Matthieu 13:38 - NYANMIƐN NDƐ'N 1998

³⁸ Awie fie'n yɛlɛ mɛn'n, awie'n yɛlɛ Nyanmiɛn mma mun, yɛ awie ijre'n yɛlɛ Klunwifuɛ'n i mma mun.

Nyanmien nde Ufle

³⁸ Awié fié'n yele men'n, awié'n yele Nyanmien mma mun, ye awié idyré'n yele Klunwifue'n i mma mun.

Matthieu 13:38 Iomraidhean Croise

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Jue Mun 22:30

Be kwlaa nga be ti kwlafuɛ asiɛ'n su'n, be ´koto i bo. Be kwlaa nga b'a sa bé sin ndutre'n nun bɔ be nguan'n ɔ'a fi bé sa'n, be kusu be ´koto i bo wie.

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Ndɛ Nga Nyanmiɛn I Nuan Ijɔfuɛ Oze Kannin'n 2:23

Anannganman'n waan: «I cɛn sɔ nun'n, sɛ be srɛ min like'n m ´man. Like nga nyanmiɛn b'ɔ la nglo lɔ plaii'n ɔ srɛ'n, m ´mɛn i. Yɛ like nga asiɛ'n kusu srɛ nyanmiɛn b'ɔ la nglo lɔ plaii'n i sa nun'n ɔ ´fa mɛn i.

Matthieu 13:19

Kɛ bɔ sran kun ti Nyanmiɛn sielɛ'n ndɛ'n, b'ɔ wun-mɛn i wlɛ'n, kpɛkuun Klunwifuɛ'n ɔ wa yo man ndɛ ng'ɔ tili'n ɔ mlin i klun. I sɔfuɛ'n yɛ ɔ ti kɛ atin mma'm sa bɔ awie'n tɔli nun nin-ɔn.

Matthieu 24:14

Be wa kan Nyanmiɛn sielɛ'n i jasin fɛ nga mɛn wunmuan'n nun nan sran'n kwlaa be `ti Nyanmiɛn ndɛ'n. I sin yɛ mɛn i awieliɛ'n ɔ ´ju-ɔ.»

Matthieu 5:37

Sɛ an se kɛ ɛɛn, man ɔ ka su, yɛ sɛ an se kɛ cɛcɛ'n, man ɔ ka su, afin ndɛ nga be kan gua su'n ɔ fin Klunwifuɛ'n .»

Matthieu 8:12

Sanngɛ be wa fa be nga be ti diewa mɛn sɔ'n nun'n yi be guasu lɔ aosin'n nun kan be sun be di be je lɔ'n .»

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

Jean 12:24

Nanwlɛ, sɛ ble mma kun ɔ'a tɔ-man asiɛ wun ɔ'a saci-man'n, ɔ kɛ i kunngba, sanngɛ sɛ ɔ saci'n, ɔ wlɔ yɛ ɔ yo kpanngban.

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

Sa nga bé yôli'n 13:10

ɔ seli kɛ: «Asiɛ usu'm bé si Satan wa, gblɛ'n nin ndrunmun'n ɔ'a kun wɔ kpo! Like kwlaa ng'ɔ ti kpa'n a klo-mɛn i. ?A yaci-man e Min Nyanmiɛn'n i ndɛ nanwlɛ'n i nun ato bualɛ'n ?

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Jacques 1:18

I ndɛ nanwlɛ'n ti ɔ fa e kaci i wa i klun klo su nan y'a yo like ng'ɔ yili be'n be kwlaa be nun klikli.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Piɛr 1:23

Nyanmiɛn ndɛ b'ɔ kaci-man'n, b'ɔ o lɛ titi'n ti, Nyanmiɛn wuli amun uflɛ, ɔ man amún si'n ti-man sran b'ɔ wu-ɔ, ɔ o lɛ tititi.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

Sa nglô yile 14:6

N wunnin anz kun ekun ɔ tu sin nyanmiɛn ble kpa nun lɔ, ɔ lɛ jasin fɛ kun b'ɔ ti anannganman, b'ɔ ´kan kle sran nga be o asiɛ'n su bɔ be fin mɛnmɛn nin nvle-nvle'n kwlaa nun'n, ɔ nin be kwlaa nga be aniɛn'n ti fanunfanun'n, ɔ nin sran wafa-wafa'n kwlaa.