Marc 2:27 - NYANMIƐN NDƐ'N 1998

²⁷ I sin Jésus seli be ekun kɛ: «Be sie wunmiɛn-delɛ-cɛn'n mannin sran, nán wunmiɛn-delɛ-cɛn'n ti yɛ sran o lɛ-ɔ .»

Nyanmien nde Ufle

²⁷ I sin o sé bé ékun ke: Bé sié sabbat tyen'n maan swran, nanh sabbat tyen'n ti ye swran ô leo.

Marc 2:27 Iomraidhean Croise

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Ezekiɛl 20:12

N kpɛli wunmiɛn-delɛ-cɛn nan n ´fa yi aenguɛ nga e nin be e trali'n i nglo, kɛ ɔ ´yo nan b'a si kɛ n ti Anannganman nan n fali Izraɛl n sieli i ngunmin kɛ ɔ `su min.

Ezekiɛl 20:20

Amun `sie min wunmiɛn-delɛ-cɛn i ngunmin, ɔ ti nzɔliɛ kun b'ɔ o min nin amun ye afiɛn kɛ ɔ ´yo nan b'a si jrɛiin kɛ n ti Anannganman amun Nyanmiɛn'n ti.

Marc 2:28

Ɔ man m bɔ kacili Sran'n, wunmiɛn-delɛ-cɛn bɔbɔ kpa'n min yɛ n sie i-ɔ.

JÉSUS-CHRIST I DYASIN FE'N BO LUC KLELI'N 6:9

Jésus seli be kɛ: «N ´usa amun sa kun. ?Wunmiɛn-delɛ-cɛn nun'n be kwla yo sran ye annzɛ be yo sran tɛ, yɛ be de sran annzɛ be kun sran?»

Jean 7:23

?Sɛ an wla be klɛn wunmiɛn-delɛ-cɛn'n nun-ɔn amu'an saci-man Moiz mmla'n, wuun nguɛ ti yɛ klɔ sran wunmuan kun bɔ n yo i juejue wunmiɛn-delɛ-cɛn'n nun'n ti an fa min wun ya-a?

2 Korɛntfuɛ Mun 4:15

Amun ye yolɛ ti yɛ sa sɔ'n kwlaa yoli sɔ-ɔ, ɔ man kɛ Nyanmiɛn yo sran kpanngban bɔ bé nuan uka su titi'n be ye dan'n, ɔ man sran sɔ'm be kusu be wa lɛ i ase, yɛ be ´bo i dunman.

Mmla'n 5:12

Man ɔ wla kpɛn wunmiɛn-delɛ-cɛn'n su, man ɔ yo min liɛ klonglo kɛ n kan kle wɔ'n sa.

Mmla'n 5:14

Sanngɛ cɛn ba'n i nso sufuɛ'n, ɔ ti min Anannganman ɔ Nyanmiɛn'n min wunmiɛn-delɛ-cɛn. Nán di junman fi cɛn sɔ'n nun. Sɛ wɔ o, sɛ ɔ́ wa yasua o, ɔ́ wa bla o, ɔ́ sa nun junman difuɛ yasua o, ɔ́ sa nun junman difuɛ bla o, ɔ nannin o, wɔ aflunmun o, ɔ nnɛn'm be kwlaa o, aofuɛ ng'ɔ tran wɔ awlo o, nán amun wie fi di junman cɛn sɔ'n nun mlɔnmlɔn. Man ɔ sa nun junman difuɛ, sɛ bla o, sɛ yasua o, be de wunmiɛn kɛ ɔ bɔbɔ sa.

Kolɔsfuɛ Mun 2:16

I sɔ'n ti, nán man sran wie kan amun ndɛ like diwa, nin like nga amun nɔn'n, nin cɛn dilɛ, nin anglo lekun, nin wunmiɛn-delɛ-cɛn'n be su.