Matthieu 1:22 - NYANMIƐN NDƐ'N 1998

²² I kwlaa sɔ'n yoli sɔ nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su, ɔ seli kɛ:

Nyanmien nde Ufle

²² I kwlaa so'n yôli so nan nde nga é Min Nyanmien'n man i nuan idyofue'n kannin'n wa kpen su, o sé ke:

Matthieu 1:22 Iomraidhean Croise

1 Famiɛn Mun 8:15

I sin ɔ seli kɛ: «N ´la Anannganman b'ɔ ti Izraɛl Nyanmiɛn'n i ase, afin ɔ'a yia ndɛ ng'ɔ kan kleli mín si David'n i nuan.

1 Famiɛn Mun 8:24

Ndɛ nga a kan kleli min si David b'ɔ ti ɔ sufuɛ'n, a yiɛli i nuan. Ndɛ ng'ɔ fin ɔ nuan fiteli'n, w'a yo i su sa'n ndɛkɛn.

Ɛsdras 1:1

Kɛ Siris b'ɔ ti Pɛrs mɛn'n i famiɛn'n, ɔ trannin bia'n su'n, i afuɛ klikli nun'n, Anannganman waan ɔ ´yo nan ndɛ ng'ɔ fa wlɛli i nuan ijɔfuɛ Zeremi nuan kɛ ɔ kan'n, i nuan ɔ `yia. Ɔ dili junman famiɛn Siris i akunndan'n nun . Ɔ suli i bo man ɔ boli ndɛ kun jɔ sinnin kan ɔ sie ju lɛ'n i lika'n kwlaa. I sin ɔ klɛli fluwa nannannin su. Ɔ klɛli i kɛ

Matthieu 12:17

nan ndɛ nga Nyanmiɛn nuan ijɔfuɛ Ezai kannin'n ɔ'a kpɛn su. Ɔ seli kɛ:

Matthieu 13:21

Sanngɛ ɔ'a nyan-man ndin wlawlɛ, ɔ ti sran bɔ i anwlɛn'n sɔ-man, kɛ afɛ'n nin yalɛ klelɛ'n tɔ i su Nyanmiɛn ndɛ'n ti'n, kpɛkuun ɔ'a yaci Nyanmiɛn sulɛ'n.

Matthieu 13:35

Kɛ ɔ ´yo nan ndɛ nga Nyanmiɛn nuan ijɔfuɛ'n ɔ kannin'n, ɔ'a kpɛn su'n ti yɛ ɔ kɛnnin i sɔ-ɔ. Ɔ seli kɛ: «N ´uke min nuan'n, m ´bu nyanndra, Yɛ ninnge nga be fia su kɛ ɔ fin mɛn'n i bo bolɛ nun'n, n ´kɛn i ndɛ kle amun .»

Matthieu 2:15

Ɔ trannin lɔ lele san Erɔd wuli, kɛ ɔ yo nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su'n ti. Nyanmiɛn nuan ijɔfuɛ sɔ'n seli kɛ: «N flɛli n wa yasua'n kɛ ɔ jaso Ezipt lɔ bla .»

Matthieu 2:23

Nan ɔ'a tran klɔ kun bɔ be flɛ i kɛ Nazarɛt'n su nan ndɛ nga Nyanmiɛn nuan ijɔfuɛ'm be kannin'n ɔ'a kpɛn su. Be kɛnnin i kɛ: «Be wa flɛ i Nazarɛtfuɛ .»

Matthieu 5:17

«Nán an bu i kɛ m bali Moiz mmla'n nin Nyanmiɛn nuan ijɔfuɛ'm be ndɛ'n bé su nunnunlɛ, be nun yiyilɛ yɛ m bali-ɔ.

Matthieu 8:17

I sɔ'n nun'n, ndɛ nga Nyanmiɛn nuan ijɔfuɛ Ezai kɛnnin i kɛ: «I bɔbɔ fali e wunnɛn ya'n, yɛ ɔ fa e tukpacɛ'n suali'n ,» ɔ kpɛnnin su.

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .

JÉSUS-CHRIST I DYASIN FE'N BO LUC KLELI'N 24:44

I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

Jean 10:35

E si kɛ sran fi kwla nunnun-man Nyanmiɛn ndɛ nga be klɛli'n. Be klɛli i kɛ be nga Nyanmiɛn fɛ i mmla mannin be'n be ti kɛ Nyanmiɛn sa.

Jean 15:25

Sanngɛ sa sɔ'n yo sɔ nan ndɛ nga be klɛli be mmla fluwa'n nun kɛ: ‹Kpɔlɛ nga be kpɔ min'n lɛ-man bo'n› ɔ `kpɛn su .

Jean 17:12

Kɛ min nin be tɛ o wa'n, ɔ dunman'n b'ɔ o n su'n ti'n, n niannin bé su. N kplali bé wun, be wie fi a mlin-man san sran nga be sieli i liɛ'n sɔ'n i cɛ, ɔ yoli sɔ nan ɔ ndɛ nga be klɛli'n ɔ `kpɛn su .

Jean 18:9

Ɔ kɛnnin i sɔ nan ɔ kpɛn ndɛ ng'ɔ kɛnnin i kɛ: «Be nga a fa be mannin min'n, be wie fi a mlin-man.»

Sa nga bé yôli'n 3:18

Sanngɛ Nyanmiɛn yoli i sɔ nan ndɛ ng'ɔ man i nuan ijɔfuɛ'm be kwlaa be dun mmua kɛnnin i laa kɛ i Krist'n ɔ wa wun nyrɛnnɛn'n, ɔ `kpɛn su.

Rɔmfuɛ Mun 1:2

b'ɔ yoli man i nuan ijɔfuɛ'm be kɛnnin i ndɛ laa i Ndɛ nga be klɛli'n nun'n.

Sa nglô yile 17:17

Afin Nyanmiɛn yɛ ɔ seli be kɛ be yo i bɔbɔ Nyanmiɛn i klun sa nin-ɔn, i wan kɛ bé bo yo kun be fa be famiɛn'n man nnɛn'n lele san ndɛ nga i bɔbɔ Nyanmiɛn kannin'n ɔ'a kpɛn su.