Marc 4:7 - NYANMIƐN NDƐ'N 1998

⁷ Wie kusu tɔli nduin mma'n nun, nduin mma'n buali, ɔ trɛli i, ɔ man awie'n ɔ'a wlɔ-man.

Nyanmien nde Ufle

⁷ Wié kusu too nduin mma'n nun, nduin mma'n buali, o trelii, o man wa wloman.

Marc 4:7 Iomraidhean Croise

Zeremi 4:3

Ndɛ nga Anannganman'n kan kleli Zidafuɛ mun nin Zerizalɛmfuɛ mun yɛ. I wan yoo: ‹An `tutu kacɛ uflɛ. Nán an lua ninnge mun owie owie'm be nun .

Matthieu 13:22

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

Matthieu 13:7

Wie kusu tɔli nduin mma'n nun, kɛ nduin'n buali'n, ɔ trɛli i.

Matthieu 13:8

Wie'm be kusu be tɔli asiɛ kpa su, be wlɔli, tre kun wlɔli ya, kun wlɔli ablesiɛn, yɛ kun kusu wlɔli ablasan.

Marc 4:6

Sanngɛ kɛ wia'n ´bo'n, ɔ wɔnsɔnnin, ɔ wuli ndin bɔ ɔ'a nyɛn-mɛn i wlawlɛ kpa'n ti.

Marc 4:8

Wie kusu tɔli asiɛ kpa su, kɛ ɔ fifili'n, ɔ wlali nnya, ɔ wlɔli, tre kun wlɔli ablasan, kun ekun wlɔli ablesiɛn, yɛ kun kusu wlɔli ya.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 21:34

An `sasa amún wun, nán an yo aliɛ safuɛ mun nin nzanboɛfuɛ mun, nán an koko ninnge'm be ti, sɛ an yo sɔ'n, ɔ cɛ-man nan cɛn sɔ'n ɔ'a fu amun nun.

JÉSUS-CHRIST I DYASIN FE'N BO LUC KLELI'N 8:14

Nga kusu b'ɔ tɔli nduin mma nun'n, yɛlɛ be nga be ti Nyanmiɛn ndɛ'n, sanngɛ kɛ be kɔ'n, mɛn'n nun ninnge'n i ngokoɛ'n nin anyanbeun'n nin like nga be klo be'n be mian be. Be yɛ be ti awie bɔ nduin trɛli i bɔ ɔ'a yo-man kpa nin-ɔn.

JÉSUS-CHRIST I DYASIN FE'N BO LUC KLELI'N 8:7

Wie ekun tɔli nduin mma'n nun, ɔ nin nduin'n be fifili, nduin'n trɛli i.