Matthieu 11:5 - NYANMIƐN NDƐ'N 1998

⁵ An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Nyanmien nde Ufle

⁵ Anyansifue'm bé wun asé, tyetyewafue'm bé nanti, kôkôwéfue'm bé kôkôwé'n wié, sutréfue'm bé ti sa, bé nga bé wuli'n bé tyen, ye bé bô dyasin fe'n klé yalefue mun.

Matthieu 11:5 Iomraidhean Croise

2 Famiɛn Mun 5:14

Naaman ɔli Zurdɛn'n su lɔ, ɔ jrali nun kpɛ nso ɔ wunnzinnin kɛ Nyanmiɛn i nuan ijɔfuɛ'n seli i kɛ ɔ yo'n sa. Yɛ i wunnɛn'n yoli weiin, ɔ kacili kɛ bakan wunnɛn sa .

2 Famiɛn Mun 5:7

Blɛ bɔ Izraɛl famiɛn'n kanngannin fluwa'n nun cɛ'n, ɔ titili i wun tralɛ'm be nun. Yɛ i waan: «?Nyanmiɛn yɛlɛ min bɔ n yo man sran wu annzɛ ɔ nyan nguan-an, bɔ i ti yɛ ɔ se min kɛ n yo man i sran'n i kokowe'n wie-ɔ? Amun `nian, utre bɔ cɛ yɛ ɔ su fa wla min sin lɛ-ɔ.»

Jue Mun 146:8

Anannganman tike anyansifuɛ'm bé nyin. Be nga awlaboɛ'n ɔ'a kun be'n, ɔ wla be nun fanngan. Ɔ klo be b'ɔ bu be sran kpa'n .

Jue Mun 22:26

Anannganman, wɔ yɛ man n kwla manman wɔ sran nga be yia kpanngban'n be nyrun-ɔn. Be nga be fa bé wla be gua ɔ su be nyrun'n, like nga n kan kleli wɔ kɛ n ´yo man wɔ'n, n ´yo.

Ezipt Lɔ Tulɛ'n 4:11

Anannganman usɛli i kɛ: «?Wan yɛ ɔ man sran'n i nuan kpa nin-ɔn? ?Wan yɛ ɔ yo man sran yo bobofuɛ annzɛ sutrefuɛ nin-ɔn? ?Wan yɛ ɔ yo man sran wun ase annzɛ ɔ yo anyansifuɛ nin-ɔn? ?Nán m bɔbɔ min Anannganman nin-ɔn?

Ezai 29:18

I cɛn sɔ nun'n, sutrefuɛ'm be su'n ´ti ndɛ nga be kɛnnin i fluwa nun'n, anyansifuɛ'm be nyinma'm be ´wun ase, be ´fin aosin'n nun be ´fite.

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Ezai 43:8

Nvle bɔ i nunfuɛ'm be nyinma'm be o lɛ bɔ sanngɛ be wun-man ase'n, bɔ bé su'm be o lɛ bɔ sanngɛ be ti-man sa'n, man be yi be fite wa.

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Zakari 11:7

Kpɛkuun bua nga be ti dilɛ liɛ bɔ be yo annvɔ sɔ mun yɛ n kankannin be-ɔ. N fali kpɔnman nnyɔn yɛ n fa kankannin be-ɔ. N flɛli kun kɛ: «Aenguɛ fɛfɛ tralɛ.» Yɛ n flɛli kun ekun kɛ: «Anuansɛ,» yɛ n fa kankan nnɛn mun-ɔn.

Matthieu 10:8

An `yo tukpacɛfuɛ'm be juejue, an `cɛn be bɔ be wuli'n, an `yo man kokowefuɛ'm be kokowe'n wie, an `fuan asiɛ usu mun sran'm be nun. N fɛ i sɔ yolɛ'n n cɛli amun, an kusu nán an `de like fi.

Matthieu 11:4

Jésus seli be kɛ: «An `ko kan ndɛ nga an tili'n nin like nga an wunnin i'n kle Zan.

Matthieu 12:13

Yɛ ɔ seli bian'n kɛ: «Tinngɛ ɔ́ sa'n nun.» Ɔ tinngɛli nun, nan i sa sɔ'n ɔ'a yo kpa ekun kɛ kun'n sa.

Matthieu 21:14

Anyansifuɛ nin cɛcɛwafuɛ'm be bɛli i wun Nyanmiɛn i sua'n nun lɛ, nan ɔ'a yo be juejue.

Matthieu 5:3

«Be nga be si kɛ be di Nyanmiɛn ninnge'm be yalɛ'n, be liɛ su ti ye, afin Nyanmiɛn yɛ ɔ sie be sakpa-a!

Matthieu 9:30

Yɛ be wunnin ase-ɔ. Jésus wlali bé su nun kpa kɛ nán man be kan ndɛ sɔ'n kle sran fi.

Marc 7:37

Bé nuan'n boli be wun dan kpa nan b'a se kɛ: «Like kwlaa ng'ɔ yo'n ɔ yo ye, ɔ man sutrefuɛ'm be ti sa yɛ bobofuɛ'm be ijɔ!»

Marc 9:25

Kɛ Jésus wunnin sran'm bɔ be wanndi ba'n, ɔ ijɔli asiɛ usu'n, ɔ seli i kɛ: «Asiɛ usu bɔ a yo man sran yo bobofuɛ nin sutrefuɛ'n, jao ba nga su, nán tɔ i su kun.»

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

Jean 10:25

Jésus seli be kɛ: «N kan kleli amun laa, amu'an lafi-man n su. Sa nga n yo be min Si i dunman nun'n, be ti n lalofuɛ.

Jean 10:38

Sɛ n yo be'n, kannzɛ an lafi-man m bɔbɔ n su'n, sanngɛ an `lafi sa sɔ'm be su nan amu'an wun i wlɛ kpa kɛ min nin min Si e ti sran wunmuan.

Jean 2:23

Kɛ Jésus o Zerizalɛm lɔ Delɛ-cɛn'n nun bɔ be wunnin atrɛ b'ɔ yili be'n, sran kpanngban be lafili i su.

Jean 5:36

Lalofuɛ nga n lɛ i'n, i ndɛ b'ɔ kan'n ti dan tra ayɛ nga Zan yili min'n, afin like nga n Si kle n kɛ n yo'n, bɔ n yo be'n, ɔ kle kɛ n Si yɛ ɔ sunmannin min-ɔn.

Jean 9:7

yɛ ɔ seli i kɛ ɔ ɔ ko wunnzin i nyrun gble nga be flɛ i Silɔe'n nun. Dunman sɔ'n i bo yɛlɛ Sunmanfuɛ. Ɔ ɔli lɔ ko wunnzinnin nun, kɛ ɔ ´sɛ i sin'n, ɔ'a wun ase.

Sa nga bé yôli'n 2:22

Izraɛlfuɛ mun, an `tie ndɛ nga kpa! Amun bɔbɔ an si kɛ Jésus b'ɔ fin Nazarɛt'n ɔ ti sran kun bɔ Nyanmiɛn man ɔ yoli sa kekleekle mun nin abonuan sa mun, yɛ ɔ yili atrɛ amun nyrun wa b'ɔ kle kɛ Nyanmiɛn jin i sin.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?