Marc 16:1 - NYANMIƐN NDƐ'N 1998

¹ Kɛ wunmiɛn-delɛ-cɛn'n sinnin'n, Mari b'ɔ fin Magdala'n nin Zak i nin Mari, ɔ nin Salome be toli ayre fannin kɛ be ´fa ko gua Jésus fuɛn'n su.

Nyanmien nde Ufle

¹ Ke sabbat b'o ti bé tyen te'n sinnin'n, Marie b'o fin Magdala'n nin Marie, Jacques i nin'n, nin Salomé bé tôô ayré fannin ke bé fa kô gue Jésus fuen'n su.

Marc 16:1 Iomraidhean Croise

Bo Bolɛ 50:2

Zozɛf seli i dɔɔtrɔ'm be kɛ be siesie i si i fuɛn'n ye be mɛn i man be ko sie i. Nan dɔɔtrɔ'm b'a kpakpa fuɛn'n i wun ayre.

2 Be Nyoliɛ 16:14

Kɛ ɔ wuli'n, be sieli i li kun su. Li sɔ'n ɔ ti ayre fannin nin parfɛn ngunmin. Be nga be si parfɛn'n yo kpa'n be yɛ be yoli ayre fannin'n nin parfɛn sɔ nin-ɔn. Be yrali wie kpanngban kpa i dunman nun. Be sieli i i ndia ng'ɔ kpɛli'n nun David Klɔ lɔ.

Marc 14:3

Kɛ Jésus o Simɔn b'ɔ ti kokowefuɛ'n i awlo Betani lɔ'n, bɔ be ti aliɛ'n sin'n, bla kun wluli bé sin lɔ parfɛn bɔ i gua ti kekle kpa'n i albatri sɛ kun wo i sa nun. Be fa nar ngo muɛn yɛ be yoli-ɔ. Ɔ buli sɛ sɔ'n i ti, yɛ ɔ fali parfɛn'n guali i Jésus ti'n su.

Marc 14:8

Ɔ'a yo ng'ɔ kwlɛ i yo'n, ɔ'a dun mmua gua min wun parfɛn, min nziɛ yɛ ɔ'a sie-ɔ.

Marc 15:40

Bla wie'm be kusu be o mmua lɔ be niɛn i. Mari b'ɔ fin Magdala'n, yɛ Zak Kan nin Zoz be nin Mari, ɔ nin Salome be o be nun.

Marc 15:42

Kɛ ɔ ´yo sɔ'n, wuun aliɛ a dun mmua jɔ. Cɛn sɔ'n ti Zuif'm bé wun buabualɛ cɛn, wuun wunmiɛn-delɛ-cɛn'n ɔ su wa wlu awlo .

Marc 15:47

Mari b'ɔ fin Magdala'n, nin Zoz i nin Mari, be niannin kan be sieli i lɔ'n.

Marc 16:2

Mɔnnɛn b'ɔ ti le mɔcuɛ'n i cɛn ba klikli'n, nglɛmun ndɛ kpa kɛ wia'n ´tu i bo'n, be ɔli ndia'n su lɔ.

Marc 16:8

Be fin ndia'n nun fiteli, nan b'a wanndi, afin bé wun usu be yɛ srɛ kun be. Srɛ b'ɔ kun be'n ti, b'a kan-man ndɛ fi a kle-man sran fi. [

JÉSUS-CHRIST I DYASIN FE'N BO LUC KLELI'N 23:54

Cɛn sɔ'n ti Zuif'm be wun buabualɛ cɛn, wuun wunmiɛn-delɛ-cɛn'n ɔ su wa wlu awlo.

JÉSUS-CHRIST I DYASIN FE'N BO LUC KLELI'N 23:56

Kɛ be sali bé sin'n, be ko yoli ayre fannin nin nyanngo. Yɛ wunmiɛn-delɛ-cɛn nun'n, be trannin ase deli wunmiɛn, afin kɛ ɔ ti sɔ be mmla'n nun-ɔn .

JÉSUS-CHRIST I DYASIN FE'N BO LUC KLELI'N 24:1

Mɔnnɛn'n b'ɔ ti le mɔcuɛ'n i cɛn ba klikli'n, bla'm be fali ayre fannin'n bɔ be yoli'n be ɔli ndia'n su lɔ nglɛmun ndɛ kpa'n.

Jean 19:25

Jésus i nin'n, ɔ nin Klopas i yi'n b'ɔ ti Jésus i nin'n i niaan'n, ɔ nin Mari b'ɔ fin Magdala'n be jin waka nga be boboli Jésus su'n i bo lɛ.

Jean 19:31

Zuif'n be ko srɛli Pilat kɛ ɔ yo man be bubu be nga be boboli be'n bé ja'n nan be yi be waka'n su, afin cɛn sɔ'n ti ya cɛn. Ya cɛn'n yɛ Zuif'm be fa buabua bé wun-ɔn, yɛ be klo-man kɛ be `yaci be lɛ man wunmiɛn-delɛ-cɛn'n to be lɛ yɛlɛ kɛ wunmiɛn-delɛ-cɛn kun sɔ'n ti bé cɛn dan.