Matthieu 1:20 - NYANMIƐN NDƐ'N 1998

²⁰ Kɛ ɔ ´bu akunndan sɔ'n, e Min Nyanmiɛn'n i anz kun yi i wun kleli i laliɛ nun, ɔ seli i kɛ: «Zozɛf, David anunman, nán srɛ kun wɔ, fa ɔ yi Mari kɔ ɔ bo, afin ba'n bɔ ɔ'a wunnzɛ i'n ɔ fin Nyanmiɛn Wawɛ'n.

Nyanmien nde Ufle

²⁰ Ke oh buh akunndan so'n, é Min Nyanmien'n i ange kun yi i wun kléé lalie nun, o sé ke: Joseph, David anunman, nanh sre kun o, fo o yi Marie ko o bô, afin ba'n bo wa wunnzee'n o fin Nyanmien Wawe'n.

Matthieu 1:20 Iomraidhean Croise

Bo Bolɛ 31:11

Laliɛ sɔ'n nun'n, Nyanmiɛn i anz'n flɛli min kɛ: ‹Zakɔb!› Min waan: ‹M'an sro.›

Bo Bolɛ 46:3

Yɛ Nyanmiɛn seli kɛ: «Nyanmiɛn'n yɛlɛ min. Ɔ si i Nyanmiɛn'n yɛlɛ min. Nán srɛ kun wɔ Ezipt kɔlɛ nun. Lɔ yɛ n ´yo man ɔ osu'n ´kaci nvle dan-an.

1 Famiɛn Mun 17:13

Eli seli i kɛ: «Nán ɔ klun ti wɔ. Ko yo i kɛ a kannin'n sa, sanngɛ dun mmua tɔn kpaun kaan kun fa blɛ min ka nan w'a tɔn a nin ɔ́ wa'n amun liɛ'n,

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Jue Mun 119:125

N ti ɔ sufuɛ, man min ngwlɛlɛ man n wun sa nga a fa be sie min nyrun'n be wlɛ.

Jue Mun 143:8

Nglɛmun'n, kɛ be ´se kɛ lika'n ɔ'a cɛn cɛ'n, man n wun ɔ klun-ufue'n nun weiin, afin ɔ su yɛ n fa min wla'n gua-a. Atin ng'ɔ ti bɔ n `fa su'n, kle min, afin ɔ́ su yɛ n lafi-ɔ.

Jue Mun 94:19

Blɛ bɔ min akunndan'n sanngan sa sunman ti'n, a fɔnvɔ min ɔ man n nyan aklunjuɛ.

Nyanndra Mun 12:5

Sran kpafuɛ mun, sa ng'ɔ ti i su'n yɛ be kunndɛ be yo-ɔ. Sran tɛfuɛ'm be kusu be liɛ'n gblɛgblɛ ninnge mun yɛ be kunndɛ be yo-ɔ.

Ezai 26:3

Sran ng'ɔ tran cinnjin ɔ́ sa nun'n, Anannganman, a mɛn i aunjuɛ, ɔ man i wun jɔ i fɔuun, afin ɔ fɛ i wla'n gua ɔ su.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Ezai 51:7

Amun nga amun si nanwlɛ'n, amun nga min mmla'n wo amun anwlɛn'n nun'n, amun `sie amún su mín nuan'n bo! Nán amun sro kputulɛ bɔ sran'm be ´kputu amun'n, sɛ be kpɛ amun nzowa'n, nán amun usu.

Ezai 7:13

Nan Ezai ɔ'a se i kɛ: «Wɔ bɔ a nin wɔ awlofuɛ mun amun ti David i osu'n nunfuɛ mun'n, amun `sie amún su! ?Kɛ amun yo bɔ sran'm be di amlin lele be fɛ'n, i sɔ yolɛ'n ɔ ju-man amun, yɛ amun waan amun ´yo nan min Nyanmiɛn'n ɔ `fɛ amlin dilɛ nun ekun-ɔn?

Ezai 7:2

Be kan kleli Akaz b'ɔ fin David i osu nun'n nin i awlofuɛ mun kɛ Sirifuɛ'm b'a kpɛ be ngblaliɛ Efraim asiɛ'n su. Kɛ famiɛn'n nin i sran'm be tili ndɛ sɔ'n, be usuli kɛ bo nun lɔ waka mun yɛ aunngban'n su keje be sa.

Zeremi 31:22

?Nan wɔ bɔ a ti kɛ talua nyin keklefuɛ wie sa'n kɛ a ´sisi ɔ bo titi sa? Nian, Anannganman ɔ'a kpɛ like uflɛ ba mɛn'n nun. Siɛn'n, bla yɛ ɔ ko wlan-wlan kunndɛ yasua-a.»

Zeremi 33:26

wuun n yi Zakɔb osu'n nin min sufuɛ David i liɛ'n be ase-ɔ ɔ yo ye, wuun n su fa-man be osu'n nun sran b'ɔ ´sie Abraam nin Izaak, nin Zakɔb be osu nin-ɔn. N ´fa be sran nga be trali be lomuɛn'n n ´sa be sin, yɛ n ´si be aunnvuɛ .»

Zeremi 40:9

Gɛdalia kannin ndɛ kleli be nin be sran mun, ɔ seli be kɛ yoo: «Nán srɛ kun amun, an su Babilɔnifuɛ mun, an `ka e mɛn'n nun wa an su Babilɔni famiɛn'n, amun ´nyan amun ti.

Kalɛ 12:6

Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

Matthieu 1:18

An `nian kɛ Jésus-Krist i awuliɛ'n yoli-ɔ. I nin Mari bɔ Zozɛf trɛli i ase'n, kɛ be nian si-man sua'n, Nyanmiɛn Wawɛ'n man ɔ wunnzɛli.

Matthieu 2:12

I sin be fa atin uflɛ be ɔli be mɛn nun, afin Nyanmiɛn seli be laliɛ nun kɛ nán man be sa be sin Erɔd wun lɔ kun.

Matthieu 2:13

Kɛ be ɔli'n, e Min Nyanmiɛn'n i anz kun yili i wun kleli Zozɛf laliɛ nun, ɔ seli i kɛ: «Jaso fa bakan'n nin i nin an `wanndi wɔ Ezipt, an `tran lɔ lele san n ´se wɔ kɛ a bla, afin Erɔd wa kunndɛ kɛ ɔ ´kun bakan'n.»

Matthieu 2:19

Kɛ Erɔd wuli'n, e Min Nyanmiɛn'n i anz kun yili i wun kleli Zozɛf Ezipt lɔ laliɛ nun, ɔ seli i kɛ:

Matthieu 2:22

Sanngɛ kɛ ɔ tili kɛ Arkelais ɔ'a sin i si Erɔd osu Zide mɛn nun'n, srɛ kunnin i lɔ kɔlɛ nun. Ndɛ nga Nyanmiɛn kan kleli i laliɛ nun'n ti, ɔ ciɛli i wun ɔli Galile akpasua liɛ'n su.

Matthieu 27:19

Kɛ ɔ trannin ase jɔlɛ diwlɛ lɔ'n, i yi sunmannin sran kɛ be ko se i kɛ: «Nán fa ɔ wun wla bian nanwlɛfuɛ sɔ'n i ndɛ'n nun, afin ndɛ n fɛli laliɛ nun dan kpa i ti.»

Matthieu 28:5

Sanngɛ anz'n seli bla'm be kɛ: «Amun liɛ'n, nán srɛ kun amun, afin n si kɛ an su kunndɛ Jésus bɔ be boboli i waka'n su'n.

JÉSUS-CHRIST I DYASIN FE'N BO LUC KLELI'N 1:19

Anz'n seli i kɛ: « Min yɛ be flɛ min Gabriɛl nin-ɔn, n ti Nyanmiɛn i sran. Ɔ sunmannin min kɛ n wa wun ɔ wun nan n kan ndɛ fɛ nga n kle wɔ.

JÉSUS-CHRIST I DYASIN FE'N BO LUC KLELI'N 2:4

Zozɛf kusu fin Nazarɛt klɔ'n su, Galile mɛn nun, yɛ ɔ ɔli Zide mɛn'n nun David i klɔ bɔ be flɛ i Bɛtleɛm'n su, yɛlɛ kɛ ɔ ti David awlofuɛ, yɛ ɔ ti i osufuɛ.

Sa nga bé yôli'n 5:19

Sanngɛ kɔnguɛ e Min Nyanmiɛn'n i anz kun bali bisua lɛ ɔ wa tike be anuan'n, ɔ yili be nan ɔ'a se be kɛ:

Sa nglô yile 19:7

E klun bɔ ɔ'a jɔ'n ti, man e si able, man e kpan, man e yi i ayɛ, afin Bua Gbanflɛn'n i atɔnvlɛ falɛ'n ɔ'a ju, yɛ i atɔnvlɛ'n ɔ'a fɛfɛ i wun .

Jɔlɛ Difuɛ Mun 13:3

Anannganman i anz ɔ fiteli bla sɔ'n i nyrun, nan ɔ'a se i kɛ: «Wɔ yɛ ɔ klun ti kpan yɛ, a lɛ-man ba, sanngɛ a wa wunnzɛ yɛ a wa wu ba yasua kun.