Marc 8:2 - NYANMIƐN NDƐ'N 1998

² «Nzrafuɛ nga'm be yo min annvɔ, afin be o min wun wa i le nsan yɛ, yɛ siɛn'n be lɛ-man like diwa kun.

Nyanmien nde Ufle

² Nzrafue nga'm bé yô min annvo, afin bé ô min wun wa i lé nsan ye, ye sien'n bé le'a liké diwa kun.

Marc 8:2 Iomraidhean Croise

1 Famiɛn Mun 19:6

Ɔ ´nian-an, kpaun kun yɛ, nzue klowa kun jin i wun lɛ. Kpaun paplapa nga be nyintɔn i yɛbuɛ nglɛnglɛ su'n i wie-ɔ. Ɔ dili kpaun'n, ɔ nɔnnin nzue'n, yɛ ɔ lali ekun-ɔn.

Jue Mun 103:13

Kɛ siɛ kun fa si i mma'm be aunnvuɛ ju'n yɛ Anannganman kusu fa si be bɔ bé nyin yi'n be aunnvuɛ-ɔ.

Jue Mun 145:15

Be kwlaa bé nyin wo ɔ́ su. Be lafi su kɛ sɛ be like dilɛ blɛ'n ju'n, a ´man be aliɛ be ´di.

Jue Mun 145:8

Anannganman yaci sa cɛ, ɔ si aunnvuɛ, ɔ fa-man ya ndɛndɛ, i kpa liɛ'n, be flɛ-man.

Mise 7:19

A ´si ye aunnvuɛ ekun, a su bu-man é sa tɛ'm be akunndan, a ´to é sa tɛ mun a ´guɛ i jenvie'n nun .

Matthieu 14:14

Kɛ ɔ fin alie'n nun fiteli'n, ɔ wunnin sran kpanngban, be yoli i annvɔ, nan ɔ'a yo tukpacɛfuɛ'm bɔ be o nun'n be juejue.

Matthieu 20:34

Be yoli Jésus annvɔ, ɔ kannin be nyinma'n, be ja osu kunngba'n nun lɛ be wunnin ase nan b'a su i su.

Matthieu 9:36

Kɛ Jésus wunnin sran mun'n, be yoli i annvɔ, afin be ti afɛfuɛ yɛlɛ kɛ b'a bo je kɛ bua bɔ be lɛ-man sunianfuɛ'n sa .

Marc 1:41

Ɔ yoli Jésus annvɔ, ɔ tinngɛli i sa'n kɛnnin i, ɔ seli i kɛ: «M'an ti, man ɔ kokowe'n wie weiin.»

Marc 5:19

Sanngɛ Jésus a kplin-man su, ɔ seli i kɛ: «Kɔ wɔ awlo ɔ osufuɛ'm be wun lɔ, kan sa nga ɔ Min'n sili wɔ aunnvuɛ b'ɔ yo mannin wɔ'n i kwlaa kle be.»

Marc 6:32

I sɔ'n ti'n, be fuli alie kun nun kɛ be ´kɔ be ngunmin blo lɔ.

Marc 6:34

Kɛ Jésus fin alie'n nun jrali'n, ɔ wunnin sran sɔ mun b'a bo nzra dan kpa, nan b'a yo i annvɔ, afin be ti kɛ bua'm bɔ be lɛ-man tafuɛ'n sa, yɛ ɔ boli be like klelɛ'n bo-ɔ, ɔ kleli be like kpanngban.

Marc 8:3

Sɛ m man be atin kɛ be fa be klun awe'n wɔ be klɔ'n, be ´glɔ atin nun, afin be nun wie'm be fin mmua.»

Marc 9:22

Cɛn wie ɔ fɛ i yi sin nun, yɛ cɛn wie ɔ fɛ i yi nzue nun kɛ ɔ ´kun i. Sanngɛ ɔ liɛ'n, sɛ a kwla yo like wie'n, wun e aunnvuɛ yo man ye.

JÉSUS-CHRIST I DYASIN FE'N BO LUC KLELI'N 15:20

Ɔ jao ɔli i si sin. Kɛ ɔ ´kɔ b'ɔ wa ju lɔ bɔ i si wunnin i mmua lɔ'n, ɔ yoli i annvɔ nan ɔ'a wanndi a ko tɔ i nun.

JÉSUS-CHRIST I DYASIN FE'N BO LUC KLELI'N 7:13

Kɛ e Min'n wunnin bla sɔ'n, ɔ yoli i annvɔ, yɛ ɔ seli i kɛ: «Mmo, yako, muan ɔ nuan!»

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

Hébreu 5:2

Kɛ i bɔbɔ ti sran b'ɔ kwla-man like fi yo'n ti'n, ɔ kwla wun be nga be wun-man sa wlɛ'n, nin be nga be fɔn'n, be aunnvuɛ.