Matthieu 14:8 - NYANMIƐN NDƐ'N 1998

⁸ I nin di wlɛli i kɛ ɔ se kɛ: «Man be fa Zan batɛm yofuɛ'n i ti'n talie kpɛkplɛkpɛ kun nun be blɛ min icra'n.»

Nyanmien nde Ufle

⁸ I nin di wlee ke o sé ke, man bé fa Jean baptême yôfue'n i ti'n talié kpekplekpe kun nun blee ityra'n.

Matthieu 14:8 Iomraidhean Croise

1 Famiɛn Mun 18:13

?Kɛ Zezabɛl ´kun Anannganman i nuan ijɔfuɛ mun'n, sa nga n yoli'n, b'a kan kle-man wɔ? N fali be nun ya n fiali. N fali ablenun n fiali yɛbuɛ buɛ kun nun, yɛ n fali ablenun ekun n fiali yɛbuɛ bue uflɛ nun. Yɛ n tali be, m mannin be nzue nɔnwa.

1 Famiɛn Mun 18:4

Blɛ nga famiɛn'n i yi Zezabɛl man be kunnin Anannganman i nuan ijɔfuɛ mun'n, Abdias fali be nun ya fiali. Ɔ fali ablenun fiali yɛbuɛ buɛ kun nun, yɛ ɔ fali ablenun fiali yɛbuɛ buɛ kun ekun nun. I bɔbɔ tali be, yɛ ɔ mannin be nzue nɔnwa.

1 Famiɛn Mun 19:2

Zezabɛl sunmannin sran kun kɛ ɔ ko se Eli kɛ: «Sɛ ainman dɔ kunngba nga su'n, m man b'a kun-man wɔ kɛ a fa kunnin Baal i nuan ijɔfuɛ'm be sa'n, man amuɛn'm be kun min.»

2 Famiɛn Mun 11:1

Kɛ Atali b'ɔ ti Akazia i nin'n wunnin kɛ i wa'n ɔ'a wu'n, ɔ nunnunnin famiɛn'n i mma'm be ngba.

Ɛsdras 1:9

Ninnge sɔ'm be yɛ: sika ɔkwlɛ kpongbo ablasan, jɛtɛ ufue kpongbo akpi kun, laliɛ ablaɔn-nin-ngwlan,

Nyanndra Mun 1:16

Bé wun bli be saa sa tɛ yolɛ'n nun, be jranjran-man sran kunlɛ'n wun.

Nyanndra Mun 29:10

Sran kunfuɛ'm bé nyin ci nanwlɛ difuɛ'n, sanngɛ sran kpa'm be sɛsɛ i.

Matthieu 14:11

Be ko kpɛli nan b'a fa Zan ti'n b'a yi talie kpɛkplɛkpɛ kun nun b'a fa blɛ talua kan'n nan ɔ'a fa ko mɛn i nin.

Matthieu 14:7

I sɔ'n ti, ɔ tali nda kɛ like kwlaa nga talua sɔ'n srɛ i'n ɔ ´fa mɛn.

Matthieu 14:9

Famiɛn'n i wla boli, sanngɛ nda ng'ɔ tɛli i be ng'ɔ yiali be'n be nyrun lɛ'n ti, ɔ seli kɛ be `fa mɛn i.

Marc 6:24

Ɔ fite ko usɛli i nin kɛ: «?Nguɛ yɛ n `srɛ i-ɔ?» I nin seli i kɛ: «Srɛ Zan batɛm yofuɛ'n i ti'n.»

Marc 6:25

Kpɛkuun ɔ kɛn i wun ndɛndɛ sɛli i sin famiɛn'n wun lɔ nan ɔ'a se i kɛ: «Fa Zan batɛm yofuɛ'n i ti'n man min talie kpɛkplɛkpɛ kun nun icra'n.»

Marc 6:28

Sonja'n ko kpɛli Zan i ti'n bisua'n nun, ɔ fɛ i talie kpɛkplɛkpɛ kun nun bali. Ɔ fa mannin talua'n, yɛ i kusu fa ko mɛnnin i nin-ɔn.