Marc 6:11 - NYANMIƐN NDƐ'N 1998

¹¹ Sɛ an ju lika wie nan b'a sike-man amun'n, bɔ be tie-man amun ndɛ'n, kɛ amun ´tu an bo klɔ sɔ'n su'n, an `kpukpu amún ja wun ndutre'n guɛ i lɛ, ɔ ´yo amun lalofuɛ .»

Nyanmien nde Ufle

¹¹ Se an dyu lika wié nan ba siké'a amun, bo bé tié'a amun nde'n, ke amunh tuh an bô klo so'n su'n, anh kpukpu amun dya wun ndutré'n gue klo so'n su, mon o yô amun lalôfue.

Marc 6:11 Iomraidhean Croise

Neemi 5:13

Yɛ n kpukpuli min tralɛ dan'n nun-ɔn, nan m'an se kɛ: «Sran nga ɔ'a niɛn-mɛn i ndɛ'n su ɔ'a yo-man'n, man Nyanmiɛn kpukpu i nun kɛ nga sa. Man i bɔbɔ i awlo'n nin i bo ninnge'm be fi i sa. Man Nyanmiɛn kpukpu i nun ɔ jrɛ i sa kli!» Be kwlaa be tɛli su kɛ: «Man ɔ yo sɔ!» Nan b'a manman Anannganman. I sin be niannin be ndɛ sɔ'n su be yoli.

Matthieu 12:36

N ´kan kle amun kɛ, jɔlɛ dilɛ cɛn nun'n, ndɛ ngbɛn kwlaa bɔ sran'm be kannin'n, be bɔbɔ yɛ be ´kan bé su ndɛ-ɔ.

Marc 6:10

Ɔ seli kɛ: «Klɔ kwlaa nga an ju su'n, yɛ awlo nga an ko sike nun'n, an `tran lɛ lele san amu'an tu amun bo klɔ sɔ'n su.

JÉSUS-CHRIST I DYASIN FE'N BO LUC KLELI'N 9:5

Yɛ klɔ kwlaa nga be sɔ-man be nun su'n, kɛ be ´tu be bo lɛ'n, be `kpukpu bé ja wun ndutre'n guɛ i klɔ sɔ'n su, man ɔ yo be lalofuɛ.

Sa nga bé yôli'n 18:6

Kɛ Zuif'm be kpalo i ndɛ'n bɔ be ´kpɛ i nzowa'n, ɔ kpukpuli i tralɛ'n nun, ɔ seli be kɛ: «Sɛ an mlin'n, amun bɔbɔ amun ndɛ-ɔ. Min ndɛ nun-man nun! Kɛ ɔ fin ndɛ'n, n ´kɔ be bɔ be ti-man Zuif'n be sin.»

Rɔmfuɛ Mun 2:16

Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

2 Piɛr 2:6

Ɔ seli kɛ ɔ ´nunnun Sodɔm klɔ'n nin Gomɔr klɔ'n mlɔnmlɔn, yɛ ɔ fa sin guali bé su nunnunnin be. Ɔ yo i sɔ fa kleli be nga be sro-mɛn i'n kɛ kɛ be liɛ'n ɔ wa yo sɔ-ɔ .

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

2 Piɛr 3:7

Nyanmiɛn kunngba'n yɛ ɔ seli ekun kɛ man be sie nyanmiɛn su lɔ'n nin asiɛ nga be o lɛ ndɛ'n, be lɛ man sin di be. Be ´sie be lɛ lele ´fa ju cɛn nga be ´bu sran nga be sro-man Nyanmiɛn'n be fɔ bɔ be ´saci be'n.

1 Jean 4:17

Kɛ e klolɛ nga e fa klo Nyanmiɛn'n i nyin fiteli weiin'n, ɔ man e si kɛ jɔlɛ dilɛ cɛn'n nun é wla'n ´gua ase. Afin kɛ ɔ fa ti'n, kɛ e kusu e ti sɔ mɛn'n nun-ɔn.

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .