Matthieu 12:7 - NYANMIƐN NDƐ'N 1998

⁷ Be kɛn i kɛ: ‹N klo aunnvuɛ nga be si sran'n tra tɛ nga be yi be man min'n.› Sɛ ɔ ti kɛ an si ndɛ sɔ'n i bo'n, wuun an bu-man sran nga b'a di-man fɔ'n be fɔ .

Nyanmien nde Ufle

⁷ Se o ti ke an si nde nga bé kan sé ke: «Bé wun aunnvue sile'n yô n fe tra n sole'n» i bô'n, wuun an bu'a swran nga ba di'a fo'n bé fo.

Matthieu 12:7 Iomraidhean Croise

Zɔb I Nyrɛnnɛn Wunlɛ 32:3

Ɔ fali ya Zɔb i janvuɛ nsan'm be wun wie. Sa ti'n, yɛlɛ kɛ b'a nyan-man ndɛ nanwlɛ kun b'a tɛ-man Zɔb su. Sanngɛ ɔ nin i sɔ ngba'n, b'a bu ndɛ'n b'a yi Zɔb su.

Jue Mun 109:31

Afin ɔ jran yalɛfuɛ'n i sin. Ɔ de i be nga be bu i fɔ'n bé sa nun.

Jue Mun 94:21

Be nin sran kpa mun be lɛ i. Be bu sran nga ɔ'a yo-man sa'n i fɔ.

Nyanndra Mun 17:15

Kɛ Anannganman nyin fa ci sran nga bɔ sɛ i wiengu kun yo i sa-a, ɔ blublu su bɔ i waan nán be se kɛ i yɛ ɔ yoli'n, i kunngba'n yɛ i nyin fa ci sran nga bɔ sɛ i wiengu kun ɔ'a yo-man sa kpɛkuun ɔ kpɛ suɛn tɛ i wun'n .

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Matthieu 22:29

Jésus seli be kɛ: «Amu'an fɔn, afin an wun-man Nyanmiɛn Ndɛ nga be klɛli'n i wlɛ, yɛ kusu an si-man kɛ Nyanmiɛn kwla like kwlaa yo.

Matthieu 9:13

An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

Marc 12:33

Yɛ kɛ be klo i kpa'n, bɔ be fa bé wla'n kwlaa guɛ i su'n, bɔ be akunndan'n kwlaa trɛn i su'n, bɔ be fa be wunmiɛn'n kwlaa yo like ng'ɔ kle kɛ be klo i'n, bɔ be klo be wiengu kɛ be bɔbɔ sa'n, i sɔ'n ti kpa tra tɛ nga be yrɛ i nnɛn kɔlikɔli'n, nin like nga be fa man Nyanmiɛn'n i kwlaa .»

Sa nga bé yôli'n 13:27

Zerizalɛmfuɛ'm be nin bé su kpɛn mun b'a si-man Jésus, yɛ Nyanmiɛn nuan ijɔfuɛ'm be ndɛ bɔ be kɛnngɛn i wunmiɛn-delɛ-cɛn'n kwlaa'n, b'a wun-mɛn i wlɛ, ɔ man kɛ be dili i jɔlɛ bɔ be buli i fɔ'n, sa nga be kɛnngɛn i ndɛ sɔ'n nun kɛ ɔ ´ju'n yɛ be ´yoli-ɔ.

Jacques 5:6

An buli be nga be ti sran kpa'n be fɔ, yɛ an kunnin be, be nin amun a kpli-man.

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.