Marc 2:24 - NYANMIƐN NDƐ'N 1998

²⁴ Farizifuɛ'm be seli kɛ: «?Nian, nguɛ ti yɛ be yo like nga sran lɛ-man atin kɛ ɔ yo i wunmiɛn-delɛ-cɛn nun nin-ɔn? »

Nyanmien nde Ufle

²⁴ Pharisifue'm (*f4*) bé séé i ke: ?Nian, nzu ti ye bé yô liké nga swran le'a atin ke o yôé sabbat tyen nion?

Marc 2:24 Iomraidhean Croise

Ezipt Lɔ Tulɛ'n 20:10

Sanngɛ cɛn ba'n i nso'n su fuɛ'n, ɔ ti min Anannganman bɔ n ti ɔ Nyanmiɛn'n min wunmiɛn-delɛ-cɛn. Nán di junman fi cɛn sɔ'n nun. Sɛ wɔ bɔbɔ o, sɛ ɔ́ wa bla o, ɔ́ wa yasua o, ɔ́ sa nun junman difuɛ bla o, ɔ́ sa nun junman difuɛ yasua o, ɔ nnɛn o, aofuɛ ng'ɔ tran wɔ awlo o, nán amun wie fi di junman cɛn sɔ'n nun mlɔnmlɔn .

Ezipt Lɔ Tulɛ'n 31:15

Man be fa cɛn ba nsiɛn be di junman, sanngɛ cɛn ba'n i nso su fuɛ'n, ɔ ti wunmiɛn-delɛ-cɛn. Ɔ ti min cɛn klonglo. Sran kwlaa ng'ɔ di junman cɛn sɔ nun'n, man be kun i.

Ezai 56:2

Sran ng'ɔ fa ndɛ bɔ m'an kɛn i yɛ'n su'n, b'ɔ tra nun kekle'n, b'ɔ sie min wunmiɛn-delɛ-cɛn'n i ngunmin'n, b'ɔ yo-man sa tɛtɛ'n wie fi'n, i liɛ su ti ye!»

Ezai 56:4

Afin Anannganman wan yoo: «Sran nga be sɛli be'n, bɔ be sie min wunmiɛn-delɛ-cɛn'n i ngunmin'n, bɔ be yo n klun sa'n, bɔ be nian aenguɛ nga min nin min nvle'n nunfuɛ mun e trali'n i mmla'n su kpa'n,

Ezai 56:6

Aofuɛ nga be fa bé wun mantan min'n, bɔ be bu min sran'n, bɔ be klo min'n, bɔ be fa bé wun man kɛ be ´yo min sufuɛ'n, bɔ be sie min wunmiɛn-delɛ-cɛn'n i ngunmin'n, bɔ be nian aenguɛ nga min nin min nvle'n nunfuɛ mun e trali'n i mmla'n su kpa'n,

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Matthieu 12:2

Kɛ Farizifuɛ'm be wunnin i sɔ'n, be seli Jésus kɛ: «Nian, ɔ sɔnnzɔnfuɛ'm be yo like nga sran lɛ-man atin kɛ ɔ `yo i wunmiɛn-delɛ-cɛn'n nun'n.»

Marc 2:16

Kɛ mmla klefuɛ bɔ be ti Farizifuɛ'n be wunnin kɛ ɔ nin gua bo sika defuɛ mun nin sa tɛtɛ yofuɛ mun be su di like'n, be seli i sɔnnzɔnfuɛ'm be kɛ: «?Nguɛ ti yɛ ɔ nin gua bo sika defuɛ mun nin sa tɛtɛ yofuɛ mun di like-ɔ?»

Marc 2:25

Jésus seli be kɛ: «?Kɛ awe kunnin David nin i minniɛn'm bɔ bé sa miannin'n, sa nga be yoli'n, an nian kɛnngɛn-mɛn i le?

Marc 2:7

«? Nguɛ ti yɛ ɔ kɛn i ndɛ liɛ sɔ-ɔ? Ɔ saci Nyanmiɛn dunman. ? Sɛ nán Nyanmiɛn kunngba cɛ'n, wan yɛ ɔ kwla yaci sran i wun sa cɛ i-ɔ?»

Hébreu 12:3

An `bu i bɔ kɛ sa tɛ yofuɛ'm be saci i wun'n ɔ trɛli i anwlɛn'n i akunndan nan amún sa sin a bubu-man amun nan amu'an kpɔnzɔ-man.