Matthieu 15:19 - NYANMIƐN NDƐ'N 1998

¹⁹ Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Nyanmien nde Ufle

¹⁹ Afin akunndan te'n, swran kunle'n, bla nin bian bé yi annze bé wun i bô kunndele'n, bla nin bian kunndele'n, awié'n, bé wiéngu suen tonle'n, swran wun nde kanle'n, i kwlaa so'n wô swran i awlen'n nun.

Matthieu 15:19 Iomraidhean Croise

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

Jue Mun 119:113

N klo-man sran nga be akunndan'n ti nnyɔn-nnyɔn'n bé sa. Min liɛ'n, ɔ mmla'n yɛ n klo i-ɔ.

Nyanndra Mun 22:15

Sinnzin'n wo bakan'n i nun. Nyantiaan'n yɛ ɔ tu i-ɔ.

Nyanndra Mun 24:9

Sinnglinfuɛ'n i klun akunndan'n ti tɛtɛ ngunmin. Sran ng'ɔ srisri i wiengu'n, ɔ mɛn i bɔbɔ wun kpɔɛ.

Nyanndra Mun 4:23

Ɔ ti'n bɔ a fa bu akunndan'n, sie i kpa tra ninnge'm be kwlaa, afin i nun yɛ nguan'n i bo'n fin-ɔn.

Nyanndra Mun 6:14

Gblɛ'n yɛ ɔ o i klun-ɔn. Sran wun akunndan tɛ'n yɛ ɔ sunnzun i liɛ titi-ɔ. Utre'n yɛ ɔ kpɛ i ba-a.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Kalɛ 22:29

Balaam tɛli i su kɛ: «A beli min anwlɛn ti-ɔ. Sɛ ɔ ti kɛ tokofi o mín sa nun bɔbɔ'n, wuun n kpɛli ɔ kɔmin lalaa.»

Matthieu 15:20

Amun `nian, ninnge ng'ɔ saci sran'n yɛ ɔ o lɛ-ɔ, sanngɛ sɛ be ´di like nan b'a wunnzin-man bé sa'n i sɔ'n saci-man sran.»

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

Matthieu 9:4

Jésus wunnin be akunndan'n, nan ɔ'a se kɛ: «?Nguɛ ti yɛ amun akunndan'n ti tɛ sɔ-ɔ?

Sa nga bé yôli'n 8:22

Ɔ man kaci wɔ akunndan sɔ'n, yɛ kpata e Min Nyanmiɛn'n ɔ klun akunndan tɛ sɔ'n ti, wienun-ɔn ɔ ´yaci,

Rɔmfuɛ Mun 7:18

Afin n si kɛ, klɔ sran bɔ n ti'n ti, min nzuɛn fi ti-man kpa, yɛlɛ kɛ sa kpa yolɛ'n wo min anwlɛn'n nun, sanngɛ n kwlɛ-mɛn i yo.