Matthieu 10:1 - NYANMIƐN NDƐ'N 1998

¹ I sin Jésus flɛli i sɔnnzɔnfuɛ blu-nin-nnyɔn'n, ɔ mannin be atin kɛ be fuan asiɛ usu b'ɔ saci sran'n, yɛ be yo be kwlaa nga be ti tukpacɛfuɛ'n nin be kwlaa nga be wunnɛn yo be ya'n be juejue.

Nyanmien nde Ufle

¹ I sin Jésus flee i sonnzonfue blu-nin-nnyon'n, o maan bé atin ke bé fuan asie usu b'o satyi swran'n, ye bé yô bé kwlaa nga bé ti tukpatyefue'n, nin bé kwlaa nga bé wunnen yô bé ya'n bé dyuédyué.

Matthieu 10:1 Iomraidhean Croise

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Matthieu 26:20

Kɛ aliɛ jɔli'n, ɔ nin i sɔnnzɔnfuɛ blu-nin-nnyɔn'm be trannin aliɛ'n sin.

Matthieu 26:47

Kɛ i nuan tɛ o ndɛ'n su kpɛkuun i sɔnnzɔnfuɛ blu-nin-nnyɔn'n be nun kun bɔ be flɛ i kɛ Zidas'n, ɔ nin sran kpanngban bɔ Nyanmiɛn nyrun jranfuɛ dandan nin mɛn kpɛnngbɛn'm be sunmannin be'n, bɔ tokofi nin klɔnman o bé sa nun'n, b'a bo nun.

Matthieu 4:23

Jésus wlan-wlan Galile akpasua'n kwlaa su, ɔ kle like Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn i sielɛ'n i jasin fɛ'n kle be, yɛ ɔ wie tukpacɛ kwlaa b'ɔ o sran'm be wun'n nin be wunnɛn ya'n kwlaa.

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Matthieu 9:35

Jésus wlan-wlan klɔ dandan nin klɔ kanngan'm be kwlaa be su, ɔ kle be like be Nyanmiɛn ndɛ suanlɛ nin i srɛlɛ sua'm be nun, ɔ kan Nyanmiɛn sielɛ'n i jasin fɛ'n kle be, yɛ ɔ wie be tukpacɛ nin be wunnɛn ya'n kwlaa.

Matthieu 9:38

I sɔ'n ti, an `se fie i fuɛ'n man ɔ fa sran wie mun ekun man be ko di i junman'n.»

JÉSUS-CHRIST I DYASIN FE'N BO LUC KLELI'N 10:19

Nian, n seli amun kɛ, m mannin amun kwlalɛ, ɔ man amun ´tia wuo nin nyannglan'm be su, amun ´kwla kpɔfuɛ'n, yɛ like fi su yo-man amun.

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

JÉSUS-CHRIST I DYASIN FE'N BO LUC KLELI'N 24:49

An `nian, like nga n Si seli kɛ ɔ ´blɛ amun'n, m bɔbɔ n yo man like sɔ'n ɔ ´ba. Ɔ man amun kusu an `tran klɔ'n su wa lele man Nyanmiɛn tin amun ka .»

JÉSUS-CHRIST I DYASIN FE'N BO LUC KLELI'N 6:13

Kɛ aliɛ'n cɛnnin'n, ɔ flɛli i sɔnnzɔnfuɛ mun nan ɔ'a fa be nun blu-nin-nnyɔn, ɔ tɔnnin be dunman kɛ i sunmanfuɛ mun. Sran sɔ'm be dunman mun yɛ:

Jean 17:2

Afin a fali sran'm be kwlaa wlɛli i sa nun kɛ ɔ `sie be nan ɔ `man be kwlaa nga a fa be mɛnnin i'n be anannganman nguan.

Jean 3:27

Zan seli be kɛ: «Like nga Nyanmiɛn a man-man sran kun'n, ɔ nyɛn-mɛn i.

Jean 3:35

E Si Nyanmiɛn klo i Wa'n, yɛ ɔ fali like'n kwlaa wlɛli i sa nun .

Jean 6:70

Jésus usali be kɛ: «Amun sran blu-nin-nnyɔn'n, nán min yɛ n fali amun-ɔn? » Sanngɛ ɔ nin i sɔ'n ngba'n, kɛ min yɛ n fali amun'n, amun nun kun ti mmusu'm bé si Satan'n i sran.

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 19:15

Le kun liɛ'n kɛ be ´yo'n, like'n seli be kɛ: «?N si Jésus, yɛ n si Pɔl kusu, sanngɛ amun liɛ'n, an fin nin?»

Sa nglô yile 12:1

Abonuan sa dan kun fiteli nglo nyanmiɛn su lɔ: bla kun klali wia'n kɛ kondro sa. Yɛ i ja'n takataka anglo'n su. Nzraama blu-nin-nnyɔn be ti kɛ sika kle sa, kle sɔ'n ɔ o i ti.