Matthieu 11:25 - NYANMIƐN NDƐ'N 1998

²⁵ I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

Nyanmien nde Ufle

²⁵ I ble so'n nun Jésus séé ke: N Si, o bo a ti nyanmien su lo nin asie'n bé Min'n, kwla ô, yele ke a fa ninngé nga mun fiaa ngwlelefue nin bé bo bé si sa'n bé wun, sannge a yi bé nglô kléé bé bo bé ti ke ba kanngan mun sa'n.

Matthieu 11:25 Iomraidhean Croise

Bo Bolɛ 14:19

nan ɔ'a yrɛ i nuan klanman ɔ'a man Abram, ɔ seli kɛ: «Man Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n, ɔ yo man a nyan muae.

Bo Bolɛ 14:22

Yɛ Abram se i kɛ: «Mín sa'n yɛ m'an man su m'an kle Anannganman Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n yɛ.

2 Famiɛn Mun 19:15

I sin Ezekias srɛli Anannganman seli kɛ: «Anannganman, Izraɛl Nyanmiɛn, wɔ yɛ a ti anz'm be su kpɛn nin-ɔn. Wɔ kunngba yɛ a ti asiɛ'n kwlaa su Nyanmiɛn nin-ɔn. Wɔ yɛ a yili nglo'n nin asiɛ nin-ɔn.

1 Be Nyoliɛ 29:13

I ti e Nyanmiɛn, e ´manman wɔ, yɛ e ´bo flɛ wɔ, afin ɔ dunman'n yo nyɛnmɛn.

Zɔb I Nyrɛnnɛn Wunlɛ 37:24

Ɔ man i ti yɛ ɔ fata kɛ klɔ sran'm bé nyin yi i nin-ɔn. Be nga be bu bé wun kɛ be ti akunndanfuɛ'n, ɔ nian-man be lɔ bɔ kaan sa .

Jue Mun 8:2

Anannganman e Min, ɔ dunman'n ɔ yo nyɛnmɛn asiɛ wunmuan'n su! Ɔ nyrun bɔ a lɛ i'n i dan'n ɔ fu tra nyanmiɛn b'ɔ la nglo lɔ plaii'n su.

Ezai 5:21

Be nga be bu bé wun kɛ be si sa'n, bɔ be bu bé wun kɛ be ti ngwlɛlɛfuɛ'n, be yako!

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?

Daniɛl 2:23

Min nannan'm be Nyanmiɛn, n ´la wɔ ase, m ´manman wɔ sa wlɛ wunlɛ nin wunmiɛn bɔ a mannin min'n ti. A fali like nga e srɛli wɔ'n a kleli min, a kle ye like nga famiɛn'n kunndɛ kɛ ɔ ´si i'n.»

Matthieu 16:17

Jésus seli i kɛ: «Simɔn, Zonas wa, ɔ liɛ su ti ye, afin nán sran yɛ ɔ yili sa sɔ'n nglo kleli wɔ-ɔ, sanngɛ min Si b'ɔ wo nyanmiɛn su lɔ nin-ɔn.

Matthieu 21:16

Be usali Jésus kɛ: «?A ti ndɛ nga be kan'n?» Jésus seli be kɛ: «N ti. ?Ndɛ nga be klɛli kɛ: ‹A fa ɔ manmanlɛ'n wlɛli ba kanngan nin be nga be tɛ nɔn'n bé nuan'n,› an nian kɛnngɛn-mɛn i le ?»

JÉSUS-CHRIST I DYASIN FE'N BO LUC KLELI'N 22:42

«N Si, sɛ ɔ ti ɔ klun su'n, man nyrɛnnɛn wie nga to fuan min! Sanngɛ nán yo nga n klo kɛ ɔ yo su'n, sanngɛ yo nga a klo kɛ a ´yo i su'n.» [

JÉSUS-CHRIST I DYASIN FE'N BO LUC KLELI'N 23:34

Yɛ Jésus seli kɛ: «N Si, yaci bé wun sa'n cɛ be, afin sa nga be ´yo i lɛ'n, be wun-mɛn i wlɛ.» Be tuli i tralɛ'm bé wun fɔtɔ be fali .

Jean 11:41

Be yili yɛbuɛ'n. Jésus mɛnnin i nyin su niannin Nyanmiɛn su lɔ, yɛ ɔ seli kɛ: «N Si, kwla o, afin ndɛ nga n kannin'n, a tili.

Jean 12:27

«Siɛn'n, min akunndan'n ɔ'a sanngan. ?N ´se sɛ? ?N ´se kɛ: N Si, de min sa ng'ɔ wa ju yɛ'n nun? Sa sɔ'n ti yɛ m bali lele yɛ ɔ'a fa ju kɛ e ´se yɛ nin-ɔn.»

Jean 12:28

N Si, yo man ɔ dunman'n fu. Kɛ ɔ yoli sɔ'n, be tili sran kun nɛn nyanmiɛn su lɔ, sran sɔ'n seli kɛ: «M'an dun mmua yo man n dunman'n ɔ'a fu, yɛ n yo man ɔ wa fu ekun.»

Sa nga bé yôli'n 17:24

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.

1 Korɛntfuɛ Mun 2:10

E liɛ'n, Nyanmiɛn man i Wawɛ'n yi like sɔ'n nglo kleli ye. Afin kɛ Nyanmiɛn Wawɛ'n kunndɛ sa'n kwlaa bo'n ti'n, ɔ si Nyanmiɛn bɔbɔ i akunndan'n.

2 Korɛntfuɛ Mun 3:14

Sanngɛ Nyanmiɛn man b'a kwla wun-man sa fi wlɛ. Ɔ man lele ndɛ, kɛ be ´kanngan sa laa nga Nyanmiɛn waan ɔ ´yo man sran'n i fluwa'n nun'n, tannin kunngba sɔ'n b'ɔ man be wun-man sa wlɛ'n ɔ tɛ o lɛ. Afin san be nga be nin Krist b'a kaci sran wunmuan'n be liɛ'n yɛ ɔ'a yi-ɔ.

1 Samiɛl 2:18

Kɛ ɔ ´yo sɔ'n, wuun Samiɛl kan'n kusu ´di i junman'n Anannganman i nyrun, i lɛn tannin'n ci i bo.