Matthieu 13:24 - NYANMIƐN NDƐ'N 1998

²⁴ Ɔ bu nyanndra uflɛ ekun kleli be, ɔ seli kɛ: «Nyanmiɛn sielɛ'n ɔ fa sran kun b'ɔ fa awie guɛli i fie'n su.

Nyanmien nde Ufle

²⁴ O bu nyanndra ufle ékun kléé bé, o sé ke: Nyanmien siéle'n o fa swran kun b'o fa awié guee i fié'n su.

Matthieu 13:24 Iomraidhean Croise

Ezai 28:10

Amun `nian ndɛ ng'ɔ kan'n i wafa wie yɛ: a, o, i. Be `yo nga e! Be `yo nga e!»

Ezai 28:13

Yɛ be liɛ'n, Anannganman i mmla ɔ ti-man like fi bé sa nun. Ɔ ti be nyrun kɛ be su kle: a, o, i sa. Ɔ ti kɛ be su se kɛ be `yo nga e be `yo nga e! I sin, i awieliɛ su'n, be ´tɔ be ´la be nyin aanga, be wi'n ɔ ´bu. Be ´tɔ sran'm be aya'n nun, yɛ be ´tra be.

Ezekiɛl 17:2

«Klɔ sran, bu nyanndra kun kle Izraɛlfuɛ mun.

Matthieu 13:19

Kɛ bɔ sran kun ti Nyanmiɛn sielɛ'n ndɛ'n, b'ɔ wun-mɛn i wlɛ'n, kpɛkuun Klunwifuɛ'n ɔ wa yo man ndɛ ng'ɔ tili'n ɔ mlin i klun. I sɔfuɛ'n yɛ ɔ ti kɛ atin mma'm sa bɔ awie'n tɔli nun nin-ɔn.

Matthieu 13:25

Kɛ sran'm be ´lafi'n, i kpɔfuɛ'n bali, ɔ wa guali awie'n nun awie ijre mma nan ɔ'a wɔ.

Matthieu 13:31

Ɔ bu nyanndra uflɛ ekun kleli be, ɔ seli kɛ: «Nyanmiɛn sielɛ'n ɔ fa tro bɔ be flɛ i mutard'n bɔ sran kun fa guali i fie'n su'n.

Matthieu 13:33

Ɔ bu nyanndra kun ekun kleli be, ɔ seli kɛ: «Nyanmiɛn sielɛ'n ɔ fa kpaun ayre bɔ bla kun fa guali kpaun nzuɛn b'ɔ kwla ju kilo ablaɔn-nin-nnun nun'n, nan i wunmuan'n ɔ'a wla.»

Matthieu 13:37

Ɔ seli be kɛ: «Awie'n i guafuɛ'n yɛlɛ m bɔ n kacili Sran'n.

Matthieu 13:47

«Nyanmiɛn sielɛ'n ɔ fa lala ekun. Be gua lala sɔ'n i jenvie nun, ɔ fa jue wafa-wafa'n kwlaa'n ekun.

Matthieu 18:23

I sɔ'n ti, Nyanmiɛn sielɛ'n ɔ fa famiɛn kun b'ɔ klo kɛ ɔ ´siesie kalɛ b'ɔ o i nin i junman difuɛ'm be afiɛn'n.

Matthieu 20:1

«Nyanmiɛn sielɛ'n fa awlo bo kpɛn kun bɔ le kun ɔ jao nglɛmun kɛ ɔ ´ko kunndɛ junman difuɛ nan be ko di junman i vinyi fie'n su'n.

Matthieu 21:33

«An `tie nyanndra kun ekun. Awlo bo kpɛn kun o lɛ, ɔ dili vinyi fie, ɔ sili i wun. Ɔ kpɛli vinyi'n i mma i nzue cuɛnwlɛ, yɛ ɔ kplannin akpa fleiin kun, i sin ɔ kunndɛli sran ɔ fa fie'n wlali bé sa nun nan ɔ'a ɔ nvle wie nun .

Matthieu 22:2

«Nyanmiɛn sielɛ'n ɔ fa famiɛn kun b'ɔ fa atɔnvlɛ mɛnnin i wa.

Matthieu 25:1

«I blɛ sɔ'n nun'n Nyanmiɛn sielɛ'n ɔ ´yo kɛ talua blu bɔ be fali bé kannin mun kɛ be ´ko kpa yasua kun b'ɔ su fa atɔnvlɛ'n i atin'n sa.

Matthieu 3:2

Ɔ se be kɛ: «An `kaci amun nzuɛn'n afin Nyanmiɛn i sielɛ blɛ'n ɔ'a mantan.

Matthieu 4:23

Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.

JÉSUS-CHRIST I DYASIN FE'N BO LUC KLELI'N 13:18

Ɔ seli be ekun kɛ: «?Nyanmiɛn sielɛ'n fa nguɛ, yɛ nguɛ yɛ n ´fa sunnzun i-ɔ?

JÉSUS-CHRIST I DYASIN FE'N BO LUC KLELI'N 13:20

Ɔ seli be ekun kɛ: «?Nguɛ yɛ n ´fa Nyanmiɛn sielɛ'n sunnzun i-ɔ?

Kolɔsfuɛ Mun 1:5

Jasin fɛ'n b'ɔ ti nanwlɛ'n, kɛ an ´ti i klikli'n, be kannin like nga be sieli i nyanmiɛn su lɔ sieli amun'n i ndɛ kleli amun. Amún wla b'ɔ o su'n ti yɛ an lafi su yɛ an klo Nyanmiɛn sran mun-ɔn.

1 Piɛr 1:23

Nyanmiɛn ndɛ b'ɔ kaci-man'n, b'ɔ o lɛ titi'n ti, Nyanmiɛn wuli amun uflɛ, ɔ man amún si'n ti-man sran b'ɔ wu-ɔ, ɔ o lɛ tititi.