Matthieu 10:33 - NYANMIƐN NDƐ'N 1998

³³ sanngɛ sran ng'ɔ yo i wun sran'm be nyrun kɛ ɔ si-man min'n, n kusu n ´kɛn n Si b'ɔ o nyanmiɛn su lɔ'n i nyrun kɛ n si-mɛn i .»

Nyanmien nde Ufle

³³ sannge swran ng'o yô i wun swran'm bé nyrun ke o si'a min'n, n kusu nh kenh n Si b'o ô nyanmien su lo'n i nyrun ke n simen.

Matthieu 10:33 Iomraidhean Croise

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Marc 14:30

Yɛ Jésus seli i kɛ: «Nanwlɛ, ndɛ kɔnguɛ nga bɔbɔ, a wa se kɛ a si-man min sɔ kpɛ nsan nan akɔ nyinman'n ɔ'a bo kpɛ nnyɔn.»

Marc 14:72

I osu kunngba'n nun yɛ akɔ nyinman'n boli i kpɛ nnyɔn su liɛ nin-ɔn, yɛ Piɛr wla kpɛnnin ndɛ nga Jésus kan kleli su-ɔ. Ɔ kan kleli i kɛ ɔ wa se kɛ ɔ si-mɛn i sɔ kpɛ nsan nan akɔ'n ɔ'a bo'n. Yɛ ɔ tɔli sunlɛ su-ɔ.

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

JÉSUS-CHRIST I DYASIN FE'N BO LUC KLELI'N 12:9

Sanngɛ sran ng'ɔ yo i wun sran'm be nyrun kɛ ɔ si-man min'n, m bɔ n kacili Sran'n n kusu n ´kɛn Nyanmiɛn i anz'm be nyrun kɛ n si-mɛn i.

JÉSUS-CHRIST I DYASIN FE'N BO LUC KLELI'N 22:57

Sanngɛ ɔ fɛli i nuan kekle ɔ seli kɛ: «Mmo, n si-mɛn i mlɔnmlɔn.»

JÉSUS-CHRIST I DYASIN FE'N BO LUC KLELI'N 9:26

M bɔ n kacili Sran'n m ´ba, sran'm be ´wun kɛ min nin min Si nin min Si i anz mun e nyrun'n ti nyannyan ɔ yo sro. Sran nga bɔ min nin min ndɛ'n ti nyannzuɛn kun i'n, kɛ m ´ba sɔ'n, nyannzuɛn ɔ'a kun min sran sɔ'n ti.

2 Timote 2:12

Sɛ e jran kekle'n, e nin i yɛ e ´di famiɛn nin-ɔn. Sɛ e se kɛ e si-mɛn i'n, i kusu wa se kɛ ɔ si-man ye.

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.

1 Jean 2:23

Sran ng'ɔ sɔ-man Nyanmiɛn Wa'n nun'n, wuun ɔ'a sɔ-mɛn i bɔbɔ nun. Sran ng'ɔ sɔ i nun'n, wuun ɔ'a sɔ i Si'n nun.