Marc 4:31 - NYANMIƐN NDƐ'N 1998

³¹ Ɔ fa tro bɔ be flɛ i mutard'n , kɛ be ´lua'n, ɔ ti kaan tra ninnge mma nga be lua be'n, be kwlaa

Nyanmien nde Ufle

³¹ O fa trô bo bé flee moutarde'n (*f9*), ke béh luah'n, o ti kaan tra ninngé mma kwlaa nga bé lua bé'n,

Marc 4:31 Iomraidhean Croise

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Ezai 53:2

Anannganman i sufuɛ'n, ɔ jasoli su i nyrun lɛ kɛ waka nɔnman kan wie sa, ɔ jasoli su kɛ waka b'ɔ fɛfɛ i olui'n su asiɛ kee nun'n sa. Ɔ ti-man klanman, yɛ ɔ lɛ-man nyrun bɔ i ti e ´se kɛ e ´niɛn i-ɔ. I wafa b'ɔ ti'n, i ti ɔ yo-man kɛ e konvi sɔ i.

Ezai 60:22

Be nun kaan'n i osu nunfuɛ'm be ´trɛ lele be ´ju sran akpi, be nun kaan kpa'n, i osu'n ɔ kaci nvle dan kpa kun. Sɛ sa sɔ'm be blɛ'n ju'n, m bɔbɔ min Anannganman'n, n ´kan mín wun n ´yo be.

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Malasi 1:11

Afin kɛ ɔ fɛ wia afiliɛ lɔ lele b'ɔ fa ju wia atɔliɛ'n lɔ'n, sran'm be kwlaa be si kɛ min dunman'n ti dan. Lika'n kwlakwla be yra ansans be man min. Like ng'ɔ nin min fata'n yɛ be fa man min-ɔn. Min dunman'n ti dan mɛn'n kwlaa'n nun. M bɔbɔ min Anannganman bɔ n sie mɛn wunmuan'n yɛ n kan n kle amun-ɔn.

Marc 4:30

Ɔ seli be ekun kɛ: «?Nguɛ yɛ e ´fa Nyanmiɛn sielɛ'n sunnzun i-ɔ annzɛ nyanndra onin yɛ e ´fa kle i bo-ɔ?

Marc 4:32

sanngɛ kɛ be ko lua'n, ɔ nyin, ɔ yo dan tra tro'n kwlaa, ɔ trɛ, ɔ man anunman'm be kwla yo bé sua i sama'm be fɔnvɔ'n nun.»

JÉSUS-CHRIST I DYASIN FE'N BO LUC KLELI'N 17:6

Yɛ e Min'n seli be kɛ: «Sɛ an lafi Nyanmiɛn su bɔ kaan b'ɔ ju kɛ mutard mma sa'n, sɛ an se waka ng'ɔ o yɛ'n kɛ ɔ `tu i bo ko jran jenvie nun'n, ɔ ´kɔ.»

Sa nga bé yôli'n 19:20

E Min i fanngan nun, i ndɛ'n truli, ɔ man sran'm be kacili kɛ nga sa.

Sa nga bé yôli'n 2:41

Be bɔ be fɛli i ndɛ'n su'n, be yoli be batɛm. Cɛn sɔ'n nun'n sran bɔ be ju bɔ akpi nsan (3.000) kun be ukali be su.

Sa nga bé yôli'n 21:20

Kɛ be tili ndɛ'n sɔ'n, be yili Nyanmiɛn ayɛ nan b'a se Pɔl kɛ: «E niaan bian, a wun Zuif akpi-akpi bɔ b'a lafi Jésus su'n, be kwlaa sɔ'n be lɛ mmla'n i wun anwlɛn.

Sa nga bé yôli'n 4:4

Ɔ nin i sɔ ngba'n, be nga be tili ndɛ sɔ'n, be sunman be fali su, be yasua'm be ju bɔ akpi nnun (5.000) kun.

Sa nga bé yôli'n 5:14

Yasua nin bla kpanngban kpa bɔ be lafi e Min'n su'n be uka be su titi.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»