin blɛ, ɔ nin afuɛ'm be nzɔliɛ.

Ɛstɛr 3:3

Yɛ famiɛn'n i sran sɔ'm be usali Mardose kɛ: «?Ɔ yo sɛ ti yɛ a yo nyin kekle famiɛn'n su-ɔ?»

Matthieu 15:3

I kusu usali be kɛ: «?Amun kusu, nguɛ ti yɛ amun nannan'm be nzuɛn'n i falɛ'n ti an tɔn Nyanmiɛn mmla nin-ɔn?

Marc 7:2

Be wunnin i sɔnnzɔnfuɛ'm be nun wie bɔ be fa bé wun fiɛn di like, afin b'a wunnzin-man bé sa kɛ be seli kɛ be wunnzin'n sa.

Marc 7:5

Yɛ Farizifuɛ mun nin mmla klefuɛ'm be usali Jésus kɛ: «?Nzu ti yɛ ɔ sɔnnzɔnfuɛ'm be fa-man lalafuɛ kpɛnngbɛn'm be nzuɛn'n su bɔ be fa bé sa fiɛn di like-ɔ?»

JÉSUS-CHRIST I DYASIN FE'N BO LUC KLELI'N 11:38

Kɛ Farizifuɛ'n wunnin kɛ ɔ'a wunnzin-mɛn i sa nan ɔ'a di like'n, ɔ boli i nuan kpa.

Galasifuɛ Mun 1:14

N wiengu Zuif'm be nun'n n ti Nyanmiɛn sufuɛ dan kpa tra be nun kpanngban kpa, yɛ e nannan'm be nzuɛn'n lo min kpa.

Kolɔsfuɛ Mun 2:8

An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.