Marc 4:17 - NYANMIƐN NDƐ'N 1998

¹⁷ Sanngɛ be ti kɛ awie b'ɔ lɛ-man ndin sa, be anwlɛn'n sɔ-man, kɛ afɛ'n nin yalɛ klelɛ'n tɔ bé su Nyanmiɛn ndɛ'n ti'n, kpɛkuun bé ti nun saci.

Nyanmien nde Ufle

¹⁷ Sannge bé ti ke awié b'o le'a ndin sa, bé awlen'n soman, ke afe'n nin yale kléle'n to bé su Nyanmien nde'n ti'n, kpekuun bé ti nun satyi.

Marc 4:17 Iomraidhean Croise

Zɔb I Nyrɛnnɛn Wunlɛ 19:28

Amun bɔ amun usa amun wun kɛ: «?E ´yo sɛ nan y'a trɛ i'n?» Amun bɔ amun waan sa ng'ɔ juli min su'n ɔ fin min bɔbɔ'n,

Matthieu 11:6

Sran nga i ti nun a saci-man min ti'n, i liɛ su ti ye!»

Matthieu 12:31

I sɔ'n ti'n, n ´kan kle amun kɛ, Nyanmiɛn i dunman sacilɛ'n kwlaa ɔ nin sa kwlaa nga sran yo i'n, ɔ ´yaci cɛ. Sanngɛ Nyanmiɛn Wawɛ'n i dunman sacilɛ liɛ'n, ɔ su yaci cɛ-man le.

Matthieu 13:21

Sanngɛ ɔ'a nyan-man ndin wlawlɛ, ɔ ti sran bɔ i anwlɛn'n sɔ-man, kɛ afɛ'n nin yalɛ klelɛ'n tɔ i su Nyanmiɛn ndɛ'n ti'n, kpɛkuun ɔ'a yaci Nyanmiɛn sulɛ'n.

Marc 4:16

I kunngba'n kusu akpuɛ nga awie'n wie tɔli su'n yɛlɛ be nga kɛ be ti Nyanmiɛn ndɛ'n, kpɛkuun be klun jɔ be fa su.

Marc 4:18

Nduin mma nga kusu bɔ awie'n wie tɔli nun'n yɛlɛ be nga be ti Nyanmiɛn ndɛ'n

JÉSUS-CHRIST I DYASIN FE'N BO LUC KLELI'N 12:10

Sran kwlaa ng'ɔ kan m bɔ n kacili Sran'n mín wun ndɛ'n, be ´yaci cɛ i, sanngɛ sran ng'ɔ saci Nyanmiɛn Wawɛ'n i dunman'n, be su yaci cɛ-mɛn i mlɔnmlɔn.

Jean 8:31

Yɛ ɔ seli Zuif nga be lafi i su'n be kɛ: «Sɛ an fa min ndɛ nga n kan'n su kpa'n, wuun an ti n sɔnnzɔnfuɛ sakpa,

Galasifuɛ Mun 6:12

Be nga be klo kɛ sran'm be bu be sran'n, be yɛ be mian amun kɛ an wla klɛn nin-ɔn. Be waan be ´yo i sɔ nan b'a kle-man be yalɛ Krist i waka'n ti.

2 Timote 1:15

A si kɛ be kwlaa nga be wo Azi mɛn'n nun lɔ'n b'a wanndi min, be wie yɛlɛ Fizɛl nin Ɛrmozɛni.

2 Timote 4:10

afin mɛn'n nun ninnge bɔ Demas klo be'n be ti ɔ'a wanndi min a ɔ Tɛsalonik. Krɛsɛn kusu ɔ'a ɔ Galasi, Tit a ɔ Dalmasi .

2 Timote 4:16

Kɛ be fa min ɔli jɔlɛ difuɛ'm bé ja su klikli'n, sran fi a jran-man ń sin, be kwlaa be wanndili min. Nán man Nyanmiɛn fa bé wun ndɛ sie i klun!

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .

Sa nglô yile 2:13

N si amun tranwlɛ'n, lɔ yɛ Satan i bia'n wo-ɔ. Sanngɛ ɔ nin i sɔ ngba'n, an fa amun wun mantan n kpa. Antipas b'ɔ kan min ndɛ'n tititi'n, i nun nga bɔbɔ bɔ be kunnin i amun wun lɔ lika nga Satan tran lɔ'n, amu'an yi-man amún wla n su.