Marc 3:7 - NYANMIƐN NDƐ'N 1998

⁷ Jésus nin i sɔnnzɔnfuɛ'm be cuɛn be wun ɔli fɛtɛ'n nuan lɔ. Sran kpanngban kpa be suli i su. Be fin Galile, nin Zide,

Nyanmien nde Ufle

⁷ Jésus nin i sonnzonfue'm bé tyuen bé wun oo fete'n nuan lo. Swran kpanngban kpa bé suu i su. Bé fin Galilée, nin Judée,

Marc 3:7 Iomraidhean Croise

Matthieu 10:23

Sɛ be kle amun yalɛ klɔ kun su'n, an `wanndi wɔ klɔ uflɛ su. Nanwlɛ, an su wie-man Izraɛl klɔ'm be su wlan nan m bɔ n kacili Sran'n m'an ba.

Matthieu 12:15

Sanngɛ kɛ Jésus sili sɔ'n, ɔ jasoli lika sɔ'n nun. Sran kpanngban kpa be suli i su. Ɔ yoli be kwlaa be juejue,

Matthieu 12:16

yɛ ɔ wlali bé su nun kpa kɛ nán man be kan ndɛ sɔ'n

Matthieu 4:25

Sran kpanngban kpa be fin Galile nin Klɔ Blu asa'n su, nin Zerizalɛm, nin Zide akpasua'n su, ɔ nin Zurdɛn'n i sin lɔ'n be su i su.

Marc 1:39

Yɛ ɔ ɔli Galile mɛn'n i lika'n kwlaa, ɔ kan ndɛ Nyanmiɛn ndɛ suanlɛ nin i srɛlɛ sua'm be nun, ɔ man asiɛ usu'm be jao sran'm be su.

Marc 1:45

Sanngɛ kɛ bian sɔ'n fiteli cɛ'n, yɛ ɔ tɔli ndɛ sɔ'n i jɔ bolɛ su lika'n kwlaa nun-ɔn, lele Jésus ɔ'a kwla yi-mɛn i wun nglo klɔ fi su kun. Ɔ kali klɔ'n nuan lɛ, yɛ sran'm be fin lika'n kwlaa be bɛli i wun lɛ.

Marc 3:20

Kpɛkuun ɔ sɛli i sin awlo lɔ nan sran kpanngban kpa b'a yia lɛ ekun, ɔ man be kwla di-man like bɔbɔ.

Marc 4:1

Jésus boli like klelɛ'n bo ekun fɛtɛ'n nuan lɛ. Sran kpanngban kpa be yiɛli i wun lɛ, ɔ man ɔ fu trannin alie kun nun fɛtɛ'n su lɔ. Sran'm be kwlaa be kusu be guali nzue kpa'n nuan lɛ.

JÉSUS-CHRIST I DYASIN FE'N BO LUC KLELI'N 23:5

Sanngɛ be jrannin su kekle kpa, be seli kɛ: «Kɛ ɔ ´kle sran'm be like'n, ɔ wlawla be. Ɔ boli i bo Galile lɔ, ɔ sinnin Zide mɛn wunmuan'n nun lele ɔ'a fa ju wa.»

JÉSUS-CHRIST I DYASIN FE'N BO LUC KLELI'N 6:12

Kɛ ɔ yoli sɔ'n, le kun Jésus ɔli oka kun su kɛ ɔ ko srɛ Nyanmiɛn, ɔ srɛli Nyanmiɛn lele aliɛ'n cɛnnin i.

JÉSUS-CHRIST I DYASIN FE'N BO LUC KLELI'N 6:17

Jésus nin be fin oka'n su lɔ jrali, be wa jrannin lika kpɛkplɛkpɛ kun bɔ i sɔnnzɔnfuɛ kaka kpa be o lɛ'n nun, yɛ sran kpanngban bɔ be fin Zide mɛn wunmuan nun, nin Zerizalɛm, nin Tir, nin Sidɔn'n be o lɛ wie. Tir nin Sidɔn be o jenvie nuan lɔ.

Jean 7:41

Wie'm be kusu be waan: «Bian nga yɛ ɔ ti Krist nin-ɔn.» Yɛ wie'm be usali kɛ: «Ai, Galile yɛ Krist'n fin-ɔn?

Jean 7:52

Be seli i kɛ: «?Ɔ kusu, a ti Galilefuɛ? Kanngan Nyanmiɛn Ndɛ nga be klɛli'n nian, a ´wun kɛ Nyanmiɛn nuan ijɔfuɛ fi fin-man Galile.» [

Sa nga bé yôli'n 17:10

Kpɛkuun e niaan'm be man Pɔl nin Silas be ɔli Bere kɔnguɛ. Kɛ be juli lɔ'n, be wluli Zuif'm be Nyanmiɛn ndɛ suanlɛ nin i srɛlɛ sua'n nun.

Sa nga bé yôli'n 17:14

Kpɛkuun e niaan'm be yoli man Pɔl ɔli jenvie'n nuan lɔ, sanngɛ Silas nin Timote be kali lɛ.

Zozie 20:7

Izraɛlfuɛ'm be kpali Kedɛs klɔ'n b'ɔ o Galile lɔ'n Nɛftali i oka-oka lika nun'n, ɔ nin Sisɛm klɔ'n b'ɔ o Efraim oka-oka lika nun'n, ɔ nin Kirzat-Arba bɔ be flɛ i ekun kɛ Ebrɔn'n b'ɔ o Zida oka-oka lika nun'n.

Zozie 21:32

nin Nɛftali lika liɛ nun'n, be nyannin klɔ dandan nsan ɔ nin be nnɛn didiwlɛ mun. Klɔ sɔ mun yɛlɛ Kedɛs, b'ɔ o Galile lɔ'n, ɔ ti fiawlɛ klɔ, nin Amɔt-Dɔr, ɔ nin Kartan.