Marc 14:11 - NYANMIƐN NDƐ'N 1998

¹¹ Kɛ be tili'n, be klun jɔli, yɛ be seli i kɛ be ´mɛn i sika. Ɔ man Zidas kunndɛli cɛn ng'ɔ ti kpa bɔ i nun ɔ ´kwla fɛ i man be'n.

Nyanmien nde Ufle

¹¹ Ke bé tili'n, bé klun dyoli, ye bé séé i ke béh menh i sika. O man Judas kunndee tyen ng'o ti kpa bo i nun oh kwlah fe man bé'n.

Marc 14:11 Iomraidhean Croise

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

2 Famiɛn Mun 5:26

Elize seli i kɛ: «?Kɛ bian'n ´fin i kakaklolo'n nun ´jra, b'ɔ ´ko kpa wɔ atin'n, be waan min wawɛ'n nun-man lɔ? ?Tralɛ'n i falɛ wafa nga a ko fɛli i lɛ'n, i su-ɔ? Yɛ sika nga a ´fa to olivie fie, nin vinyi fie, nin bua, nin nannin, nin kanga yasua, ɔ nin kanga mmla mun'n, i falɛ wafa nga a ko fɛli i lɛ'n, ɔ ti kpa?

Ndɛ Nga Nyanmiɛn I Nuan Ijɔfuɛ Oze Kannin'n 7:3

Be klunwi aeliɛ'n jɔ famiɛn'n klun. Gblɛ nga be kpɛ'n, ɔ jɔ famiɛn'n i awlo lɔ sran dandan'm be kusu be klun.

Matthieu 26:14

Yɛ i sɔnnzɔnfuɛ blu-nin-nnyɔn'm be nun kun bɔ be flɛ i kɛ Zidas Iskariɔt'n ɔ ɔli Nyanmiɛn nyrun jranfuɛ dandan'm be wun lɔ,

Matthieu 26:15

nan ɔ'a usa be kɛ: «?Sɛ n fɛ i man amun'n, nguɛ yɛ amun ´man min-ɔn?» Nan be nɛn a sɛ su kɛ be ´mɛn i jɛtɛ ufue ablasan .

Marc 14:10

Zidas Iskariɔt b'ɔ ti i sɔnnzɔnfuɛ blu-nin-nnyɔn'n be nun kun'n, ɔ ko toli Nyanmiɛn nyrun jranfuɛ dandan mun kɛ ɔ ´fa Jésus man be.

Marc 14:12

Kpaun bɔ kpaun ayre nun-man nun'n i cɛn dilɛ klikli'n bɔ i nun yɛ be kun Delɛ-cɛn'n i bua'n, Jésus sɔnnzɔnfuɛ'm be usɛli i kɛ: «?Lika onin yɛ a klo kɛ e siesie nan a ´di Delɛ-cɛn nun-ɔn?»

JÉSUS-CHRIST I DYASIN FE'N BO LUC KLELI'N 22:3

Zidas Iskariɔt b'ɔ ti Jésus i sɔnnzɔnfuɛ blu-nin-nnyɔn'm be nun kun'n, kɛ ɔ ´yo sɔ'n, wuun Satan ɔ'a fɛ i mlɔnmlɔn.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

Jude 1:11

I sɔfuɛ'm be yako! Afin atin kunngba nga Kaɛn fali su'n, be fa su wie. Kɛ ɔ ´yo nan b'a nyan sika'n, be fa bé wun wlali sa tɛtɛ yolɛ'n nun kɛ Balaam liɛ'n sa. Be mlinnin, afin be yoli nyin kekle kɛ Kɔre liɛ'n sa .