Matthieu 11:22 - NYANMIƐN NDƐ'N 1998

²² I sɔ'n ti, n ´kan kle amun kɛ, jɔlɛ dilɛ cɛn'n nun'n, Tirfuɛ mun nin Sidɔnfuɛ mun be nyrɛnnɛn liɛ'n ɔ ´yo sɔsɔ tra amun liɛ'n.

Nyanmien nde Ufle

²² I so'n ti, nh kanh klé amun ke, dyole dile tyen'n nun Tyr nin Sidon bé nyrennen lie'n oh yôh soso tra amun lie'n.

Matthieu 11:22 Iomraidhean Croise

Zeremi 25:22

N fa mannin Tir famiɛn mun, nin Sidɔnfuɛ'm be famiɛn mun, ɔ nin mɛn nga be o jenvie'n i bue kun lɔ'n be famiɛn mun.

Zeremi 27:3

Kpɛkuun sunmanfuɛ nga be bali famiɛn Sedesias wun wunlɛ Zerizalɛm'n, fa man be man be fa ko man Edɔm famiɛn'n, nin Moab famiɛn'n, nin Amɔnfuɛ'm be famiɛn'n, nin Tir famiɛn'n, ɔ nin Sidɔn famiɛn'n.

Ezekiɛl 29:18

«Klɔ sran, famiɛn Nɛbikadnɛzar miannin i alɛ kunfuɛ'm be kɛ be di junman kekle kpa Tir klɔ'n ti. Alɛ kunfuɛ sɔ'm bé ti'm b'a kpa. Be wati'm bé su ɔ'a kplokplo. Ɔ'a nyan-man Tir'n i nun like fi, i alɛ kunfuɛ'm b'a nyan-man nun like fi. Be fɛli i wun sa bɔ ngbɛn.

Zoɛl 3:4

Wia'n ɔ ´kaci ble tuun, yɛ anglo'n kusu ɔ ´blo youun kɛ mmoja sa. I sin nan Anannganman i cɛn dan sroesroe'n ɔ'a ju .

Matthieu 10:15

Nanwlɛ, jɔlɛ dilɛ cɛn'n nun'n, Sodɔmfuɛ mun nin Gomɔrfuɛ'm be nyrɛnnɛn liɛ'n ɔ ´yo sɔsɔ tra klɔ sɔ'm be liɛ'n.»

Matthieu 11:21

Ɔ seli kɛ: «Kɔrazɛnfuɛ mun, an yako, Bɛtsaidafuɛ mun, an yako, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Tir nin Sidɔn'n, wuun lɔfuɛ'm be wasa bé wun nzuɛn'n, wuun be wla bajɛ tralɛ'n, wuun be kacili be nzuɛn'n ɔ'a cɛ .

Matthieu 11:24

I sɔ'n ti, n ´kan kle amun kɛ jɔlɛ dilɛ cɛn nun'n Sodɔmfuɛ'm be nyrɛnnɛn liɛ'n ɔ ´yo sɔsɔ tra amun liɛ'n.»

Matthieu 12:36

N ´kan kle amun kɛ, jɔlɛ dilɛ cɛn nun'n, ndɛ ngbɛn kwlaa bɔ sran'm be kannin'n, be bɔbɔ yɛ be ´kan bé su ndɛ-ɔ.

JÉSUS-CHRIST I DYASIN FE'N BO LUC KLELI'N 10:14

Ɔ man jɔlɛ dilɛ cɛn'n nun'n, Tir nin Sidɔn be nyrɛnnɛn liɛ'n ɔ ´yo sɔsɔ tra amun liɛ'n.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

2 Piɛr 3:7

Nyanmiɛn kunngba'n yɛ ɔ seli ekun kɛ man be sie nyanmiɛn su lɔ'n nin asiɛ nga be o lɛ ndɛ'n, be lɛ man sin di be. Be ´sie be lɛ lele ´fa ju cɛn nga be ´bu sran nga be sro-man Nyanmiɛn'n be fɔ bɔ be ´saci be'n.

1 Jean 4:17

Kɛ e klolɛ nga e fa klo Nyanmiɛn'n i nyin fiteli weiin'n, ɔ man e si kɛ jɔlɛ dilɛ cɛn'n nun é wla'n ´gua ase. Afin kɛ ɔ fa ti'n, kɛ e kusu e ti sɔ mɛn'n nun-ɔn.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Sa nglô yile 20:12

Yɛ n wunnin be nga be wuli'n, sɛ be lɛ nyrun o, sɛ be lɛ-man nyrun o, be jinjin bia'n nyrun lɛ. Be trɛli fluwa wie'm be nun. Yɛ be trɛli kun ekun nun, i yɛ ɔ ti nguan fluwa nin-ɔn. Be niannin fluwa'm be nun, be wunnin sa nga be bɔ be wuli'm be yoli'n, i su yɛ be jran be dili be jɔlɛ nin-ɔn.