Matthieu 12:14 - NYANMIƐN NDƐ'N 1998

¹⁴ Farizifuɛ'm be fite ko wunnin bé wun, be kunndɛ i wafa nga be jran su fa kun i'n.

Nyanmien nde Ufle

¹⁴ Pharisifue'm (*f4*) bé fité kô wuun bé wun, bé kunnde i wafa nga bé dyran su fa kuin'n.

Matthieu 12:14 Iomraidhean Croise

Matthieu 26:4

kɛ be ´kunndɛ ngwlɛlɛ wafa nga be ´fa tra Jésus be kun i'n.

Matthieu 27:1

Kɛ aliɛ cɛnnin'n, Nyanmiɛn nyrun jranfuɛ dandan mun nin mɛn kpɛnngbɛn'm be kwlaa be ko wunnin bé wun kɛ be `kun Jésus.

Marc 14:1

Kɛ ɔ ka le nnyɔn nan Delɛ-cɛn'n nin kpaun bɔ kpaun ayre nun-man nun'n be cɛn dilɛ'n ɔ'a ju'n, Nyanmiɛn nyrun jranfuɛ dandan mun nin mmla klefuɛ'm be kwlaa be kunndɛ ngwlɛlɛ wafa nga be ´fa tra Jésus gblɛ nun be ´kun i'n.

Marc 3:6

Kpɛkuun Farizifuɛ'm be fiteli, nan be nin Erɔd i minniɛn mun b'a ko cici kɛ be ´kunndɛ like nga be ´yo be fa kun Jésus'n.

JÉSUS-CHRIST I DYASIN FE'N BO LUC KLELI'N 22:2

Nyanmiɛn nyrun jranfuɛ dandan mun nin mmla klefuɛ mun be kunndɛli sa wafa nga be ´yo nan b'a nyan Jésus aamiɛn b'a kun i'n yɛlɛ kɛ srɛ kunnin be sran'm bé wun.

JÉSUS-CHRIST I DYASIN FE'N BO LUC KLELI'N 6:11

Ya kunnin be dan kpa Jésus wun, nan b'a ko bu sa nga be ´yo i'n i akunndan.

Jean 10:31

Zuif'm be fali yɛbuɛ ekun kɛ be ´fa fin i.

Jean 10:39

I sɔ'n ti be bali ekun, be waan be ´trɛ i, sanngɛ ɔ floli bé sa nun.

Jean 11:53

Ɔ man kɛ ɔ fin cɛn sɔ'n nun'n, i kunlɛ akunndan yɛ be bu-ɔ.

Jean 11:57

Kɛ ɔ ´yo sɔ'n, wuun Nyanmiɛn nyrun jranfuɛ dandan mun nin Farizifuɛ mun b'a dun mmua b'a kan kle sran mun kɛ sɛ sran wie si kan Jésus wo'n, ɔ kan man be ko trɛ i.

Jean 5:18

Ndɛ sɔ'n ti Zuif'm be suɛli i nganzua kpa trali laa'n, be waan be ´kun i, nán wunmiɛn-delɛ-cɛn b'ɔ sacili i'n ngunmin ti-ɔ, sanngɛ selɛ b'ɔ seli kɛ Nyanmiɛn ti i Si b'ɔ fɛ i wun sunnzun i'n ti-ɔ.

Jean 7:30

Ɔ man be waan be ´trɛ i, sanngɛ i tralɛ cɛn nian ju-man ti sran fi sa a kɛn-mɛn i.

Jean 7:32

Farizifuɛ'm be ti i wun aswre nga sran'm be tu'n. Ɔ man Nyanmiɛn nyrun jranfuɛ dandan mun nin Farizifuɛ'm be yili sonja mun kɛ be ko trɛ i.

Jean 7:44

Be wie'm be waan be ´trɛ i, sanngɛ sran fi sa a kɛn-mɛn i.

Jean 8:59

I sɔ'n ti be isali yɛbuɛ kɛ be ´fa fin i, sanngɛ ɔ fin Nyanmiɛn i sua'n nun lɛ fiteli blɛlɛlɛ.