Marc 7:9 - NYANMIƐN NDƐ'N 1998

⁹ Ɔ seli ekun kɛ: «An yi Nyanmiɛn mmla'n i blo mlɔnmlɔn, an fa amun lalafuɛ nzuɛn'm be su.

Nyanmien nde Ufle

⁹ O sé ékun ke: An yi Nyanmien mmla'n i blô mlonmlon, an fa amun lalafue nzuen'm bé su.

Marc 7:9 Iomraidhean Croise

Jue Mun 119:126

Anannganman, ɔ mmla'n yɛ be ´fɔn i lɛ, nga a ´ko yo'n, yo.

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Daniɛl 11:36

Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .

Daniɛl 7:25

Ɔ wa di Nyanmiɛn bɔ like fi nun-mɛn i sin'n i jɔlɛ tɛ. Ɔ ´kle Nyanmiɛn i nvle'n nunfuɛ'm be nyrɛnnɛn. Ɔ ´bu akunndan kɛ ɔ ´kaci blɛ'n i siesielɛ nga be siesieli'n, yɛ ɔ ´kaci mmla'n. Nyanmiɛn i nvle nunfuɛ'm be ´trɛn i sielɛ'n i bo lele afuɛ nsan nin sin .

Marc 7:13

Kɛ an yo sɔ'n, an bu-man Nyanmiɛn ndɛ'n i like fi amun bɔbɔ amun lalafuɛ nzuɛn'n i klelɛ bɔ an fa kle wie mun'n ti. Yɛ an yo be wunsu sa sunman kpa ekun.»

Marc 7:3

Yɛlɛ kɛ Zuif mun bɔ be ti Farizifuɛ'n be nin Zuif kun mun kwlaa sɛ b'a wunnzin-man bé sa nun kpa'n, be di-man like, afin be fa lalafuɛ kpɛnngbɛn'm be nzuɛn'n su.

Marc 7:5

Yɛ Farizifuɛ mun nin mmla klefuɛ'm be usali Jésus kɛ: «?Nzu ti yɛ ɔ sɔnnzɔnfuɛ'm be fa-man lalafuɛ kpɛnngbɛn'm be nzuɛn'n su bɔ be fa bé sa fiɛn di like-ɔ?»

Rɔmfuɛ Mun 3:31

?Nyanmiɛn su bɔ be lafi sɔ'n ti, ɔ man e bu-man mmla'n i like fi kun? E bu-mɛn i sɔ mlɔnmlɔn! Siɛn'n e bu i like dan tra laa'n.

2 Korɛntfuɛ Mun 11:4

Afin sran wie'm be ba amún wun lɔ be kan Jésus uflɛ b'ɔ nin nga e kɛn i ndɛ'n ti-man kun'n i ndɛ, ɔ man an su fa akunndan uflɛ nin jasin fɛ uflɛ b'ɔ nin nga an fali i laa'n ti-man kun'n su. N wun i kɛ an sie amún su be ndɛ'n su kpa.

Galasifuɛ Mun 1:14

N wiengu Zuif'm be nun'n n ti Nyanmiɛn sufuɛ dan kpa tra be nun kpanngban kpa, yɛ e nannan'm be nzuɛn'n lo min kpa.

Galasifuɛ Mun 2:21

N kpi-man nɛnnɛn nga Nyanmiɛn dili min'n i ase, afin sɛ mmla'n bɔ be fa su'n ti yɛ Nyanmiɛn bu be sran kpa'n, wuun wulɛ nga Krist wuli'n ɔ wuli ngbɛn.»

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .