Matthieu 13:11 - NYANMIƐN NDƐ'N 1998

¹¹ Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

Nyanmien nde Ufle

¹¹ Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

Matthieu 13:11 Iomraidhean Croise

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Ezai 29:10

Afin Anannganman ɔ'a yo man amu'an yo sa zuglaa. Ɔ'a kata amun nyinma'n (wa liɛ'n, Nyanmiɛn nuan ijɔfuɛ'm be ndɛ yɛ ɔ kan-an.) Ɔ'a kata amún ti (wa liɛ'n jeliwafuɛ'm be ndɛ yɛ ɔ kan-an.)

Ezai 29:11

Ninnge sɔ'm bé wlɛ wunlɛ'n ti kekle amun sa nun. Ɔ ti kɛ fluwa bɔ be ta su like b'ɔ kle kɛ nán be tike su, sanngɛ bɔ be fa man sran ng'ɔ si kanngan'n kɛ ɔ kanngan'n sa. Kpɛkuun be se i kɛ: «Kanngan!» Yɛ ɔ tɛ su kɛ: «N kwla kanngan-man, afin b'a ta su like b'ɔ kle kɛ nán be tike su.»

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Matthieu 13:10

I sɔnnzɔnfuɛ'm be wunngeli i wun lɛ, yɛ be usɛli i kɛ: «?Nguɛ ti yɛ a kan ndɛ'm be nyanndra nun kle be-ɔ?»

Matthieu 16:17

Jésus seli i kɛ: «Simɔn, Zonas wa, ɔ liɛ su ti ye, afin nán sran yɛ ɔ yili sa sɔ'n nglo kleli wɔ-ɔ, sanngɛ min Si b'ɔ wo nyanmiɛn su lɔ nin-ɔn.

Matthieu 19:11

Yɛ ɔ seli be kɛ: «Ndɛ nga, sran ngba kwla fa-man su, san be nga Nyanmiɛn sie be sɔ'n be yɛ be kwla fa su-ɔ.

Matthieu 20:23

Yɛ ɔ seli be kɛ: «Ɔ ti nanwlɛ kɛ amun wa nɔn n klowa'n nun wie, sanngɛ n fama su nin m bɛ su tranlɛ liɛ'n, nán min yɛ m man-an, san be nga n Si sie mannin be'n, be yɛ be ´tran lɛ-ɔ.»

Marc 10:40

sanngɛ n fama su nin m bɛ su tranlɛ liɛ'n, nán min yɛ m man-an, ɔ ti be nga Nyanmiɛn siesie mannin be'n be liɛ.»

Marc 4:11

Ɔ seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga be ti-man e liɛ'n, be liɛ'n kwlaa sin nyanndra nun

JÉSUS-CHRIST I DYASIN FE'N BO LUC KLELI'N 8:10

Ɔ seli be kɛ: «Amun yɛ be yili Nyanmiɛn sielɛ'n i wun akunndan bɔ sran'm be wun-mɛn i wlɛ'n i nglo kleli amun-ɔn, sanngɛ be nga'm be liɛ'n, be kɛn i nyanndra nun nan sɛ be wun i'n b'a wun-mɛn i wlɛ, yɛ sɛ be ti'n b'a wun-mɛn i bo'n ti .»

Jean 6:65

Yɛ ɔ seli kɛ: «I sɔ'n ti yɛ n seli amun kɛ sran nga n Si a mɛn-mɛn i atin kɛ ɔ bla ń sin'n ɔ kwla ba-man nin-ɔn.»

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Sa nga bé yôli'n 16:14

Bla kun b'ɔ su Nyanmiɛn'n wo lɛ, be flɛ i kɛ Lidi, ɔ fin klɔ'n bɔ be flɛ i Tiatir'n su, ɔ yo tannin kpakpa bɔ i nyin ti ɔkwlɛ kankankan atɛ. Ɔ sie i su e ndɛ'n su, e Min'n man i akunndan tran ndɛ bɔ Pɔl kan'n su, nan ɔ'a fa su.

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

1 Korɛntfuɛ Mun 13:2

Man n yo Nyanmiɛn nuan ijɔfuɛ, man n si sa nga Nyanmiɛn fiɛli i sran'm be nyrun'n i ngba, yɛ man n wun sa'n kwlaa wlɛ, yɛ sɛ n lafi Nyanmiɛn su kpa bɔbɔ b'ɔ man n kwla se oka'm be kɛ be tu bé bo wɔ'n, sanngɛ sɛ n klo-man sran'n, wuun m'an yo-man like fi.

1 Korɛntfuɛ Mun 15:51

An `nian, m ´bo sa kun bɔ sran'm be wun-mɛn i wlɛ'n su kle amun: e kwlaa e su wu-man, sanngɛ kɛ be ko bo awɛ kasiɛn liɛ'n, be nyinma bulɛ kunngba kplɛ kpɛkuun Nyanmiɛn a kaci ye. Kɛ awɛ sɔ'n ko tɛ'n, ɔ ´cɛn be bɔ be wuli'n ɔ nin wunnɛn b'ɔ kplɔ-man, yɛ e kusu, ɔ ´kaci ye .

1 Korɛntfuɛ Mun 2:14

Klɔ Sran'n b'ɔ o sa'n, ɔ fa-man Nyanmiɛn Wawɛ ninnge'm bé su, afin be ti i nyrun sinnzin like, ɔ kwla wun-man be wlɛ mlɔnmlɔn, afin san Nyanmiɛn Wawɛ'n yɛ ɔ kle sran yɛ man ɔ wun be wafa'n i wlɛ-ɔ.

1 Korɛntfuɛ Mun 2:7

Nyanmiɛn i ngwlɛlɛ b'ɔ yi-mɛn i nglo b'ɔ fiɛli i sran'm be nyrun'n, b'ɔ dun mmua sie mannin ye kɛ ɔ ba e nyrun nyan ka nan ɔ'a yi mɛn'n, i ndɛ yɛ e kan-an.

1 Korɛntfuɛ Mun 4:1

I sɔ'n ti, man sran'm be si kɛ e ti Krist i ukafuɛ bɔ e nian like nga Nyanmiɛn fiɛli i sran'm be nyrun'n be su.

1 Korɛntfuɛ Mun 4:7

?Wan yɛ ɔ se ɔ kɛ a ti kpa tra ɔ wiengu-ɔ? ?Nguɛ yɛ a lɛ i bɔ nán Nyanmiɛn yɛ ɔ mannin wɔ-ɔ? ?Sɛ i yɛ ɔ mannin wɔ'n, nguɛ ti yɛ a fa di ɔ́ nuan kɛ ɔ bɔbɔ ɔ́ sa ti like sa nin-ɔn?

Efɛzfuɛ Mun 1:18

N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Efɛzfuɛ Mun 1:9

ɔ man e si i klun sa b'ɔ fiɛli sran'm be nyrun'n, ɔ nin sa klanman nga i waan Krist `yo man ye'n.

Efɛzfuɛ Mun 5:32

Nanwlɛ, ndɛ sɔ'n bɔ ɔ'a tɛ nglo wa yɛ'n ɔ ti nanndoliɛ. Kɛ n kɛn i sɔ'n, n fa ndɛ sɔ'n sunnzun Krist nin Asɔnun'n,

Efɛzfuɛ Mun 6:19

Yɛ an `srɛ i ekun kɛ kɛ n uke min nuan'n, ɔ kle min ndɛ nga n kan-an ɔ ti su'n yɛ n yi jasin fɛ'n b'ɔ fiɛli i sran'm be nyrun'n i nglo kle be weiin yakpa su,

Kolɔsfuɛ Mun 2:2

M mian mín nyin nan an `tra amun anwlɛn yɛ klolɛ bɔ an klo amun wun'n ti amún bo `yo kun, m mian min nyin nan an si ngwlɛlɛ kpa b'ɔ man amun ´wun sa wlɛ weiin nan an si like nga Nyanmiɛn fiɛli i sran'm be nyrun'n, like sɔ'n yɛlɛ Krist!

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

1 Timote 3:9

man be yo sran bɔ be nzuɛn kpa'n ti be klun titi-man be, b'ɔ man be fa Nyanmiɛn i sulafilɛ ndɛ b'ɔ yili i nglo'n su kpa.

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

1 Jean 2:20

Amun liɛ'n, Nyanmiɛn fɛ i Wawɛ'n mannin amun, ɔ man amun kwlaa an wun sa wlɛ.

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.