Matthieu 12:20 - NYANMIƐN NDƐ'N 1998

²⁰ Ndɛma nga ɔ'a bli'n, ɔ su bu-mɛn i, yɛ kannin b'ɔ fite wɛnsrɛn'n, ɔ su nuɛn-mɛn i lele san ɔ yo man nanwlɛ'n ɔ ´kwla.

Nyanmien nde Ufle

²⁰ Ndema nga wa bli'n o su bumen, Ye kannin b'o fité wensren'n o su nuenmen

Matthieu 12:20 Iomraidhean Croise

2 Famiɛn Mun 18:21

?Nán Ezipt'n i su yɛ a fa ɔ wla'n gua-a? Ezipt'n ti kɛ ndɛma nga bɔ ɔ'a bu'n sa. Sɛ a kisa su-ɔ, ɔ wɔ ɔ́ sa klun fiti i bo nun lɔ. Be nga be fa bé wla gua Ezipt famiɛn'n su'n, kɛ ɔ ti sɔ man be-ɔ.

Jue Mun 147:3

Sran nga be anwlɛn'n ɔ'a kpɔtɔ be klun'n, i yɛ ɔ ti be fɔnvɔfuɛ-ɔ. Sɛ like yo be'n, ɔ nian be lika .

Jue Mun 51:17

Min Min, uke mín nuan'n man m manman wɔ.

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Saun Yolɛ 10:20

Kɛ Aarɔn kannin sɔ'n, Moiz wunnin kɛ ndɛ nanwlɛ yɛ ɔ kannin-ɔn.

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

Matthieu 11:7

Kɛ be ɔli'n, Jésus kan Zan ndɛ kleli sran'm be kɛ: «?Nguɛ yɛ an ɔli i nianlɛ aawlɛ flɛnnɛn nun lɔ nin-ɔn?

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

2 Korɛntfuɛ Mun 2:14

Nyanmiɛn i kwla o! Afin kɛ e nin Krist y'a kaci sran wunmuan'n ti'n, ɔ fa e yi i kwlalɛ'n nglo tititi. Yɛ ɔ fa e kɛ e yo man be si Krist lika'n kwlaa kɛ like b'ɔ bɔn fannin kpa'n sa.

2 Korɛntfuɛ Mun 2:7

Ɔ man an `yaci i wun sa cɛ i, an `yo man i wla gua ase, sɛ ɔ'a yo-man sɔ-ɔ, ɔ cɛ-man nan awlaboɛ'n ɔ'a kun i.

Sa nglô yile 6:2

N ´nian-an, nnɛn kpanngɔ ufue kun yɛ. Ta o sran ng'ɔ ti su'n i sa nun, be mɛnnin i like kun kɛ sika kle sa, yɛ ɔ ɔli yasua su kɛ ɔ nin i kpɔfuɛ mun be ko kun nan ɔ ´kwla be .