Marc 16:18 - NYANMIƐN NDƐ'N 1998

¹⁸ be ´tra wuo mun, sɛ be nɔn like wie b'ɔ kun sran'n, ɔ su yo-man be sa fi. Be ´fa bé sa fua tukpacɛfuɛ'm be su, be ´yo juejue.»

Nyanmien nde Ufle

¹⁸ béh trah wuô mun, se bé non liké wié b'o kun swran'n, o su yô'a bé sa fi. Béh fah bé sa fue tukpatyefue'm bé su, béh yôh dyuédyué.

Marc 16:18 Iomraidhean Croise

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Jue Mun 91:13

Sɛ a fu asɔmɔli wie annzɛ ɔnda wie su'n, like fi su yo-man wɔ. Sɛ a tia nnɛn wlɛfuɛ wie annzɛ wuo wie su'n, like fi su yo-man wɔ .

Marc 5:23

ɔ srɛli i kpa, ɔ seli kɛ: «N wa bla kaan'n su wu cinnjin kpa. Bla wa fa ɔ́ sa fuɛ i su, man ɔ yo juejue nan ɔ nyan nguan.»

JÉSUS-CHRIST I DYASIN FE'N BO LUC KLELI'N 10:19

Nian, n seli amun kɛ, m mannin amun kwlalɛ, ɔ man amun ´tia wuo nin nyannglan'm be su, amun ´kwla kpɔfuɛ'n, yɛ like fi su yo-man amun.

Sa nga bé yôli'n 19:12

ɔ man be fali tannin nin misuali nga be fa kannin Pɔl'n be fa ko man tukpacɛfuɛ mun kpɛkuun be tukpacɛ'n wie, yɛ be bɔ asiɛ usu su be su'n, ɔ jao bé wun.

Sa nga bé yôli'n 3:12

Kɛ Piɛr wunnin i sɔ'n, ɔ seli sran'm be kɛ: «?Amun Izraɛlfuɛ mun, nguɛ ti yɛ sa nga bo amún nuan-an? ?Nguɛ ti yɛ an nian e siin kɛ e bɔbɔ e fanngan nun annzɛ e Nyanmiɛn srolɛ ti yɛ bian nga a nanti-ɔ?

Sa nga bé yôli'n 3:16

Jésus dunman nun nin i su bɔ e lafi'n yɛ man bian nga an si i b'ɔ jin yɛ'n ɔ nyannin fanngan-an. Jésus su bɔ e lafi'n ti yɛ man ɔ kwla nantili amun kwlaa amun nyrun wa nin-ɔn.

Sa nga bé yôli'n 4:10

man amun nin Izraɛlfuɛ'm be kwlaa an si kpa kɛ Jésus-Krist b'ɔ fin Nazarɛt bɔ an boboli i waka'n su bɔ Nyanmiɛn cɛnnin i'n, i dunman nun yɛ bian nga ɔ'a yo juejue b'ɔ jin amun nyrun wa nin-ɔn.

Sa nga bé yôli'n 4:22

Bian sɔ'n i nantilɛ'n yoli abonuan, afin ɔ'a di afuɛ b'ɔ tra ablanan.

Sa nga bé yôli'n 4:30

Tinngɛ ɔ́ sa'n tukpacɛfuɛ'm bé wun, man be yo juejue, yi atrɛ, yɛ yo abonuan sa ɔ sran Jésus i dunman nun.»

Sa nga bé yôli'n 9:34

Piɛr seli i kɛ: «Ene, Jésus-Krist a yo wɔ juejue, jao sɛ ɔ bɛ'n.» Nan i osu kunngba'n nun ɔ'a jao.

Rɔmfuɛ Mun 16:20

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

1 Korɛntfuɛ Mun 12:9

Wawɛ kunngba'n man sran'n wie kusu anwlɛn ɔ fa lafi Nyanmiɛn su, yɛ i Wawɛ kunngba'n yɛ man sran'n wie kusu yo tukpacɛfuɛ'm be juejue-ɔ.