Marc 4:24 - NYANMIƐN NDƐ'N 1998

²⁴ Ɔ seli be ekun kɛ: «Ndɛ nga an ti'n, an `nian su kpa. Suliɛ nga an su nun man sran wie mun'n, i kunngba'n nun yɛ Nyanmiɛn ´su man amun-ɔn, ɔ ´uka amun liɛ'n su.»

Nyanmien nde Ufle

²⁴ O sé bé ékun ke: Nde nga an ti'n anh nian su kpa. Sulie nga an su nun man swran wié mun'n, i kunngba'n nun ye Nyanmien suh nun man amuon, oh ukah amun lie'n su.

Marc 4:24 Iomraidhean Croise

Nyanndra Mun 19:27

Mín wa, afɔtuɛ nga be man wɔ'n, sɛ a su fa-man su'n nan a ´kaci ɔ́ sin si ngwlɛlɛ'n, wuun nán bo wɛ sie ɔ́ su tie.

Ezai 55:3

Amun `sie amún su, yɛ amun `bla ń sin. Amun `tie ndɛ nga n kan'n, yɛ amun ´nyan nguan. E nin amun e wa tra aenguɛ, ɔ su saci-man le . Anannganman seli kɛ: «Ye nga n kan kleli David kɛ n ´yo i'n, n ´fa yo amun.

Zeremi 17:21

Anannganman'n wan yoo: ‹An `nian amun wun kpa. Wunmiɛn-delɛ-cɛn'n nun nán an sua trɔ. Nán an fa trɔ wlu Zerizalɛm klɔ'n nun.

Matthieu 7:2

afin fɔ kunngba nga an fa bu sran'n, yɛ Nyanmiɛn wa fa bu amun-ɔn, yɛ like nga an fa sunnzun sran'n, i kunngba sɔ'n yɛ Nyanmiɛn wa fa sunnzun amun-ɔn.

Marc 9:7

Nyanmiɛn ufue kun wa katali be su, yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, an `tie ndɛ ng'ɔ kan'n .»

JÉSUS-CHRIST I DYASIN FE'N BO LUC KLELI'N 8:18

Ɔ man an `sie amún su ndɛ nga be kan'n be su kpa, afin sran ng'ɔ lɛ like'n yɛ be mɛn i wie-ɔ, sanngɛ ng'ɔ lɛ-man like'n, kaan ng'ɔ wo i sa nun b'ɔ lafi su'n, be ´de.»

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jean 10:27

M bua'm be ti min nɛn, n si be, yɛ be su n su.

Jean 5:25

Nanwlɛ, cɛn wie lele'n, cɛn sɔ'n ɔ'a ju bɔbɔ, be nga be wuli'n be ´ti Nyanmiɛn i Wa'n i nɛn. Be nga be ko ti'n, be ´nyan nguan.

Sa nga bé yôli'n 17:11

Zuif sɔ'm be nzuɛn'n ti kpa tra Tɛsalonik liɛ mun, be fali Nyanmiɛn ndɛ'n su ndɛndɛ, cɛn kwlaa be fa Nyanmiɛn ndɛ nga be klɛli'n nin ndɛ nga Pɔl kan kle be'n, be sunnzun nian sɛ ɔ ti kun o.

2 Korɛntfuɛ Mun 9:6

An si kɛ sran ng'ɔ di fie kaan'n, i su like ng'ɔ nyɛn i'n ti kaan, yɛ sran ng'ɔ di fie dan'n, ɔ nyan like kpanngban.

Hébreu 2:1

I sɔ'n ti'n, man e fa ndɛ nga e tili be'n sie e klun kpa tra laa'n, sɛ y'a yo-man sɔ-ɔ ɔ cɛ-man nan y'a to a fuan atin'n.

1 Piɛr 2:2

Kɛ ba nɔnman kunndɛ nyɔnflɛn'n, amun kusu an `kunndɛ Nyanmiɛn ndɛ b'ɔ ti kɛ nɔnnɔn bɔ b'a gua-man nun like'n sa. Sɛ amun nɔn'n, amun ´yo sran yɛ amun ´nyan amún ti.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.