Matthieu 13:33 - NYANMIƐN NDƐ'N 1998

³³ Ɔ bu nyanndra kun ekun kleli be, ɔ seli kɛ: «Nyanmiɛn sielɛ'n ɔ fa kpaun ayre bɔ bla kun fa guali kpaun nzuɛn b'ɔ kwla ju kilo ablaɔn-nin-nnun nun'n, nan i wunmuan'n ɔ'a wla.»

Nyanmien nde Ufle

³³ O bu nyanndra kun ékun kléé bé, o sé ke: Nyanmien siéle'n o fa kpaun ayré bo bla kun fa guaa kpaun nzuen gla kun nin sin nun, nan i wunmuan'n wa wla.

Matthieu 13:33 Iomraidhean Croise

Bo Bolɛ 18:6

Yɛ Abraam ´kɔ tannin sua'n nun lɔ ndɛndɛ ´ko se Sara kɛ: «Kan ɔ wun fɔtɔ sanmlɛn mlɛnnɛnnɛn'n i sunnzunliɛ nsan, fa yo kpaun nga be gua-man nun kpaun ayre'n.»

2 Samiɛl 13:6

Yɛ Amnɔn lali-ɔ. Ɔ yoli kɛ i wunnɛn yo i ya sa. Famiɛn'n bali i yako yolɛ. Yɛ Amnɔn seli i kɛ: «N klo kɛ min niaan bla Tamar bla wa tɔn gato nnyɔn, nan i bɔbɔ fa man min man n di.»

Zɔb I Nyrɛnnɛn Wunlɛ 17:9

Man be bɔ be ti sɛsɛ'n, be tran cinnjin atin bɔ be fali'n i su. Man be bɔ be ti saun'n, be tra be anwlɛn.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Matthieu 13:24

Ɔ bu nyanndra uflɛ ekun kleli be, ɔ seli kɛ: «Nyanmiɛn sielɛ'n ɔ fa sran kun b'ɔ fa awie guɛli i fie'n su.

Marc 13:20

Sɛ e Min Nyanmiɛn'n ɔ'a kpɛ-man cɛn sɔ'n su ɔ'a yo-mɛn i tika'n, sran fi su fite-man nun, sanngɛ ɔ ´yo i tika be b'ɔ fali be'n be ti.

JÉSUS-CHRIST I DYASIN FE'N BO LUC KLELI'N 13:21

Ɔ fa kpaun ayre bɔ bla kun fa gua ble sanmlɛn b'ɔ ju kilo ablaɔn-nin-nnun nun, nan i wunmuan'n ɔ'a wla'n.»

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

Galasifuɛ Mun 5:9

Kpaun ayre kaan'n bɔ be fa guɛ i kpaun nzuɛn nun'n yɛ man i wunmuan'n wla-a .

Filipfuɛ Mun 1:6

N si weiin kpa kɛ Nyanmiɛn b'ɔ bo like nga b'ɔ man an yo kpa'n i bo'n, ɔ ´yo i sɔ lele ɔ ´guɛ i bo Krist-Jésus i balɛ cɛn'n nun.

Filipfuɛ Mun 1:9

Yɛ n srɛ i kɛ an ´klo i nin sran'm be kpa yɛ an ´si ngwlɛlɛ, yɛ an ´wun sa'm be wlɛ kpa weiin.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!

Jɔlɛ Difuɛ Mun 6:19

Zedeɔn ɔli i awlo lɔ, ɔ ko kunnin boli bɔ b'a kpɛ cro'n kun, ɔ tɔnnin, ɔ fɛli i nnɛn'n guɛli gbogbo kun nun, yɛ ɔ fɛ i bo tro'n guɛli i talie kun nun. Ɔ fali kpaun nzuɛn kilo ablasan fa tɔnnin kpaun bɔ kpaun ayre nun-man nun'n. Ɔ fa sieli su, ɔ fa bali waka bɔ be flɛ i terebɛnt'n i bo lɛ, nan ɔ'a fa man Anannganman i anz'n.

1 Samiɛl 1:24

Kɛ ɔ kpɛli i nyɔnflɛn wieli'n, ɔ nin i ɔli Silo lɔ Anannganman sua'n nun lɔ. Kɛ ɔ ´yo sɔ'n, wuun ba'n ti kaan kpa. Be ´kɔ'n, be fali nannin tola kun bɔ ɔ'a di afuɛ nsan, ɔ nin sanmlɛn bajɛ kun, ɔ nin nzan kplo kun.