Marc 7:22 - NYANMIƐN NDƐ'N 1998

²² bla bé yi bo kunndɛlɛ annzɛ bian bé wun bo kunndɛlɛ, bé nyin b'ɔ yi-man like'n, klunwi, gblɛ, sa sukusuku yolɛ, anyinbloɛ, sran wun ndɛ kanlɛ, wun tulɛ nin sinnzin yolɛ.

Nyanmien nde Ufle

²² bla nin bian bé yi annze bé wun i bô kunndele, bé nyin b'o yi'a liké'n, klunwi, gble, sa sukusuku yôle, ainblôe, swran wun nde kanle, wun tule nin sinnzin yôle.

Marc 7:22 Iomraidhean Croise

2 Be Nyoliɛ 32:31

I sɔ'n ti, kɛ Babilɔni famiɛn awlo lɔ sran dandan'm be sunmannin bé nuan ijɔfuɛ'm be kɛ be wa usɛ i abonuan sa ng'ɔ juli i mɛn'n nun'n i wun ndɛ'n, Nyanmiɛn yacili i ngunmin kɛ ɔ kan. Afin i waan ɔ ´sɛ i nian, nan ɔ ´si i klun lɔ sa'n ngba .

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 119:36

Yo man sa nga a fa sie min nyrun kɛ n yo be'n yɛ n `fa cici mín ti-ɔ, nán n fa ninnge nyanlɛ'n n cici mín ti .

Nyanndra Mun 12:23

Akunndanfuɛ'n ɔ ti ndɛ-ɔ, ɔ tɛ-mɛn i kan. Sran ng'ɔ si-man sa'n, i liɛ ndɛ'n i tilɛ yɛ, i jɔ bolɛ yɛ.

Nyanndra Mun 22:15

Sinnzin'n wo bakan'n i nun. Nyantiaan'n yɛ ɔ tu i-ɔ.

Nyanndra Mun 23:6

Sɛ anwɛnfuɛ flɛ wɔ aliɛ su'n, nán di. Nán ɔ konvi trɛn i aliɛ kpakpa'm bé su.

Nyanndra Mun 24:9

Sinnglinfuɛ'n i klun akunndan'n ti tɛtɛ ngunmin. Sran ng'ɔ srisri i wiengu'n, ɔ mɛn i bɔbɔ wun kpɔɛ.

Nyanndra Mun 27:22

Man be tu sinnglinfuɛ'n wun kɛ be su tu nviɛlɛ wun sa, nán kɛ i sinnzin'n ´tu i wun le ti-ɔ.

Nyanndra Mun 28:22

Kɛ konvifuɛ'n ɔ `kpli nyɛn i wun'n, ɔ si-man kɛ sa yalɛ'n ɔ wa tɔ i su.

Akunndanfuɛ'n 7:25

Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Ezai 59:13

E nyin yi-man Anannganman, e kpɛ i gblɛ, e kan ndɛ kekleekle bɔ be ti tɛtɛ'n, e jaso i wun, gblɛ kpɛlɛ'n yɛ ɔ wo e nun-ɔn, ɔ man e bua ato.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Matthieu 20:15

?N lɛ-man atin kɛ n ´fa like ng'ɔ ti n liɛ'n n ´yo like nga n klo'n? ?Nguɛ ti yɛ n klun-ufue bɔ n yo'n, ɔ yo wɔ ya-a?› » Yɛ Jésus seli kɛ:

Matthieu 6:23

sanngɛ sɛ ɔ nyinma'n ti-man kpa'n, a wun-man ase mlɔnmlɔn. Yɛ sɛ ɔ kannin sɔ'n ɔ kpaja-man'n, i aosin'n ti tɛ!»

Marc 7:21

Afin sran klun lɔ'n, i anwlɛn nun yɛ akunndan tɛ'n wo-ɔ: bla b'ɔ ti-man bé yi annzɛ bian b'ɔ ti-man bé wun i kunndɛlɛ, , awie, sran kunlɛ,

Marc 7:23

Like kainkain sɔ'm be kwlaa be o sran i klun lɔ, be yɛ be saci i-ɔ.»

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

Mmla'n 15:9

Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

Mmla'n 28:54

Amun nun yasua kpa ng'ɔ ti wɛtɛɛfuɛ bɔbɔ'n, b'ɔ klo sran'n, i bɔbɔ i niaan'n, nin i bo bla'n, ɔ nin i mma nga be ´kɛ i sa nun'n, bé wun ɔ ´yo i tɛ.

Mmla'n 28:56

Bla kpa ng'ɔ ti wɛtɛɛfuɛ'n, b'ɔ klo sran'n, bɔ i ja sa kan-man asiɛ'n, i bɔbɔ i wun b'ɔ jɛ i'n, nin i wa yasua, ɔ nin i wa bla'n, bé wun ɔ ´yo i tɛ.

1 Piɛr 2:15

Sa nga Nyanmiɛn klo'n yɛlɛ kɛ an yo sa ng'ɔ ti kpa'n. I sɔ'n nun sinnglinfuɛ bɔ be wun-man sa wlɛ'n, be su kwla kan-man ndɛ fi.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»