Matthieu 13:39 - NYANMIƐN NDƐ'N 1998

³⁹ N kpɔfuɛ ng'ɔ guali awie ijre'n yɛlɛ mmusu'm be si Satan, awie i kpɛlɛ blɛ'n yɛlɛ mɛn'n i awieliɛ, awie i kpɛfuɛ mun yɛlɛ anz mun.

Nyanmien nde Ufle

³⁹ N kpofue ng'o guali awié idyré'n yele mmusu'm be si Satan, awié i kpele ble'n yele men'n i awiélie, awié i kpefue mun yele ange mun.

Matthieu 13:39 Iomraidhean Croise

Daniɛl 7:10

Sin kun fin sran oke'n i nyrun lɛ, ɔ nyrɛn kɛ nzue ba dan wie sa, kpɛkuun ɔ sonji. Sran akpi sɔ lele akpi be su i. Yɛ sran akpingbin be jinjin i nyrun lɛ. Yɛ jɔlɛ difuɛ'm be trannin ase nan b'a tike fluwa'm be su .

Matthieu 12:32

Sran kwlaa ng'ɔ kan m bɔ n kacili Sran'n min wun ndɛ'n, ɔ ´yaci cɛ i. Sanngɛ sran ng'ɔ kan Nyanmiɛn Wawɛ'n i wun ndɛ'n, ɔ su yaci cɛ-mɛn i blɛ nga nun annzɛ blɛ ng'ɔ ´ba lɔ'n nun.»

Matthieu 13:22

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

Matthieu 13:25

Kɛ sran'm be ´lafi'n, i kpɔfuɛ'n bali, ɔ wa guali awie'n nun awie ijre mma nan ɔ'a wɔ.

Matthieu 13:28

Ɔ seli be kɛ: N kpɔfuɛ'n yɛ ɔ wa fa guali nun-ɔn. Yɛ i junman difuɛ sɔ'm be usɛli i kɛ: ?A klo kɛ e ko tutu ijre sɔ'n i bo?

Matthieu 13:40

Be kpɛ awie ijre'n bɔ o fie'n nun'n, kɛ mɛn'n i awieliɛ'n ɔ wa yo sɔ kusu-ɔ.

Matthieu 13:49

Kɛ mɛn'n i awieliɛ'n ɔ wa yo sɔ-ɔ: anz'm be ´ba, be wa yi sran klunwifuɛ mun nanwlɛfuɛ'm be nun,

Matthieu 24:3

Ɔ ko trannin ase Olivie Oka'n su. Yɛ i sɔnnzɔnfuɛ'm be bɛli i wun lɛ nan b'a usɛ i blɛlɛ kɛ: «?Blɛ onin yɛ sa sɔ'm be ´yo-ɔ, yɛ nguɛ yɛ ɔ ti ɔ balɛ'n nin mɛn'n i awieliɛ'n i nzɔliɛ nin-ɔn? Kle ye.»

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

1 Korɛntfuɛ Mun 10:11

Sa sɔ'n bɔ be tɔli bé su'n, be kle sa b'ɔ wa ba'n, yɛ be klɛli be kɛ be ´fa tu e bɔ y'a ju mɛn'n i bue nuan'n e fɔ.

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

2 Korɛntfuɛ Mun 2:17

E ti-man kɛ sran wie bɔ be yo Nyanmiɛn ndɛ'n kɛ be nga be yo ninnge sukusuku'm be atɛ'n be liɛ'n sa. Sanngɛ kɛ Nyanmiɛn sunmannin ye'n, bɔ i nyin ta ye'n, bɔ e nin Krist e ti sran wunmuan'n, ɔ man e kɛn i ndɛ'n nanwlɛ nun.

Efɛzfuɛ Mun 2:2

yɛ amun nzuɛn'n fa be nga be o yɛ'n be liɛ'n. Amún nyin yili nglo lɔ mmusu'm bé si'n, i yɛ ndɛkɛn ɔ wlawla sran nga bé nyin yi-man Nyanmiɛn nin-ɔn.

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Hébreu 9:26

afin sɛ ɔ ti kɛ ɔ yoli sɔ'n, wuun kɛ ɔ fin mɛn'n i bo bolɛ nun'n, ɔ ´wun nyrɛnnɛn tititi. Sanngɛ siɛn'n bɔ y'a ju mɛn'n i bue nuan'n, ɔ yili i wun nglo kpɛ kunngba nan i wun b'ɔ fa sɔli Nyanmiɛn'n ti'n, sa tɛ'n `wie.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

Jude 1:14

Yɛ Enɔk b'ɔ ti Adam i osu-osu'n nso su'n i nun sran kpɛnngbɛn'n ɔ kannin sa ng'ɔ wa tɔ be su'n i ndɛ. Ɔ seli kɛ: «N wunnin e Min'n nin i anz akpi-akpi kpanngban kpa be bali ,»

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 13:14

Ɔ fa atrɛ nga be man ɔ yili be nnɛn klikli liɛ'n i nyrun lɛ'n, lakali asiɛ'n sufuɛ mun. Ɔ seli be kɛ be yo nnɛn bɔ be bo i tokofi b'ɔ jasoli'n i wunsu .

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.