Matthieu 15:14 - NYANMIƐN NDƐ'N 1998

¹⁴ An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Nyanmien nde Ufle

¹⁴ Anh yatyi bé le, bé ti anyansifue bo bé tra bé wiéngu anyansifue kponman, se anyansifue kun tre i wiéngu anyansifue kponman'n, bé nnyon'n béh toh kunman nun.

Matthieu 15:14 Iomraidhean Croise

Ezai 31:3

Eziptfuɛ'm be ti sran, nán Nyanmiɛn yɛlɛ be. Be nnɛn kpanngɔ'm be ti nnɛn, be lɛ-man wawɛ. Sɛ Anannganman mɛn i sa'n su'n, be nga be bali sran ukalɛ'n be ´tɔ, yɛ be nga bɔ be ti yɛ be bali'n be kusu be ´fin ase. Kpɛkuun be bue nnyɔn'm be ´wu.

Ezai 42:19

?Wan yɛ ɔ ti anyansifuɛ-ɔ? San min sufuɛ'n cɛ yɛ ɔ ti sɔ-ɔ. ?Wan yɛ ɔ ti sutrefuɛ-ɔ? San min jasin bofuɛ'n bɔ n sunmɛn i'n yɛ ɔ ti sɔ-ɔ? «?Wan yɛ ɔ ti anyansifuɛ kɛ sran nga i wun ɔ'a jɔ i'n sa-a? ?Wan yɛ ɔ ti anyansifuɛ kɛ Anannganman i sufuɛ'n sa-a?»

Ezai 56:10

Be nga be nian Izraɛlfuɛ'm be su'n, be kwlaa be ti anyansifuɛ mun, be si-man like fi, be ti kɛ alua bɔ be ti bobo bɔ be kwla bo-man'n sa. Be la bé bɛ'm be su, laliɛ yɛ be cɛn-ɔn, be klo lafilɛ saa.

Ezai 9:16

I sɔ'n ti, Anannganman i klun su kwla jɔ-man be gbanflɛn'm bé wun. Yɛ ɔ su kwla si-man be aika mma mun nin be angboti mmla'm be aunnvuɛ. Afin be wie fi sro-mɛn i, be kwlaa be ti sa tɛ yofuɛ mun ngunmin kokoko. Ndɛ ng'ɔ fin be nuan fite'n, ɔ ti tɛtɛ ngunmin. I sɔ'n ti, Anannganman i ya'n ɔ su jɔ-man, ɔ nin be ´nyɛn i tititi.

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 6:15

Sa tɛtɛ nga be yoli'n, ɔ yo-man be ya! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e yia nun'n, be ´fin ase.»

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ndɛ Nga Nyanmiɛn I Nuan Ijɔfuɛ Oze Kannin'n 4:17

Efraimfuɛ'm b'a fa amuɛn sɔlɛ'n b'a cici bé ti. Yaci be lɛ!

Malasi 2:8

Sanngɛ amun ajulisu Nyanmiɛn nyrun jranfuɛ mun'n amu'an fa-man atin kpa sɔ'n su kun, amu'an kle sran sunman be atin tɛ. Amu'an saci aenguɛ nga e nin Levi e trali'n. M bɔbɔ min Anannganman bɔ n sie mɛn wunmuan'n yɛ n kan kle amun-ɔn.

JÉSUS-CHRIST I DYASIN FE'N BO LUC KLELI'N 6:39

Ɔ bu be nyanndra kun kusu kɛ: «Anyansifuɛ kun kwla trɛ-mɛn i wiengu anyansifuɛ kpɔnman, sɛ ɔ yo sɔ'n, be nnyɔn'n be ´tɔ kunman nun.

Jean 9:39

Yɛ Jésus seli kɛ: «M bali mɛn'n nun sran'm be nun kpalɛ nan be nga be wun-man ase'n be `wun ase, yɛ be nga be wun ase'n, be `kaci anyansifuɛ.»

1 Timote 6:5

Ɔ man sran nga be wun-man sa wlɛ'n, bɔ be si-man nanwlɛ'n kun'n be si akplowa b'ɔ lɛ-man kpɛ bo. Be bu kɛ Nyanmiɛn sulɛ'n man be ´nyan bé wun.

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.

2 Piɛr 2:17

Be ti kɛ nzue ti bɔ ɔ'a wu'n sa, be ti kɛ nyanmiɛn b'ɔ dun tuun'n bɔ aunngban'n tu i'n sa. Be lika nga Nyanmiɛn sieli be'n ti aosin kpa tritritri.

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.