Matthieu 11:11 - NYANMIƐN NDƐ'N 1998

¹¹ Nanwlɛ, be kwlaa nga bla wuli be'n, be nun wie fi nun-man lɛ bɔ i dan tra Zan batɛm yofuɛ nin-ɔn. Sanngɛ be nga Nyanmiɛn sie be'n be nun kaanfuɛ'n i dan trɛ i.

Nyanmien nde Ufle

¹¹ Nanwle, bé kwlaa nga bla wuli bé'n, bé nun wié fi nu'an le bo i dan tra Jean baptême yôfue nion. Sannge bé nga Nyanmien sié bé'n bé nun kaanfue'n i dan tre.

Matthieu 11:11 Iomraidhean Croise

Zɔb I Nyrɛnnɛn Wunlɛ 14:1

Klɔ sran'n bɔ bla yɛ ɔ wuli i'n i nguan'n ɔ ti tika. Kusu i nguan sɔ'n, ɔ ti afɛ ngunmin.

Zɔb I Nyrɛnnɛn Wunlɛ 14:4

?Wan cɛ yɛ ɔ kwla yo man like saun fin like fiɛn nun fite-ɔ ? Sran fi.

Zɔb I Nyrɛnnɛn Wunlɛ 15:14

?Wan yɛlɛ sran b'ɔ ko di i nuan kɛ ɔ ti saun-ɔn? ?Klɔ sran kwla yo sɛsɛ?

Zɔb I Nyrɛnnɛn Wunlɛ 25:4

?Sran yo kpa Nyanmiɛn nyrun sɛ yɛ ɔ yo ye-ɔ? Klɔ sran'n ɔ ´yo sɛ yɛ ɔ ´yo saun i nyrun-ɔn?

Jue Mun 51:5

Afin n wun sa tɛtɛ nga n yo be'n. Sa tɛtɛ sɔ'm be sinsin min nyin su.

Ezai 30:26

Cɛn nga Anannganman ´cici i nvle nunfuɛ'm be kannin'm be su'n, b'ɔ ´fua bé wunnɛn bɔ ngble'n tutuli i fofo'n, anglo'n ɔ ´ta kɛ wia'n sa, wia'n kusu ɔ ´bo tra titi liɛ'n sɔ kpɛ nso, ɔ ´bo kɛ cɛn nso wia sa.

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Matthieu 11:10

I yɛ be klɛli i wun ndɛ kɛ: ‹Nian, n ´sunman min ndolo bofuɛ'n. Ɔ ´dun mmua ko yo ɔ nyrun atin'n kpa› nin-ɔn .

Matthieu 11:12

Kɛ ɔ fin Zan batɛm yofuɛ'n i blɛ su lele b'ɔ ´fa ju ndɛ'n, be fa bé wun man Nyanmiɛn kekle su, yɛ yakpafuɛ mun yɛ be yo man Nyanmiɛn sie be-ɔ.

Matthieu 3:1

Blɛ sɔ'n nun'n, Zan b'ɔ ti batɛm yofuɛ'n bali, ɔ kan Nyanmiɛn ndɛ Zide aawlɛ flɛnnɛn nun lɔ.

Matthieu 3:11

N liɛ'n, n yo amun batɛm nzue'n nun kɛ an `kaci amun nzuɛn'n, sanngɛ sran ng'ɔ o siɛn b'ɔ su ba'n, ɔ lɛ tinmin tra min. Min nin i ngbabua'n i sualɛ fata-man. I liɛ'n, ɔ wa fa Nyanmiɛn Wawɛ'n nin sin yo amun batɛm.

Matthieu 5:19

I sɔ'n ti sran ng'ɔ tɔn mmla i nun kun, kannzɛ i nun kaan kpafuɛ'n bɔbɔ, nan ɔ kle sran'm be kɛ be yo i kunngba sɔ'n, ɔ wa yo be bɔ Nyanmiɛn sie be'n be nun kaan kpa, sanngɛ sran ng'ɔ fa be su, nan ɔ kle sran'm be kɛ be fa su'n, ɔ wa yo be bɔ nyanmiɛn sie be'n be nun sran dan.

JÉSUS-CHRIST I DYASIN FE'N BO LUC KLELI'N 1:15

Afin ɔ ´yo sran dan e Min Nyanmiɛn'n nyrun, ɔ su nɔn-man nzan b'ɔ bo'n i wie fi, ɔ nin Nyanmiɛn Wawɛ'n fin blɔlɔ .

JÉSUS-CHRIST I DYASIN FE'N BO LUC KLELI'N 7:28

Nanwlɛ, be kwlaa nga bla wuli be'n, be nun wie fi nin Zan sɛ-man. Sanngɛ be nga Nyanmiɛn sie be'n, be nun kaanfuɛ'n i dan trɛ i.

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Jean 1:15

Zan kɛnnin i ndɛ, ɔ kpan seli kɛ : «I yɛ n kɛnnin i ndɛ kɛ sran ng'ɔ o siɛn ɔ su ba'n nan ɔ lɛ nyrun tra min nin-ɔn, afin ɔ o lɛ i sin nan b'a wu min.»

Jean 1:27

ɔ o siɛn ɔ su ba. Min nin i ngbabua nyanman'n i nyannjilɛ fata-man.»

Jean 10:41

Sran kpanngban be bɛli i wun lɛ, yɛ be seli i kɛ: «Zan ɔ'a yi-man atrɛ fi sanngɛ bian nga i wun ndɛ ng'ɔ kannin'n, i kwlaa sɔ'n ti nanwlɛ.»

Jean 3:30

Man i dunman liɛ'n fu, yɛ man n liɛ'n kan ase .»

Jean 5:35

Zan ti kɛ kannin b'ɔ jue b'ɔ kpaja'n sa, yɛ i kannin sɔ'n i bo tranlɛ yoli amun fɛ kan.

Jean 7:39

Sa ti b'ɔ seli sɔ'n yɛlɛ Nyanmiɛn Wawɛ'n bɔ be nga be wa lafi i su'n be ´nyɛn i'n. Ke ɔ ´yo sɔ'n, wuun Nyanmiɛn nian fa-man i Wawɛ'n nian man-man, afin ɔ nian yi-man Jésus i wafa ng'ɔ ti'n i nglo.

1 Korɛntfuɛ Mun 15:9

afin min yɛ n ti be bɔ Jésus sunmannin be'n be nun kaan-an. Afin n kleli Nyanmiɛn i asɔnun'n yalɛ, i ti kɛ be se kɛ Jésus sunmannin min'n, min nin i sɔ flɛlɛ'n fata-man bɔbɔ.

1 Korɛntfuɛ Mun 6:4

?Sɛ ɔ ti sɔ'n, kɛ an nyan ndɛ'n, nguɛ ti yɛ an fa kɔ be bɔ be lɛ-man nyrun asɔnunfuɛ'm be nyrun'n bé ja su-ɔ?

Efɛzfuɛ Mun 2:3

Laa e kwlaa e ti kɛ be sa, like nga klɔ sran konvi sɔ i'n yɛ e kunndɛ-ɔ, like kwlaa ng'ɔ yo e fɛ bɔ e bu i akunndan'n yɛ e yo-ɔ. Nzuɛn sɔ'n bɔ be wuli ye nin i'n ti'n, san Nyanmiɛn ´fa é wun ya kɛ ɔ fali sran wie'm bé wun ya'n sa.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

2 Timote 1:10

E blɛ liɛ'n su kɛ e Defuɛ Krist-Jésus bali'n, yɛ ɔ yili ye sɔ'n i nglo-ɔ. Ɔ sacili wie'n i kwlalɛ'n, yɛ i jasin fɛ'n ti ɔ man y'a si nguan b'ɔ man sran wu-man'n.

Hébreu 11:40

Afin Nyanmiɛn sieli like nga i kpa tra be liɛ'n lɔ sie ye, ɔ man sɛ e nun-man be nun wie'n, be su yo-man kpa.

1 Piɛr 1:10

Nyanmiɛn nuan ijɔfuɛ bɔ be kannin ye dan nga Nyanmiɛn wa yo amun'n i ndɛ'n, be bɔbɔ be buli ti nyanlɛ wafa sɔ'n i akunndan kpa, be kunndɛli kɛ be ´wun i wlɛ weiin kpa.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.