Marc 9:7 - NYANMIƐN NDƐ'N 1998

⁷ Nyanmiɛn ufue kun wa katali be su, yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, an `tie ndɛ ng'ɔ kan'n .»

Nyanmien nde Ufle

⁷ Nyanmien ufué kun wa kataa bé su, ye bé tii swran kun nen nyanmien ufué so'n nun, o sé ke: Min awlen su ba ye, anh tié nde ng'o kan'n.

Marc 9:7 Iomraidhean Croise

Jue Mun 2:7

Nyanmiɛn i sran ng'ɔ sieli i famiɛn'n waan: «Amun `jran man m bo Anannganman i ndɛ b'ɔ fin i nuan fiteli'n i jɔ ke! Ɔ seli min kɛ yo: ‹A ti n wa! Ndɛkɛn yɛ n wuli wɔ-ɔ .

Jue Mun 97:2

Nyanmiɛn ble kun bo sin yiɛ i. Sa nuan su yolɛ'n nin ndɛ nanwlɛ dilɛ'n bé su yɛ i sielɛ'n taka-a.

Ezipt Lɔ Tulɛ'n 24:16

Anannganman i nyrun nyannyan'n wo Sinai oka'n su. Yɛ sin wɛnsrɛn'n katali oka'n su lele cɛn ba nsiɛn. Cɛn ba nso su'n, kɛ Anannganman o sin wɛnsrɛn'n i afiɛn lɔ'n, ɔ flɛli Moiz.

Ezipt Lɔ Tulɛ'n 40:34

I blɛ sɔ nun'n, sin wɛnsrɛn'n wa katali tannin sua nga Nyanmiɛn yi i wun nglo nun'n su. Anannganman i nyrun nyannyan'n deli tannin sua wunmuan'n .

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Matthieu 27:43

Ɔ fɛ i wla guali Nyanmiɛn su, sɛ Nyanmiɛn sɔ'n klo i'n, man ɔ de i siɛn'n, afin i waan ɔ ti Nyanmiɛn Wa.»

Matthieu 27:54

Sonja ya su kpɛn'n nin be nga be o lɛ be nian Jésus su'n, kɛ be wunnin asiɛ'n b'ɔ kejeli'n nin sa ng'ɔ yoli'n, srɛ kunnin be dan kpa nan b'a se kɛ: «Nanwlɛ, bian sɔ'n ti Nyanmiɛn Wa sakpa.»

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

Marc 1:11

Ɔ tili sran kun nɛn Nyanmiɛn su lɔ, sran sɔ'n seli kɛ: «A ti min anwlɛn su Ba, ɔ su yɛ m'an fa ń wla'n kwlaa a gua-a .»

Marc 9:6

Srɛ b'ɔ kun be'n ti ɔ wun-man ndɛ ng'ɔ `kan-an.

Marc 9:8

Kpɛkuun i sɔnnzɔnfuɛ'm be nian-niannin bé wun lɛ, b'a wun-man sran fi kun, san Jésus kunngba cɛ yɛ ɔ nin be o lɛ-ɔ.

JÉSUS-CHRIST I DYASIN FE'N BO LUC KLELI'N 3:22

yɛ Nyanmiɛn Wawɛ'n jrɛli i su kɛ auble sa. Yɛ be tili sran kun nɛn nyanmiɛn su lɔ, sran sɔ'n ɔ seli kɛ: «A ti min anwlɛn su Ba, ɔ́ su yɛ m'an fa ń wla'n kwlaa a gua-a .»

Jean 1:34

N liɛ'n n wunnin i yɛ man n se kɛ i yɛ ɔ ti Nyanmiɛn Wa nin-ɔn.»

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 12:28

N Si, yo man ɔ dunman'n fu. Kɛ ɔ yoli sɔ'n, be tili sran kun nɛn nyanmiɛn su lɔ, sran sɔ'n seli kɛ: «M'an dun mmua yo man n dunman'n ɔ'a fu, yɛ n yo man ɔ wa fu ekun.»

Jean 19:7

Zuif'm be seli i kɛ: «Ɔ yo i wun kɛ ɔ ti Nyanmiɛn Wa. E lɛ mmla kun bɔ be klɛli i kɛ sran ng'ɔ yo sɔ-ɔ be `kun i.»

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 5:18

Ndɛ sɔ'n ti Zuif'm be suɛli i nganzua kpa trali laa'n, be waan be ´kun i, nán wunmiɛn-delɛ-cɛn b'ɔ sacili i'n ngunmin ti-ɔ, sanngɛ selɛ b'ɔ seli kɛ Nyanmiɛn ti i Si b'ɔ fɛ i wun sunnzun i'n ti-ɔ.

Jean 5:37

Yɛ n Si b'ɔ sunmannin min'n, i bɔbɔ yi min ayɛ. An nian tie-mɛn i nɛn le, yɛ an nian wun-mɛn i nyrun le.

Jean 6:69

E lafi su yɛ e si kɛ a ti Nyanmiɛn i Sran.»

Jean 9:35

Jésus tili i kɛ b'a kɛn i bo. Ɔ ko wunnin i nan ɔ'a usɛ i kɛ: «?A lafi i b'ɔ kacili Sran'n i su?»

Sa nga bé yôli'n 1:9

Kɛ i nuan tɔli bɔ be niɛn i'n, Nyanmiɛn mɛnnin i su, yɛ Nyanmiɛn ble kun kɛtɛli i su be nyrun.

Sa nga bé yôli'n 7:37

Moiz sɔ'n yɛ ɔ kan ndɛ kleli Izraɛlfuɛ mun nin-ɔn. I waan: ‹Nyanmiɛn wa fa amun niaan'm be nun kun sie i i nuan ijɔfuɛ kɛ ɔ fa min sieli'n sa ´man amun.›

Sa nga bé yôli'n 8:36

Kɛ be ´kɔ be nyrun'n, be toli nzue, yɛ bian'n waan: «?Nian, nzue yɛ o yɛ, nguɛ yɛ man n kwla yo-man batɛm-ɔn?» [

Rɔmfuɛ Mun 1:4

yɛ i cɛnlɛ bɔ Nyanmiɛn Wawɛ'n cɛnnin i'n ɔ ti sa kekle b'ɔ yoli, ɔ man be si kɛ ɔ ti i Wa sakpa. Ɔ ti e Min Jésus-Krist.

Hébreu 2:1

I sɔ'n ti'n, man e fa ndɛ nga e tili be'n sie e klun kpa tra laa'n, sɛ y'a yo-man sɔ-ɔ ɔ cɛ-man nan y'a to a fuan atin'n.

2 Piɛr 1:17

I le kunngba nga e Si Nyanmiɛn ´mɛnmɛn i b'ɔ ´yi i ayɛ'n, e bɔbɔ e wo i bo. Ɔ tili i nɛn b'ɔ fin lika'n b'ɔ kpaja nyannyan'n nun'n, ɔ seli kɛ: «Min anwlɛn su ba'n yɛ, i su yɛ n wla'n kwlaa wo-ɔ.»

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 1:7

An `nian, ɔ o nyanmiɛn ble'n nun su ba! Sran'm be kwlaa be ´wun i, yɛ be nga be wɔli i cua'n, be ´wun i wie. I ti, asiɛ'n su nvle-nvle'm be kwlaa be ´bo awuyomo . Ɔ ´yo sɔ sakpa! Man ɔ yo sɔ!