Marc 14:41 - NYANMIƐN NDƐ'N 1998

⁴¹ Kɛ ɔ bɛli i kpɛ nsan su'n, ɔ seli be kɛ: «An `de wunmiɛn, an `lafi siɛn'n. Ɔ'a wie! Dɔ'n ɔ'a ju, an `nian, be wa fa m bɔ n kacili Sran'n man sa tɛ yofuɛ mun.

Nyanmien nde Ufle

⁴¹ Ke o bee i kpe nsan su'n, o sé bé ke: Anh dé wunmien, anh lafi sien'n. Wa wié! Do'n wa dyu, anh nian, bé wa fa m bo n katyii Swran'n man sa te yôfue mun.

Marc 14:41 Iomraidhean Croise

1 Famiɛn Mun 18:27

Kɛ wia'n juli bé ti afiɛn'n, Eli yoli be fiaan, ɔ seli be kɛ: «Amun `kpan kekle! Ɔ ti amun amuɛn'n, wienun-ɔn, ɔ su bu like wie akunndan, annzɛ i sa ti mianwa, annzɛ kusu ɔ'a tu ajalɛ. Wienun-ɔn, ɔ su lafi, yɛ ɔ fata kɛ be tinnge i.»

1 Famiɛn Mun 22:15

Kɛ ɔ juli famiɛn'n i nyrun lɔ'n, famiɛn'n usɛli kɛ: «?Mise, e wɔ Galaad mɛn'n nun lɔ e ko kun alɛ Ramɔt lɔ annzɛ nán e wɔ?» Mise waan: «Kɔ, a wa kwla lɔfuɛ mun! Anannganman wa yi lɔfuɛ mun man wɔ.»

2 Famiɛn Mun 3:13

Elize seli Izraɛl famiɛn'n kɛ: «?Nguɛ yɛ a bɛli i yolɛ mín wun wa-a? Kɔ ko wun ɔ si nin ɔ nin be kɔmiɛn difuɛ'm bé wun.» Izraɛl famiɛn'n waan: «Cɛcɛ! Anannganman'n yɛ ɔ flɛli famiɛn nsan nga kɛ ɔ ´yi be ´wla Moabfuɛ'm bé sa nun-ɔn.»

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Matthieu 26:2

«An si kɛ ɔ ka le nnyɔn Delɛ-cɛn'n i dilɛ'n ´ju, be wa fa m bɔ n kacili Sran'n man sran mun kɛ be `bobo min waka'n su.»

Marc 14:10

Zidas Iskariɔt b'ɔ ti i sɔnnzɔnfuɛ blu-nin-nnyɔn'n be nun kun'n, ɔ ko toli Nyanmiɛn nyrun jranfuɛ dandan mun kɛ ɔ ´fa Jésus man be.

Marc 14:18

Kɛ be o tabli'n sin bɔ be ´di like'n, Jésus seli kɛ: «Nanwlɛ, amun nga amun nin min di like'n, amun nun kun wa fa min man sran mun .»

Marc 14:35

Kɛ ɔ ɔli i nyrun lɔ kan'n, kpɛkuun ɔ finnin i wun ase, ɔ seli Nyanmiɛn kɛ sɛ nyrɛnnɛn dan nga kwla to fuɛn i'n, man ɔ to fuɛn i.

Marc 14:40

Ɔ sɛli i sin bali ekun, ɔ ´to be-ɔ be su lafi, afin lafilɛ'n wo bé nyin su. Be wun-man ndɛ nga be kan kle i-ɔ.

Marc 14:42

An `jao man e wɔ, sran ng'ɔ ´fa min man sran mun'n su ba.»

Marc 7:9

Ɔ seli ekun kɛ: «An yi Nyanmiɛn mmla'n i blo mlɔnmlɔn, an fa amun lalafuɛ nzuɛn'm be su.

Marc 9:31

afin kɛ ɔ ´kle i sɔnnzɔnfuɛ'm be like'n, ɔ seli be kɛ: «Be wa fa m bɔ n kacili Sran'n man sran mun, be ´kun min, kɛ n wu b'ɔ di le nsan'n, n ´cɛn.»

Jean 12:23

Jésus seli be kɛ: «M bɔ n kacili Sran'n, n sran wafa nga n ti'n i nglo yilɛ cɛn'n ɔ'a ju.

Jean 12:27

«Siɛn'n, min akunndan'n ɔ'a sanngan. ?N ´se sɛ? ?N ´se kɛ: N Si, de min sa ng'ɔ wa ju yɛ'n nun? Sa sɔ'n ti yɛ m bali lele yɛ ɔ'a fa ju kɛ e ´se yɛ nin-ɔn.»

Jean 17:1

Kɛ Jésus kannin sɔ bɔ i nuan tɔli'n, ɔ mɛnnin i nyin su niannin Nyanmiɛn su lɔ seli kɛ: «Min Si, blɛ'n ɔ'a ju siɛn'n, yi ɔ Wa'n i sran wafa ng'ɔ ti'n i nglo nɛn i kusu man ɔ kɔmin su.

Jean 7:30

Ɔ man be waan be ´trɛ i, sanngɛ i tralɛ cɛn nian ju-man ti sran fi sa a kɛn-mɛn i.

Jean 8:20

Kɛ Jésus ´kle like Nyanmiɛn i sua'n nun b'ɔ o sika guawlɛ'n i wun lɛ'n, yɛ ɔ kannin ndɛ sɔ nin-ɔn. Sran fi a trɛ-mɛn i, afin i cɛn'n nian ju-man.

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.

Jɔlɛ Difuɛ Mun 10:14

Amun `wɔ be ko kpan flɛ amuɛn nga amun ɔli bé sin'n, man be de amun blɛ kekle nga nun.»