Matthieu 11:24 - NYANMIƐN NDƐ'N 1998

²⁴ I sɔ'n ti, n ´kan kle amun kɛ jɔlɛ dilɛ cɛn nun'n Sodɔmfuɛ'm be nyrɛnnɛn liɛ'n ɔ ´yo sɔsɔ tra amun liɛ'n.»

Nyanmien nde Ufle

²⁴ I so'n ti, nh kanh klé amun ke dyole dile tyen'n nun Sodome i nyrennen lie'n oh yôh soso tra o lie'n.

Matthieu 11:24 Iomraidhean Croise

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Ezekiɛl 16:48

Min Anannganman Nyanmiɛn bɔ min nyin o su'n, n se kɛ yoo: «Ɔ niaan bla Sodɔm nin i mma bla'm b'a yo-man like nga a nin ɔ́ wa bla liɛ mun amun ´yo i yɛ'n.

Matthieu 10:15

Nanwlɛ, jɔlɛ dilɛ cɛn'n nun'n, Sodɔmfuɛ mun nin Gomɔrfuɛ'm be nyrɛnnɛn liɛ'n ɔ ´yo sɔsɔ tra klɔ sɔ'm be liɛ'n.»

Matthieu 11:22

I sɔ'n ti, n ´kan kle amun kɛ, jɔlɛ dilɛ cɛn'n nun'n, Tirfuɛ mun nin Sidɔnfuɛ mun be nyrɛnnɛn liɛ'n ɔ ´yo sɔsɔ tra amun liɛ'n.

Matthieu 23:14

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an de angboti mmla'm be awlo'n, yɛ an kan ndɛ tɛnndɛn kle Nyanmiɛn lelele kɛ sran'm be `bu amun sran kpa. I sɔ'n ti amun fɔ tulɛ liɛ'n ɔ wa yo tɛ kpa.]

Marc 6:11

Sɛ an ju lika wie nan b'a sike-man amun'n, bɔ be tie-man amun ndɛ'n, kɛ amun ´tu an bo klɔ sɔ'n su'n, an `kpukpu amún ja wun ndutre'n guɛ i lɛ, ɔ ´yo amun lalofuɛ .»

JÉSUS-CHRIST I DYASIN FE'N BO LUC KLELI'N 10:12

Nanwlɛ, jɔlɛ dilɛ cɛn'n nun, Sodɔm i nyrɛnnɛn liɛ'n, ɔ ´yo sɔsɔ tra klɔ sɔ'n i liɛ'n .»