Marc 7:3 - NYANMIƐN NDƐ'N 1998

³ Yɛlɛ kɛ Zuif mun bɔ be ti Farizifuɛ'n be nin Zuif kun mun kwlaa sɛ b'a wunnzin-man bé sa nun kpa'n, be di-man like, afin be fa lalafuɛ kpɛnngbɛn'm be nzuɛn'n su.

Nyanmien nde Ufle

³ Yele ke Juif mun bo bé ti Pharisifue'n bé nin Juif nga mun kwlaa, se ba wunnzi'an bé sa nun kpa'n, bé di'a liké, afin bé fa lalafue kpenngben'm bé nzuen'n su.

Marc 7:3 Iomraidhean Croise

Marc 7:13

Kɛ an yo sɔ'n, an bu-man Nyanmiɛn ndɛ'n i like fi amun bɔbɔ amun lalafuɛ nzuɛn'n i klelɛ bɔ an fa kle wie mun'n ti. Yɛ an yo be wunsu sa sunman kpa ekun.»

Marc 7:5

Yɛ Farizifuɛ mun nin mmla klefuɛ'm be usali Jésus kɛ: «?Nzu ti yɛ ɔ sɔnnzɔnfuɛ'm be fa-man lalafuɛ kpɛnngbɛn'm be nzuɛn'n su bɔ be fa bé sa fiɛn di like-ɔ?»

JÉSUS-CHRIST I DYASIN FE'N BO LUC KLELI'N 11:38

Kɛ Farizifuɛ'n wunnin kɛ ɔ'a wunnzin-mɛn i sa nan ɔ'a di like'n, ɔ boli i nuan kpa.

Jean 2:6

Yɛbuɛ sɛ nsiɛn o lɛ bɔ kun kwla ju litri ablaɔcuɛ annzɛ litri ya litri ablaɔn, be gua nun nzue yɛ Zuif'm be fa kplo be wun fiɛn-ɔn, afin ɔ ti be nzuɛn.

Galasifuɛ Mun 1:14

N wiengu Zuif'm be nun'n n ti Nyanmiɛn sufuɛ dan kpa tra be nun kpanngban kpa, yɛ e nannan'm be nzuɛn'n lo min kpa.

Kolɔsfuɛ Mun 2:8

An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.