Matthieu 13:35 - NYANMIƐN NDƐ'N 1998

³⁵ Kɛ ɔ ´yo nan ndɛ nga Nyanmiɛn nuan ijɔfuɛ'n ɔ kannin'n, ɔ'a kpɛn su'n ti yɛ ɔ kɛnnin i sɔ-ɔ. Ɔ seli kɛ: «N ´uke min nuan'n, m ´bu nyanndra, Yɛ ninnge nga be fia su kɛ ɔ fin mɛn'n i bo bolɛ nun'n, n ´kɛn i ndɛ kle amun .»

Nyanmien nde Ufle

³⁵ nan nde nga Nyanmien nuan idyofue'n kannin'n o kpen su. O sé ke: «Nh wukéh min nuan'n, mh buh nyanndra, Ye ninngé nga bé fia su ke o fin men'n i bôbôle nun'n, nh kenh i nde klé amun.»

Matthieu 13:35 Iomraidhean Croise

Jue Mun 49:4

N su wa kan ngwlɛlɛ ndɛ wie mun. Min klun lɔ akunndan'm be ti ngwlɛlɛ akunndan.

Jue Mun 78:2

N wa kan ndɛ nyanndra nun. N ´kan ninnge nga be fiali su laa'n be ndɛ .

Ezai 42:9

Amun `nian, sa klikli'm b'a dun mmua b'a ju. N su bo uflɛ nga be wa ju'n be su n kle amun, n ´dun mmua n kan kle amun nan b'a ju.»

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .

Matthieu 13:14

Kɛ ɔ yo sɔ'n, ndɛ nga Ezai kannin'n ɔ ´kpɛn su be lika, ɔ seli kɛ: ‹Amun wa ti i kpa, sanngɛ an su wun-mɛn i wlɛ le. Amun wa niɛn i kpa, sanngɛ an su wun-mɛn i mlɔnmlɔn.

Matthieu 13:3

Ɔ kannin ndɛ kpanngban kleli be nyanndra nun, ɔ seli be kɛ: «Awie guafuɛ kun ɔli awie gualɛ.

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 5:2

yɛ ɔ boli be like klelɛ'n bo-ɔ, ɔ seli be kɛ:

JÉSUS-CHRIST I DYASIN FE'N BO LUC KLELI'N 10:14

Ɔ man jɔlɛ dilɛ cɛn'n nun'n, Tir nin Sidɔn be nyrɛnnɛn liɛ'n ɔ ´yo sɔsɔ tra amun liɛ'n.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

1 Korɛntfuɛ Mun 2:7

Nyanmiɛn i ngwlɛlɛ b'ɔ yi-mɛn i nglo b'ɔ fiɛli i sran'm be nyrun'n, b'ɔ dun mmua sie mannin ye kɛ ɔ ba e nyrun nyan ka nan ɔ'a yi mɛn'n, i ndɛ yɛ e kan-an.

Efɛzfuɛ Mun 3:5

Lalafuɛ nun'n, sa sɔ'n Nyanmiɛn yi-mɛn i nglo kle-man sran mun kɛ ndɛ ɔ man i Wawɛ'n yi i nglo kle i sran'm bɔ Jésus sunmannin be'n nin i nuan ijɔfuɛ mun'n sa.

Efɛzfuɛ Mun 3:9

Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Hébreu 1:1

Lalafuɛ nun Nyanmiɛn man i nuan ijɔfuɛ'm be bobo i ndɛ'm be su wafa-wafa kleli e nannan mun.

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 17:8

Nnɛn'n bɔ a wunnin i'n, ɔ o lɛ laa, sanngɛ ɔ nun-man lɛ kun. Ɔ wa fin kunman dan bɔ be si-mɛn i bo'n nun fite, ɔ ´kɔ lika nga i agualiɛ'n ´guɛ i tɛ'n nun. Asiɛ'n sufuɛ'm bɔ kɛ be ´bo mɛn'n i bo'n b'a klɛ-man be dunman nguan fluwa nun'n, kɛ be ´wun nnɛn sɔ'n, ɔ ´bo bé nuan. Afin ɔ o lɛ laa, siɛn'n ɔ nun-man lɛ kun, yɛ ɔ wa ba ekun .