Matthieu 12:31 - NYANMIƐN NDƐ'N 1998

³¹ I sɔ'n ti'n, n ´kan kle amun kɛ, Nyanmiɛn i dunman sacilɛ'n kwlaa ɔ nin sa kwlaa nga sran yo i'n, ɔ ´yaci cɛ. Sanngɛ Nyanmiɛn Wawɛ'n i dunman sacilɛ liɛ'n, ɔ su yaci cɛ-man le.

Nyanmien nde Ufle

³¹ I so'n ti, nh kanh klé amun ke, Nyanmien dunman satyile kwlaa o nin sa kwlaa nga swran yôé'n, oh yatyih tyee. Sannge Nyanmien Wawe'n i dunman satyile lie'n o su yatyi tyeman lé.

Matthieu 12:31 Iomraidhean Croise

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Ezekiɛl 33:11

Se be kɛ: ‹Min nyin o su, min Anannganman Nyanmiɛn yɛ n kan sɔ-ɔ. Like nga n kunndɛ'n, nɛ́n i yɛlɛ kɛ klunwifuɛ'n ɔ wu, sanngɛ n kunndɛ kɛ ɔ `kaci i nzuɛn'n nan ɔ `fite nun. Amun `yaci amun nzuɛn tɛtɛ'n. ?Izraɛlfuɛ mun, nguɛ ti yɛ amun waan amun ´wu nin-ɔn?›

Saun Yolɛ 24:16

Sran kwlaa nga i nuan tɛ to min'n, ɔ fata kɛ be kun i: man Izraɛlfuɛ'm be toto yɛbuɛ be fin i be kun i. Sɛ ɔ ti aofuɛ o, sɛ ɔ ti Izraɛl ba o, kɛ i nuan tɛ ɔ'a to min'n, i ti be `kun i.

JÉSUS-CHRIST I DYASIN FE'N BO LUC KLELI'N 12:10

Sran kwlaa ng'ɔ kan m bɔ n kacili Sran'n mín wun ndɛ'n, be ´yaci cɛ i, sanngɛ sran ng'ɔ saci Nyanmiɛn Wawɛ'n i dunman'n, be su yaci cɛ-mɛn i mlɔnmlɔn.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Hébreu 10:26

Afin sɛ e si nanwlɛ'n nan e nyinfu e yo sa tɛ ekun'n, i sɔ sa liɛ'n ɔ lɛ-mɛn i ti nnɛn kun.

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Hébreu 6:4

Afin sɛ Nyanmiɛn man sran kun wun ase'n, b'ɔ wun nyanmiɛn su lɔ like b'ɔ be fa mɛn i'n i fɛ'n, bɔ Nyanmiɛn Wawɛ'n yo i liɛ wie'n,

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.

1 Jean 5:16

Sɛ sran wie wun i niaan kun b'ɔ su yo sa tɛ b'ɔ ti-mɛn i wie liɛ'n, man ɔ srɛ Nyanmiɛn kɛ ɔ man sran sɔ'n i nguan, yɛ ɔ ´mɛn i. Be nga be yo sa tɛ b'ɔ ti-man be wie liɛ'n, be ndɛ yɛ n kan-an. Sa tɛ'n wie o lɛ be yo-ɔ ɔ ti be wie liɛ, nɛ́n i sɔ sa liɛ'n ti yɛ n se kɛ be srɛ Nyanmiɛn nin-ɔn.