Matthieu 13:21 - NYANMIƐN NDƐ'N 1998

²¹ Sanngɛ ɔ'a nyan-man ndin wlawlɛ, ɔ ti sran bɔ i anwlɛn'n sɔ-man, kɛ afɛ'n nin yalɛ klelɛ'n tɔ i su Nyanmiɛn ndɛ'n ti'n, kpɛkuun ɔ'a yaci Nyanmiɛn sulɛ'n.

Nyanmien nde Ufle

²¹ Sannge wa nyanman ndin wlawle, o ti swran bo i awlen'n soman, ke afe'n nin yale kléle'n to i su Nyanmien nde'n ti'n, kpekuun o fité.

Matthieu 13:21 Iomraidhean Croise

Zɔb I Nyrɛnnɛn Wunlɛ 19:28

Amun bɔ amun usa amun wun kɛ: «?E ´yo sɛ nan y'a trɛ i'n?» Amun bɔ amun waan sa ng'ɔ juli min su'n ɔ fin min bɔbɔ'n,

Jue Mun 36:3

Ɔ bu i wun sran dan ti ɔ kwla wun-man sa tɛ ng'ɔ yo be mun nan se kɛ ɔ ´kpɔ be.

Nyanndra Mun 12:12

Klunwifuɛ'm be ninnge kunndɛlɛ liɛ'n, ɔ ti-mɛn i su. Sanngɛ sran kpa'n, ɔ trɛ i anwlɛn lele yɛ ɔ nyɛn i like liɛ-ɔ.

Nyanndra Mun 12:3

Klunwi yolɛ'n ɔ man-man sran i jransuɛ. Klun-ufuefuɛ'm be liɛ'n kɛ be o lɛ'n yɛ be wo-ɔ, be tɔ-man le.

Ndɛ Nga Nyanmiɛn I Nuan Ijɔfuɛ Oze Kannin'n 6:4

Sanngɛ Anannganman ´tɛ amun su kɛ yoo: «?Efraimfuɛ mun, nguɛ li bɔ cɛ yɛ amun waan n yo m man amun-ɔn? ?Zidafuɛ mun kusu, amun waan n yo amun sɛ? Amun Nyanmiɛn klolɛ'n ti kɛ nyanmiɛn ble bɔ be wun i nglɛmun nun'n sa, ɔ ti kɛ nglɛmun nyansue sa, be wielɛ yo-man ya.

Matthieu 10:22

Sran'm be kwlaa be wa kpɔ amun min ti, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

Matthieu 11:6

Sran nga i ti nun a saci-man min ti'n, i liɛ su ti ye!»

Matthieu 13:20

Akpuɛ'n bɔ awie'n tɔli su'n yɛlɛ sran ng'ɔ ti Nyanmiɛn ndɛ'n bɔ i klun jɔ su ɔ fa su kpɛkun nin-ɔn.

Matthieu 13:57

Ɔ man b'a lafi-mɛn i su. I sɔ'n ti yɛ Jésus seli be kɛ: «Be bu Nyanmiɛn nuan ijɔfuɛ i sran lika'n kwlaa, sɛn i bɔbɔ i klɔfuɛ mun nin i awlofuɛ mun yɛ be bu-mɛn i sran-an.»

Matthieu 13:6

Sanngɛ kɛ wia'n ´bo'n, ɔ wɔnsɔnnin, ɔ wuli, ndin bɔ ɔ'a nyɛn-mɛn i wlawlɛ kpa'n ti.

Matthieu 24:13

Sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

Matthieu 26:31

Yɛ Jésus seli be kɛ: «Ndɛ kɔnguɛ nga amun kwlaa amún ti nun wa saci min ti, afin be klɛli i kɛ: ‹M ma bo bua tafuɛ'n, yɛ bua fa sɔ'n be ´bo sanndi .›

Matthieu 26:33

Piɛr sɔli su nan ɔ'a se i kɛ: «Kannzɛ wɔ ti be kwlaa bé ti nun ´saci'n, n liɛ'n su saci-man wie mlɔnmlɔn.»

Marc 4:17

Sanngɛ be ti kɛ awie b'ɔ lɛ-man ndin sa, be anwlɛn'n sɔ-man, kɛ afɛ'n nin yalɛ klelɛ'n tɔ bé su Nyanmiɛn ndɛ'n ti'n, kpɛkuun bé ti nun saci.

JÉSUS-CHRIST I DYASIN FE'N BO LUC KLELI'N 8:13

Nga kusu b'ɔ tɔli akpuɛ'n su'n yɛlɛ be nga kɛ be ti Nyanmiɛn ndɛ'n, be klun jɔ su, be fa su kaan, sanngɛ be ti kɛ awie b'ɔ lɛ-man ndin'n sa, kɛ sa kaan tɔ be su'n, kpɛkuun b'a yaci i su falɛ.

Jean 6:26

Jésus seli be kɛ: «Nanwlɛ, sa ti bɔ an kunndɛ min'n, nán atrɛ bɔ an wunnin be'n ti-ɔ, sanngɛ like bɔ an dili bɔ amun ku yili'n ti-ɔ.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Galasifuɛ Mun 6:12

Be nga be klo kɛ sran'm be bu be sran'n, be yɛ be mian amun kɛ an wla klɛn nin-ɔn. Be waan be ´yo i sɔ nan b'a kle-man be yalɛ Krist i waka'n ti.

Galasifuɛ Mun 6:15

Sɛ be wla klɛn o, sɛ b'a wla-man klɛn o, nɛ́n i li yɛ be nian-an, nga be nian'n yɛlɛ uflɛ bɔ Nyanmiɛn bo ye'n.

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Filipfuɛ Mun 1:6

N si weiin kpa kɛ Nyanmiɛn b'ɔ bo like nga b'ɔ man an yo kpa'n i bo'n, ɔ ´yo i sɔ lele ɔ ´guɛ i bo Krist-Jésus i balɛ cɛn'n nun.

2 Timote 1:15

A si kɛ be kwlaa nga be wo Azi mɛn'n nun lɔ'n b'a wanndi min, be wie yɛlɛ Fizɛl nin Ɛrmozɛni.

2 Timote 4:10

afin mɛn'n nun ninnge bɔ Demas klo be'n be ti ɔ'a wanndi min a ɔ Tɛsalonik. Krɛsɛn kusu ɔ'a ɔ Galasi, Tit a ɔ Dalmasi .

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.