Matthieu 11:29 - NYANMIƐN NDƐ'N 1998

²⁹ An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Nyanmien nde Ufle

²⁹ Anh fa amun ti wla n komin su waka'n (*f8*) bô, ye anh fa min nzuen'n su, afin n ti swran weteefue ye min awlen'n ti flolo. Ye amun wla wa gua asé.

Matthieu 11:29 Iomraidhean Croise

2 Be Nyoliɛ 10:11

Mín si sieli amun kɔmin su waka nɔnnin-nɔnnin. N waka liɛ nga n ´fa sie amun kɔmin'n su'n, ɔ ´yo nɔnnin trɛ i liɛ'n. Mín si fali ngble yɛ ɔ fa boli amun-ɔn. N liɛ, n ´fa ngble nga i ti'n ti blalɛ bɔ i nuan'n yo ya kpa'n yɛ n ´fa bo amun-ɔn.› »

Jue Mun 116:7

I kpa'n bɔ, man mín wla'n gua ase fɔuun ke! Anannganman ɔ'a yo min ye a wie!

Jue Mun 131:1

Zerizalɛm kɔlɛ'n i su jue. Jue sɔ'n ɔ ti David liɛ. I waan: Anannganman, n ti-man wun tufuɛ, n yo-man mín wun dandan, like ng'ɔ ti-man mín wun su liɛ'n, n yo-man.

Nyanndra Mun 3:17

I atin'm be ti kpa. I atin mma'm be kwlaa be su falɛ yo fɛ.

Ezai 28:12

Anannganman dun mmua seli be kɛ: «Wa liɛ'n, amun wa de wunmiɛn, amun `yaci be nga b'a fɛ'n be lɛ man be de wunmiɛn. Wa lika'n ti fɔuun.» Sanngɛ b'a kplin-man su kɛ be ´ti ndɛ sɔ'n.

Ezai 29:19

Be nga be kan bé wun ase'n, Anannganman ti be klun ´jɔ titi ´kɔ i nyrun. Be nga be ti sran'm be nun yalɛfuɛ'n, Izraɛl Nyanmiɛn'n ti bé wun ´kpaja be.

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Kalɛ 12:3

Moiz kusu ti sran kun b'ɔ ti wun ase kanfuɛ dan, asiɛ nga su wa sran fi to-mɛn i wun ase kanlɛ'n nun.

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 21:5

«Se Siɔn wa bla'n kɛ: Nian, ɔ famiɛn'n su ba ɔ sin. Ɔ ti wɛtɛɛfuɛ dan kpa, ɔ fu aflunmun su, ɔ fu aflunmun b'ɔ ti nnɛn b'ɔ sua trɔ'n i wa bɔ ɔ'a kpɛ cro'n i su .»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 7:24

«I sɔ'n ti, sran kwlaa ng'ɔ tie ndɛ nga n ´kɛn i yɛ'n nan ɔ fa su'n, ɔ ti kɛ ngwlɛlɛfuɛ b'ɔ kplɛnnin i sua yɛbuɛ su'n sa.

JÉSUS-CHRIST I DYASIN FE'N BO LUC KLELI'N 8:35

Sran'm be ko niannin sa ng'ɔ yoli lɔ'n. Be wunnin bian bɔ asiɛ usu'm be jaoli i su'n, ɔ ti Jésus wun lɛ i nyin kloun, ɔ'a wla tralɛ, ɔ man srɛ kunnin be dan kpa.

Jean 13:15

N yoli i sɔ kleli amun nan amun kusu an `nian nga n yoli amun'n su yo.

Jean 13:17

Sɛ an si sa sɔ'n nan an fa su'n, amun liɛ su ti ye.

Sa nga bé yôli'n 7:37

Moiz sɔ'n yɛ ɔ kan ndɛ kleli Izraɛlfuɛ mun nin-ɔn. I waan: ‹Nyanmiɛn wa fa amun niaan'm be nun kun sie i i nuan ijɔfuɛ kɛ ɔ fa min sieli'n sa ´man amun.›

1 Korɛntfuɛ Mun 9:21

Kɛ n ko yo nan m'an nyan be bɔ be di-man Moiz mmla'n su'n, sɛ n ju be nun'n, n yo min wun kɛ be sa. Kannzɛ n yo sɔ'n, nán kɛ n di-man Nyanmiɛn mmla'n su mlɔnmlɔn ti-ɔ, n di Krist liɛ'n su.

2 Korɛntfuɛ Mun 10:1

M bɔbɔ m Pɔl m ma srɛ amun like kun. Be se kɛ kɛ n wo amun nyrun lɔ'n, n ti wɛtɛɛ kpe nun, sanngɛ be waan kɛ n nun-man lɔ'n, ndɛ nga n kan kle amun'n, n kɛn i yasua su. Krist b'ɔ ti wɛtɛɛ b'ɔ ti sran kpa'n i dunman nun

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

Filipfuɛ Mun 2:5

An `bu akunndan kunngba nga Krist-Jésus buli'n wie.

1 Tɛsalonikfuɛ Mun 4:2

Afin an si afɔtuɛ nga e Min Jésus man e fa mannin amun'n.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

1 Jean 2:6

sran ng'ɔ se kɛ ɔ nin i b'a yo kun'n, man ɔ yo sa nga Jésus yoli be'n wie.